DANIEL 12:2 - Kathara Bible (BSI)

² Thida ngaleilungli chizan kahaibing ngakarthuiluira, kaikhana mashimānda okthui khavai, kaikhana maikashi kala katang mavaila ningkachai khavai.

DANIEL 12:2 Iomraidhean Croise

CHĀNSAM 12:8

Mi akhali ningkakāwui athishurda sochikata, kha ningkhamakhui mili yangkharinga.

ISAIAH 26:19

Thikahaibing athumwui phasā eina ngakarthuiluishitra. O chifali okkathuibing, ngakarthuida khamathānwui laa sālu! Kaja ikra̱na apuk-apagva̱̱li ning mathing khangasak thāda, Prohonala achā thikahai athumli ngakarthui ngasakluishitra.

ISAIAH 66:24

“Kala athumna vāda ili ngakaikashe mibingwui kathingun chi ayangra; kaja athumwui kachai mathimara, athumwui mei mamitmara kala athum chi asā khavai saikorawui ningkakachaiya ngasāra.”

JEREMIAH 20:11

Kha Proho, rai kapinga thāda iwui ngalemli ngasozatta lei; chiwui vang ili rekakharekbing athum phei ngaphokta ili mayuirarmara. Athum maishilākhaora; kaja athum mayuithukmara. Athumwui katang makhavai khayā khamalā chi mamalairarlakmara.

EZEKIEL 37:12

Chiwui vang athumli marānmida hānglu, Proho VAREna hithāda hānga: Yanglu, ina nathumwui chikhur shomira, kala nathumli chikhurwui eina ngakarthui ngasakra, O iwui mibing; kala ina nathumwui shim Israel ngaleili khuiungmira.

HOSEA 13:14

Ina athumli Kathewui ramwui pangshapwui eina aman mida kankhuirala? Kathiwui eina ina ngatangkhuirala? O kathi, nawui singkakhareng kali leikhala? O Kathewui ram, nawui sākakhayang kali leikhala? Lukhamashan chi imikwui eina ngathumhaira.

MATTHEW 25:46

Kala athum katang makhavai tandipamli vāra, kha khamashungbingna katang makhavai kharingpamli vāra.”

OTSAK 24:15

Mibing hina kachihān khalei tākam eina ila Vareli kachihān lei; chiya mi saikora kaphāla makaphāla ringluishitra.

OTSAK 7:60

Ana khuktizangda, “Proho! morei hiwui kashong athumli matāmialu” da panglāk eina vaolaga amanglā chihohaowa.

ROMNAO 9:21

Ham kasaa china ngalei chi eina sākhangaingai sai, kala ngaraikachā ngalei chi eina aman kasaka kala kapaiya ham sākhui.

1 THESSALONICANAO 4:14

Jishu thihaira kala ringluishithaira kaji ithumna shitsanga. Chiwui vang eina ali shitsangda thikahaibingli Varena Jishuli ngasoda hokuiluira kaji ithumwui shitkasangna.

PHONGKHAMI 20:12

Kathebing khareila kateola wungpamkong mangāli khanganing kala lairikbing harkahai chi ina thei. Khangatei lairik akhala harluihaowa, chiya kharingawui lairikna. Lairik hili kapi kahai tākam eina kathebingli athum kachichāna sākahai athishurda bichar sai.