DANIEL 2:21 - Kathara Bible (BSI)

²¹ Atam, zur-kan ana ngachei ngasaka, ana wungnaobingli khuishok khuizang sai; thangkhamabingli awor mi, kala theishingkakhuibingli kathem mi.

DANIEL 2:21 Iomraidhean Croise

1 WUNGNAOBING 10:24

Kala Varivarana yarkahai Solomonwui thangkhamei chi okathui apam kachiva̱wui eina nganā khavai phārai.

1 WUNGNAOBING 3:28

Awungana bichar sākhami chi Israelnao saikorana shālaga matakhak eina nganingsera; kala mashun bichar sāmi khavai Varewui thangkhamei awungali sangmihaira da theikhui.

1 WUNGNAOBING 4:29

Varena Solomonli thangkhamei, theikhuikathei awor hāngkhavai maleila mi, kala ningkahak shamadruwui situiyākha sangmida,

1 THOTRINCHĀN 22:12

Israelwuitungli mung khangasak tharan Prohowui ningkhami mayonshap khavai, mashun-makhui kala theishingkakhui ning Prohona nali ngarumsangmiranu.

1 THOTRINCHĀN 29:30

kala chieina ngasoda ana khamungwui tuila, awui sākashap ot saikora, kala awuitungli, Israelwuitungli, kala wungram kachiva̱wuitungli kashoshok saikora hāngserhaida lei.

ESTHER 1:13

Chieina atam katheia thangkhameibingli awungana ngasana— kaja ain kasing kala mashun khaleibingli khangasan hi awungawui khangachāna,

JOBWUI LAIRIK 12:18

Awungabingwui kakhalap chi ana khalāmi, kala athumwui kashānli shānneira̱ neimi.

SHONGZĀ 31:3

kala ina Varewui Manglā chipemmihaira, ningla, aworkathemla, ot sākatheila —

SHONGZĀ 31:6

Kala yanglu, ali ngasoda Dan shangwui Oholiab, Ahisamachwui naomayarali kapangkhuihaira; kala chili langda ina sākashapa mi kachungkhali sākathei mihaira; kaja ina nali kaso kahai thāda athumna sāra:

DANIEL 1:17

Athum mayar mati chili Varena lairik kathemla aworla kachungkha ngarumsangmi; kala Danielna mang kala khamahā saikora theishingkhuikashap lei.

DANIEL 10:1

Persiawui awunga Cyrusna mungda kakathuma kum, Belteshazzar kaho Danielli tui akha rāphong chithei. Kala tui chi mashunga, chi haklāk kahai raireiwui ponglina. Kala ana tui chi theishingkhui kala khamahā chi theikhuichaowa.

DANIEL 11:6

Zingkum kasha̱khawui thili athum mashit ngarokta azingwui awungawui naongalāva̱na atungshongwui awungali chingrihai khavai favāra, kha athumwui khamashit mapongmara. Ala, gaharala, awui naola, kala ali ngasokhavā raobing saikorala sāthatserhaora.

DANIEL 2:20

Danielna hānga: “Mashimānda Varewui mingli sochingranu, awor kala pangshapla awuisera.

DANIEL 2:23

O Ishāvā ngarāwui Vare! Ina ningshida masot chigatli; kaja awor kala yāng nana ili mi, kala ithumna nali kapo chi nana ili theingasakhaira, kaja awungana ningkachāng chi nana ithumli chitheimihaira.”

DANIEL 2:9

kalikha mang chi ili mahāngmiakha, nathumwui vang hukhum akha lei. Atamna khangachei makhuirāmiranglakha eina tangda kapiklaga minam khavai nathum ngasan kahaina. Chiwui vang eina iwui mang chi hānglu, chithākha nathumna chiwui kakhalat hāngmishapa da ina theira.”

DANIEL 4:14

Ana panglāk eina vaoda hānga, ‘Thingrong chi ta̱teklaga aphāng thapserhaolu,’ anahla thaplaga athei katonga herkathānhaolu; sāyurbing khaya̱li mapamluiaranu, vānaobingla aphāngwui eina yāmhaoranu.

DANIEL 4:17

Kakaso hi ra̱khayangpā chiwuina, kala kathara chiwui kakasona, kaja kharingabingna theikhuira chiya Reikhamataiya china miwui wungram munga kala awui mikhangai chili miya, kala ngazanmeikap kaje chili mungngasaka.”

DANIEL 4:22

O awunga, chi nana. Nawui reikhamatai kazing kāzokta okathui kuimareida vāpeihaira.

DANIEL 4:32

nali mibingwui pamkhavai eina kashamhaora, kala nava khararwui ramsābingli ngasopamhaora; kala mukkā thāda kum shini khawo phāshai ngasakra; chieina mikumowui wungpam hi Reikhamataia ana mungda mikhangayili miya da matheiranglakha eina tangda shini shida vāfara.”

DANIEL 7:25

Ana Chuikhamataiawuitungli makhamayā tui matuira, kala Chuikhamataiawui katharabingli chotchāng ngasakra, kala atamla, ainla ngachei khavai ngarānra; kala atam akhashi, khanishi, kala tangkhaishi, athum awui pāngli horsangmira.

LUKE 21:15

kaja ina nathumli matuikatheila, thangkhameila mida nathumwui yangkashe khipānakha nathumna kahāng chili ngateida makhalatkhuirarmara kala mamashungmana dala mahāngrarmara.

ROMNAO 13:1

Mi kachiva̱ ngalei khamungabingli khayāshiphalungra; kachiwui vangkhala kaja Varewui khamayā maningakha athumwui pangshap maleimana, kala leikahaiya pangshap chi Varena khamina.

1 CORINTHNAO 1:30

Varena nathumli Khrista Jishuli ngarum khavai hokhuihaira kala Varena Khrista chi ithumwui thangmei sāngasakhaira. Awui mangā eina ithumli mashungmihaira; ithum Varewui kathara miyur ngasāhaira kala moreiwui eina ningkhān ngasakhaira.

JAMES 1:17

Kaphā lemmet kala thada khami saikora hi atungshongwui eina katāsera. Hi aka̱lā thada ngacheiung ngachei khavā makhalei kazingramwui kahor Avāva̱wui eina kharāna.

JAMES 1:5

Kha nathumwui ngachaili kachikathā theithangkhamei vatta leiakha, kakharar maleila mingairareo eina mi saikorali khame Vareli seihā sāranu. Chieina ana mira.

PHONGKHAMI 19:16

Awui kachonli kala akhaishāngli “Awungabingwui Awunga kala prohobingwui Proho” da aming kapisanghai.