DANIEL 2:2 - Kathara Bible (BSI)

² Chieina awungana mahei kathembing, laivā kathembing, khanong sākatheibing kala awor kathem Chaldeanaobingli mang chi hāngmi khavai saikorali hokhui ngasaka. Athum katonga awungawui mangāli anganinga.

DANIEL 2:2 Iomraidhean Croise

HAOKAPHOK 41:8

Chiwui vang ngathor kathui eina awui ning mamathānrarthuwa; ana Egyptli khalei mitrang kathem kala thangkhamei saikorali hokhui; kala Pharaohna awui mang chi athumli hāngchithei, kha mi akhanala Pharaohli chi makhalatmirarthuwa.

ESTHER 1:13

Chieina atam katheia thangkhameibingli awungana ngasana— kaja ain kasing kala mashun khaleibingli khangasan hi awungawui khangachāna,

SHONGZĀ 7:11

Chieina Pharaohna awui kathemabing kala Egyptwui mitrang sākatheibingli hokhuida, athumnala athumwui khangathum mitrang eina chi tākam eina sai.

ISAIAH 19:3

kala Egyptnaobingwui ning thenghaora, kala ina athumwui khangarān chi pa̱ngapā ngasakra; kala athumna meoma̱li kala kazeikasing khanong sākatheibingli ngasanra;

ISAIAH 8:19

Kala athumna, “Kapumkakaseowa kazei kazangbingli kala khanongbingli ngasanlu” jiakha, miyur akhana athumwui Vareli mangasan ngayimala? Kharingbingli maningla kathebingli ngasanrala?

DANIEL 1:20

Awor ayāyāva̱ ngahānlaga wungramli khalei mahei kathembing, laivā kathembing, khanong sākatheibingli athumna tharā shida themmeihaowa.

DANIEL 1:4

athumwui ngachaili, kanghāngri kahai, mayar khamathā otsak saikorali thangkhamei, awor kathema, mashunmakhui theithangkhama, kala awungawui keinungli otram ngatha̱kashapa mibingli Chaldeanaowui tui kala mayek tamchithei khavai kasoi.

DANIEL 2:10

Chaldeanaobingna awungali ngahānkai, “Awungawui kakaso hi sāmishapa okathuili mi akhala maleimana; kaja okathuili khangama, kapanga awunga kachikathāna laivā kathembingli, mahei kathembingli, lah Chaldeanaobingli hikathā tui mahānglakranga.

DANIEL 2:27

Danielna awungali ngahānkai, “Awungana khangahān matheikharar chi hāngmikashap thangkhama, khanong, laivā kathem mi maleimana,

DANIEL 3:8

Atam chitharan Chaldeanao kaikhana Jehudibingwuitungli zakshilāk eina ahāngkasota.

DANIEL 4:3

Awui sākachithei hakkhamahā! Awui pangshap matakhak kahai! Awui wungram katang mavaimana, kala awui ngalei thot kachiva̱ vāpei.

DANIEL 4:6

Chiwui vang eina Babylonli khalei thangkhama saikora hokhuida mang chiwui kakhalat hāngmi khavai hukhum akha miya.

DANIEL 5:7

Awungana laivā kathembing, Chaldeanaobing kala kachāng sirāli machukkatheibing thākta ahokhuilu da vaowa. Kala awungana Babylonwui thangkhamabingli, “Kapi kahai hi pākatheia kala chiwui kakhalat hāngmishapa chili hungrisi kaji khamenga kachon ngavaimira, akahungli sināchā ngachāmira, kala wungramli kakathuma khamunga akhavā sāngasakra.” da hānga.

1 SAMUEL 6:2

Kala athumna pāngmonbing eina khanong khayangbingli hokhuida, “Prohowui oko hili ithumna khi sāusi? Awui khangachāpamli hanmilui khavai khi eina ngasoda shiunra, hāngmilu?” da ngahāna.