DANIEL 12:3 - Kathara Bible (BSI)

³ Thangkhamabing chiya sirāramwui thāda horra, khamashung khangarongli thānzangkhamebingna mashimānda sirā thāda horshon horthaira.

DANIEL 12:3 Iomraidhean Croise

SHONGZĀ 34:35

Israelwui mibingna Moseswui amai horra kaji theiya kala Mosesna ali mazang ngazekranglakha eina tangda amaili mairār farorpama.

CHĀNSAM 11:30

Khangarongawui atheiva mirinwui thingrongna, kha ain makhangākana manglā khui.

CHĀNSAM 3:35

Thangkhamana khayākakā samphangra, kha mangkhama̱na maikashi samphanga.

CHĀNSAM 4:18

Kha khangarongbingwui shongfava zingthanlamwui kahor thāda, mangashunranglakha eina tangda horkhangai hora.

HĀSHOKME 12:9

Awui thangkhameili lāngda, Hashokmena mibingli awor kala kharit khangaveng ngaraklaga, chānjam kachāchā phākhuilaga tamchithei.

ISAIAH 53:11

Amanglāna kachotwui heithei chi theida ningyāng ungra; iwui khangaronga raona awui awor eina, kachungkhali khamashungli shānsangra; kala athumwui khayonkhamāng ana phungmira.

JEREMIAH 23:22

Kha athumna iwui tui khuisāsi kaje, athumna iwui mibingli iwui tui vaomalānhairara, kala athumna athumwui makaphā apongwui eina, kala athumwui makaphā otsakwui einala ngareiunghairara.

DANIEL 11:33

Atam kasha̱khawui vang raighai, meilung, tukkathui kala sākashimānli tāzangsālala, athumwui alungli thangkhamei kathānabingna yaruili theikhui ngasakra.

DANIEL 11:35

kala athumwui ngachaili kachikathā thangkhamabing kongluira, athumli sāmathāda tharkhui khavai, kala atam maungranglakha eina tangda charkhavai, kaja retsang kahai atam chi leifaya.

DANIEL 12:10

Kachungkhana khalatta tharmathengkhuida, charshi eina kahānla hānra; kha makhayā athum chiya makhayā sāpapamra; makhayā mina theishingkakhui maleilakmara; kha thangkhama athumna theishingkhuira.

MATTHEW 13:43

Chiwui thili khamashung khangarongbingna athumwui Avāwui wungramli zimik thada horra. Shākhavai khanā kakā a china shākhuiranu!

MATTHEW 19:28

Jishuna athumli hānga, “Kachangkhat eina ina nathumli kahāngna, kadhara oathuili, miwui Naomayarana awui tekhamatei wungpamkhongli kapam tharan, ithi kashura nathumla wungpamkhong tharada khanili pamda Israel shang tharāda khanili bichar sāra.

MATTHEW 24:45

“Chithākha kahāng khanganā kala thangkhama, shimva̱ china shimkhurwui kashok kazang saikora yangmi khavai kala atam chālak eina khangatei raobingli kashakazā khuimi khavai otsin horsangkhami rao chi khipakhala?

JOHN 4:36

Kahāta china langhai samphanga kala katang makhavai mirinwui heiun kazipkhui, chieina khayaoa eina kahāta ringpharumra.

JOHN 5:35

John hiya sharkahai kahora thaomei kathāna, kala nathumna kasha̱khawui vang kahor chili pamngai.

OTSAK 13:1

Chitharan Antioch churchli marānbing kala kachishutabing leisai, athum chiya Barnabas, Kazika kaho Simeon, Cyrenewui Lucius, Governor Herodli nganaokākhangaruma Mana-en, kala Saul athumna.

1 CORINTHNAO 3:10

Varena ili khami lemmet chiwui athishurda shim sākatha akha thada ina shimphung sema, kala khangatei akhana chiwuitungli shim sākai. Kha kasā mi china ningngasharlak eina sāranu.

EPHESIANAO 4:11

Kala “Mikumoli lemmet khame” chi ana. Ana kaikhali paokazata, kaikhali marān, kaikhali evangelist, khangatei kaikhali yaokahoma kala ojā sāngasaka.

HEBREWNAO 5:12

Nathum ara ojā sātheirānhaira, kha Varetui pheisin khare chi nathumli tamchithei khavai khangatei akha phāsangfarali. Nathum zāt khamarar zāki kajiwui mahutli seina̱ mangchingda leili.

2 PETER 3:15

Prohowui ningzinghākharing chi nathumli kahui samphang khavai atam khamina, kaji hi ithumwui leikashe Paulnala ali mikahai thangkhamei chiwui athishurda nathumli kapihaira.

PHONGKHAMI 1:20

Iwui yāpāngli nana sirā shini kathei, kala sināwui thaomeishong shini chiwui khangathum kakhalat chi hina; sirā shini chi church shiniwui kazingraobingna, kala thaomei shini chi Church shini china.

WUNGVA̱-WUNGVĀ 5:31

“Chithāda nawui yangkashebing shimānserhaolu, O Proho! Kha nawui ngasotnaobinga, athumna ngakarkathui eina zimik thāda malingmeira.” Kala ngalei chi kum hangmati chingri eina leisai.