DANIEL 2:22 - Kathara Bible (BSI)

²² Kasaka kathuka tui ana phongmi, tangkhamangli khalei chila ana thei; kala awuili kahor lei.

DANIEL 2:22 Iomraidhean Croise

HAOKAPHOK 41:16

Josephna Pharaohli ngahānkai, “Theikashapā chi iwuili maleimana; Pharaohwui ningkachāng Varena ngahānkāmira.”

JOBWUI LAIRIK 12:22

Tangkhamangwui eina ana kathuka phāshoka, kala tangmangting kahai chi horngasaka.

JOBWUI LAIRIK 26:6

Varewui mangāli Kathewui ram mahonghathaiya, kala Abaddon faror khavai maleimana.

LAA 104:2

kahorna kachon thāda na khalatta ngavai, kachonshim thāda kazing chi nana hārhai,

LAA 25:14

Ali khangacheebingli Prohona, ngasotnao sāmi, awui tuingashit athumli ana theingasaka.

LAA 36:9

Kaja nawuili kharinga ura̱ lei; nawui kahorlungli ithumna kahor thei.

HĀSHOKME 8:1

Khipana thangkhamei mi thākhala? Kala khipāna ot akhawui tuikhalat theikhala? Mi akhawui thangkhameina awui mai horngasaka, kala awui ningngaila ngachei ngasaka.

ISAIAH 41:22

Athumwui meoma̱bing chi khuirāranu, naoda khi shoknikhala kaji ithumli hāngranu. Shokkahaibing chi khimameikhala hāngmilu, shokki kachibing khimameikhala ithumli hāngmilu, ithum machukvaiga.

ISAIAH 41:26

Ithumna theikhavai rilak eina khipāna hānghaisākhala? kala “Ana mashunga” jikhavai khipāna achā hāngkhala? Khipānakha maphonglakmana, khipānakha mavaosanglakmana, khipākha nawui tui mashāsālakmana.

ISAIAH 42:9

Yanglu, kharebing chi shokhaira, kala kadharabing ina lānkhamina; chibing chi mashokranglakha ina nathumli kahāngna.”

ISAIAH 45:7

Kahorla tangkhamangla ina sai, kaphāla kashila ina sai, saikora hi kasā Proho chi ina.

JEREMIAH 23:24

Makathei apamli mi akhana ngathumhaowa da ina matheirarmarala? da Prohona hānga. Okathuilila kazingramlila ina kachipem maningmala? da Prohona hānga.

JEREMIAH 33:3

“Ili ngakaolu ina ngahānkāra, nathumna makathei thum kahai kachungkha hāngmira.

DANIEL 2:11

Awungana khangahān tui hiya kasaka otna, kala hikathā hi phasā makhavaiya kameobing maningla khipākha matheimara.”

DANIEL 2:19

Kala Danielli māngli rāmahāmida khangathuma tui chi chitheimi. Chieina Danielna atungshongwui Vareli ningkashi mi.

DANIEL 2:47

Awungana Danielli hānga, “Kachangkhat eina nawui Vare hiya varebingwui Varena kala awungabingwui Prohona, kala ngathum kahai phongkhamena; khikhalajila ngathum kahai hi nana phongmishaphaowa.”

DANIEL 5:11

Nawui wungramli manglā kathara khangaso mi akha lei. Navā Nebuchadnezzarwui thotli, kathemla thangkhameila varenao thāda paisor eina katheiwui vang, navāna ali laivā kathembing, mitrang kathembing, Chaldeanaobing kala sirā machukkatheibingwui kathāna sāngasaka,

DANIEL 5:14

Kathara chiwui manglā nali ngasomi, kala theikashap, theishingkakhui, kala hakmahālak kahai awor nawuili lei da ina shāhaira.

MATTHEW 13:13

Chiwui vang eina ina nathumli chānjam eina tamkachitheina, khiwui vangkhala kaja athumna yanglala matheimana, nganālala mashāmana kala theishingkakhuila maleimana.

JOHN 1:9

Mi kachiva̱li horkhangasaka khamashunga kahor chi okathuili rākhamina.

JOHN 21:17

Kakathumali Jishuna hānglui, “Johnwui naomayara Simon, na ili leishila?” Kakathumalila “Na ili leishila?” da khangahānwui vang Peter wukkhananghaowa; kala hithada ngahānkai, “Proho, nana saikora katheina; ina nali leishiya kaji nana thei.” Jishuna ali hānga, “Iwui yaobingli phāuilu.”

JOHN 8:12

Jishuna athumli hāngluishita, “I okathuiwui kahorna, ili kashura china tangkhamangli mazatluilakmara kha kharingwui kahor samphangra.”

1 CORINTHNAO 4:5

Chiwui vang eina retkahai atam chi marāranglakha eina tangda khipālikha bichar masālu, Proho marāranglakha eina tangda ngaraisālu. Chithanghon tangkhamangli thumtit kahaibing kala mibingwui ningli kharin leilaga ngathum kahai saikora phongshokra. Chiwui thili mi kachiva̱ Verewui eina ana masot samphang khangayi chi samphangra.

EPHESIANAO 3:5

Khare thotli tui hi mili machitheisāmana, kha ara awui kathara paokazatbing eina marānbingli Manglāna phongmihaira.

KHALATLUI 29:28

kala malungvātnahaida Prohona athumli ngalei hiwui eina angayung phurshokhaida, hithāda ngalei khangatei akhali horsangmi kahaina.’

1 TIMOTHY 6:16

Makathe kala khipānakha marānganaikhararra kahora ramli kapāna chi a mānga. Ali khipānakha matheiranga, katheila matheirarmana. Khayākakā kala mashimānda khamung chi awui ngasāranu. Amen.

HEBREWNAO 4:13

Varivarawui eina ngathumkapai khikha maleimana. Ot saikora awui miktāli ngakheikhang eina theisera; kala ithumna sākahai ot saikora ali hāngphatserki kajina.

JAMES 1:17

Kaphā lemmet kala thada khami saikora hi atungshongwui eina katāsera. Hi aka̱lā thada ngacheiung ngachei khavā makhalei kazingramwui kahor Avāva̱wui eina kharāna.

1 JOHN 1:5

Anaomayarawui eina shākakhui chānpao kala nathumli kahāng chi hina: kaja Vare hi kahorna, awuili tangkhamang maleimana.