DANIEL 2:23 - Kathara Bible (BSI)

²³ O Ishāvā ngarāwui Vare! Ina ningshida masot chigatli; kaja awor kala yāng nana ili mi, kala ithumna nali kapo chi nana ili theingasakhaira, kaja awungana ningkachāng chi nana ithumli chitheimihaira.”

DANIEL 2:23 Iomraidhean Croise

HAOKAPHOK 18:17

Prohona hānga, “Ina sāki kaji chi Abrahamli mahāngla ngathumhaorala,

HAOKAPHOK 31:42

Ishāvāwui Vare, Abrahamwui Vare, kala Isaacna Khangachee Varena ili manganingmisi kaja nana makahatlakla ili khamasai eina shiunlakra. Iwui kakhanang kala ipāng eina ot kasā chi theida angayā nali Varena rākakaharna.”

1 WUNGNAOBING 18:36

Ngazin pha̱kaphayā atam ungkashung eina marān Elijahna hanphut ngalemli vanganingda hānga, “O Proho, Abraham, Isaac, kala Israelwui Vare, aja na Israelwui Varena kaji, kala I nawui raona kaji, kala ina kasāsā hi nawui tuina kaji aja zimik theikhuiranu.

1 WUNGNAOBING 8:57

Ishāvā ngarāli ngasokhami thāda ithumwui Proho Varena ithumlila ngasomiranu; ana ithumli mahorhaila ngasomiranu;

1 THOTRINCHĀN 29:10

Chiwui vang yarui saikorawui mangāli Davidna Proholi sochikatta hānga, “O Proho, ishāvā Israelwui Vare, katang mavaila namāngli sochikatchingranu.

1 THOTRINCHĀN 29:13

Ara ithumwui Vare, ithumna nali ningshi, kala tekhamatei namingli sochikatli.

2 THOTRINCHĀN 20:6

“O Proho, ishāvā ngarāwui Vare, kazingramli Vare chi na maningmala? Yurbingwui wungram saikoralila nana khamung maningmala? Sāshapla pangshapla nawui pāngli lei, chiwui vang nali khipānakha mangasungrarmana.

LAA 21:2

Awui ningna ningkachāng chi nana mihaira, kala awui morchai eina kapo chi nana makhalanmana.

LAA 21:4

Ana mirin sangmei khavai poi; nana ali kasāngkha okkapei miya.

LAA 25:14

Ali khangacheebingli Prohona, ngasotnao sāmi, awui tuingashit athumli ana theingasaka.

LAA 50:14

Ningkashiwui pha̱kaphayā Vareli chigatlu, Juimeikap kachipāli nana khangashit sākahai chi milu;

SHONGZĀ 3:15

Kala Varenala Mosesli hānga, “Israelnaobingli hithāda ahānglu, ‘Proho, navā ngarāwui Vare, Abrahamwui Vare, Isaacwui Vare, kala Jacobwui Varena ili nathumwuili chihokharāna’ hi katang makhavai iwui mingna,” nathumwui thot kachida ili phaningungki kajina.

CHĀNSAM 21:22

Kapingana khikha mathamara da kachihan keinung chi thangkhama tamkazaklaga sākhai.

CHĀNSAM 24:5

Kapinga miliva thangkhamei mina pangmei, yāng khaleia mili theithangkhameina pangmei;

CHĀNSAM 8:14

Hāngkachithei kala akachanga thangkhamei ili lei, theishingkakhui kala yāng ili lei.

HĀSHOKME 7:19

Thangkhameina thangkhamei mili keinung akhawui khamunga tharāli pangkhamei yāng mi.

HĀSHOKME 9:16

Kha ina kahāng hina kaja, kachāma chiwui thangkhameili chipatsālala kala awui tuili mahengsangsālala thangkhameina pangshapli phāmei.

HĀSHOKME 9:18

Thangkhamei hi raiwui khutlailila phāmei, kha morei kaphunga akhana kaphā kachungkha sashimānshapa.

ISAIAH 12:1

Chithang nana hāngra: “O Proho, ina nali ningkashi mira; kaja ili nana malungvātsālala nawui malungkhavāt ngalanthuihaowa, kala nana ili ninglum ngasaka.

JEREMIAH 33:3

“Ili ngakaolu ina ngahānkāra, nathumna makathei thum kahai kachungkha hāngmira.

DANIEL 1:17

Athum mayar mati chili Varena lairik kathemla aworla kachungkha ngarumsangmi; kala Danielna mang kala khamahā saikora theishingkhuikashap lei.

DANIEL 2:18

kala Babylonli khalei thangkhamabingli ngasoda athumlila mashaothat khavai kazingramwui Varewui lukhamashan poda khangathuma tui chi phongmi khavai seihā sālu da hānga.

AMOS 3:7

Kachangkhat awui rao marānbingli maphongmila, Proho VAREna khikha masālakmana.

MATTHEW 11:25

Atam chili Jishuna phongshoka, “Ina nali ningshili Avā, kazing eina ngaleiwui Proho, khiwui vangkhala kaja nana otbing hi thangkhamei kala katheiabingwui eina thummihailaga angangnaobingli chitheimi,

LUKE 10:21

Pung chichangli ana Manglā Katharawui mangā eina khamathān samphangda hānga, “He Avā, kazingram eina okathuiwui Proho, ina nali masotchikatli kaja nana otbing hi thangkhamabing eina theishingkakhuibingwui eina ngathumihailaga angangnaobingli chitheimihaowa; mha, Avā, hikathā hi nawui lukhamashanwui kaphaningna.

JOHN 11:41

Athumna lungphek chi khalangshok kahai eina Jishuna kazingram yangkāda hānga, “Iwui Avā, nana ili shākhamiwui vang nali ningshi.

JOHN 15:15

Ina nathumli rao maholuimana, kachiwui vangkhala kaja akhavāna khi salikhala kaji raona matheimana. Ina nathumli ngasotnao hoi, kachiwui vangkhala kaja ina iwui Avāwui eina shākakhui saikora nathumli hāngserhaira.

PHONGKHAMI 1:1

Thākta rāshokphalungki kaji, awui raobingli chithei khavai Varena ali khami Jishu Khristawui phongkhami; hi ana awui kazingrao chihoda awui rao John,

PHONGKHAMI 5:5

Chieina arar akhana hānga, “Machapalu, yanglu, Davidwui Angayung, Judah shangwui Kazingkha̱ china yuihaira, chieina ana lairik akhalui kala mahor shini chi sākhaishapra.”