DANIEL 12:4 - Kathara Bible (BSI)

⁴ Kha na, Daniel, lairik hi mahor namhailaga, tui hi, atam maungshungranglakha thumhaisalu. Kachungkhana theishingkhui khavai phāshang phātāra, kala awor mataisangra.”

DANIEL 12:4 Iomraidhean Croise

ISAIAH 11:9

Iwui kathara kaphungli athum kalākashi kala kashimānla maleiluimara; kaja shamadru tara̱na kachipem thāda, Prohowui theithangkhamei okathui pemhaora.

ISAIAH 29:11

Saikora khamahā hi nathumwui vang mahor namkahaiwui lairik kathā ngasāhaowa. Khikateikhada pākatheibingli, “Hi palu”, da kasoakha athumna, “Mapārarmara, hi mahor namkahaina” da hānga.

ISAIAH 30:26

Chili lāngda, ana khamā za̱mi kahai saikora ngahāmida raikhami eina, kachāngwui kahor chi zimikwui kahor thāra, kala zimikwui kahor, shini shida, kaja shinithangwui kahor khangarum thāda horra.

ISAIAH 32:3

Chitharan mik katheibingwui mik mamikpiluimara; khanā kashābingna nganākhuira.

ISAIAH 8:16

Pao hi kazipkhuilu, iwui sākhangatha̱bingwui alungli tamkachithei hi mahor namhaolu.

JEREMIAH 5:1

Jerusalem chānreili yongshang yongtāda yanglu, laga chukkhuilu! Kayāngkharei hupvali phāyanglaga, mashun eina kasā mi, khamashung phākazat mi akha leisākha, ina pheomira.

DANIEL 10:1

Persiawui awunga Cyrusna mungda kakathuma kum, Belteshazzar kaho Danielli tui akha rāphong chithei. Kala tui chi mashunga, chi haklāk kahai raireiwui ponglina. Kala ana tui chi theishingkhui kala khamahā chi theikhuichaowa.

DANIEL 10:14

Kala naoda nawui mibingli khi shokra̱khala kaji nali hāngchithei khavai kharāna. Kaja khamahā hi rārāda khalei atamwui vāngna.”

DANIEL 10:21

Kha khamashunga lairikli khi kapisanghailikhala kaji ina nali hāngra: nawui wungnao Michael maningla, ili khangashika wungnaobing khipākha maleimana.”

DANIEL 11:33

Atam kasha̱khawui vang raighai, meilung, tukkathui kala sākashimānli tāzangsālala, athumwui alungli thangkhamei kathānabingna yaruili theikhui ngasakra.

DANIEL 11:40

“Khangachanga atamli azingwui awungana ali rai tāluira; kha atungshongwui awungana siguigari, sigui raimi, kala jahas kachungkha eina siphan thāda rāra, kongra̱ kathui thāda ana ngalei kachungkhali rai tāra.

DANIEL 12:13

“Kha atam maungranglakha ungngasāmkhuisālu, khangachanga atam ungkashung tharan nawui vang ngarān kahaipam chili thuinganingnaora.”

DANIEL 12:5

Daniel, ina yanga, kala yanglu, khangatei khani nganingkasā thei, akhana kongphei hili kala akhapāna khongpei akhashong da.

DANIEL 12:9

Ana hānga, “Daniel, ungulu, atam maungranglakha eina tangda saikora hi mahor namlaga haikahaina.

DANIEL 8:17

Chieina ana iwui nganing khavaipamli rānganai, a kharā tharan I ngacheenāhaida ngakhumshām zanghaowa. Kha ana ili hānga, “O miwui naomayara, theilu, khamahā chi khangachang atamwui vangna.”

DANIEL 8:19

Ana hānga, “Yanglu, malungkhavātwui akuplam khi shokrakhala kaji ina hāngmiga; kaja hi retmi kahai khanaowa atamwui aponglina.

DANIEL 8:26

Hāngkahai ngathor eina ngazinwui khamahā hi khamashungna; kha khamahā hi phārihaisalu, kaja hi naolak eina shokki kajina.”

MATTHEW 24:14

Kala wungramwui paokaphā hi miyur hupta shākhi mikhavai okathui peida hāshokra, kala chiwui thili khangachang chi rāra.

ROMNAO 10:18

Kha ina ngahāna: Athum pao chi mashāranglā? Shāchaohaira kaja hithada kapihaida lei: “Athumwui akhon chi okathui katongali vāhaira; athumwui tui chi okathui katongali vāshunghaira.”

PHONGKHAMI 10:4

Kazing khangashumna hāngkhaleoda, ina kapikida sai. Kha kazingramwui eina akhon akha hithada hāngkharā ina shai, “Kazing khangashum shinina kahāng chi thumtithaisālu, makapikhuialu.”

PHONGKHAMI 22:10

Kala ana hānga, “Lairik hiwui phongkhami tuibing hi mahor manamshānhaialu, khikhalajila atam chi nganaihaira.

PHONGKHAMI 5:1

Chiwui thili, wungpamkhongli kapama chiwui yāpāngli alungla ayarla ngaworthang kapilaga mahor shini namkahai lairik akha ina thei.