DANIEL 12:10 - Kathara Bible (BSI)

¹⁰ Kachungkhana khalatta tharmathengkhuida, charshi eina kahānla hānra; kha makhayā athum chiya makhayā sāpapamra; makhayā mina theishingkakhui maleilakmara; kha thangkhama athumna theishingkhuira.

DANIEL 12:10 Iomraidhean Croise

LAA 107:43

Thangkhamabing, hāngda khalei hi theikhuiranu; Prohowui makhangachei leikashi mibingna chukmajakhuiranu.

LAA 51:7

Maharnā eina pheomilu, chieina I tharhaora; ili pheomilu, chieina I horāmli charmeihaora.

CHĀNSAM 1:5

thangkhameibingnala shālaga tamkakhui mataisang khavai, kala theishingkakhuibingna kathem samphang khavai,

ISAIAH 1:18

“Ralu, ithum bhab tāda ngazekrumkhuisa, da Prohona hānga: nathumwui morei hungpinghailala, horam thāda charshihaora; ashee thāda hungshihailala, sāhāh kachar thāhaora.

EZEKIEL 36:25

Ina tara̱ khamathing nali kasirrorda nathumwui makhaokasā chi tharserhaora, meoma̱ phaningkasāwui eina ina tharmihaora.

EZEKIEL 47:11

Kha rāpurpam khangavātpamwui tara̱ mamathingmara; athum chiva machi khuikhavaipam sāra.

DANIEL 11:33

Atam kasha̱khawui vang raighai, meilung, tukkathui kala sākashimānli tāzangsālala, athumwui alungli thangkhamei kathānabingna yaruili theikhui ngasakra.

DANIEL 11:35

kala athumwui ngachaili kachikathā thangkhamabing kongluira, athumli sāmathāda tharkhui khavai, kala atam maungranglakha eina tangda charkhavai, kaja retsang kahai atam chi leifaya.

DANIEL 12:3

Thangkhamabing chiya sirāramwui thāda horra, khamashung khangarongli thānzangkhamebingna mashimānda sirā thāda horshon horthaira.

HOSEA 14:9

Kachikathāna thangmeiakha, hi theishingkhuiranu; theithangkhama china hi theiranu; chiya Prohowui shongfa khamashungana; chili mashunwui mina zatra, kha chonkhamakānbing chi phei ngaphoka.

ZECHARIAH 13:9

Kala akhum kakathuma hi ina meili sangra, lupāsā heikakhui thāda heikhuira kala sinā khayāng thāda yāngkhuira. Athumna iming ngakaora, kala ina athumli ngahānkāra. kala ina ‘Athum iwui miyurna’ jira; kala athumna Proho iwui Varena” da hāngra.

MALACHI 3:3

ana marisā kala lupāsā khalanga thāda pamra, kala ana Leviwui naomayarali samathākhuira, kala athumna Proholi khamashung kachigat chi mamiranglakha eina tangda sinā kala lupāsā khalang thāda la̱ngra.

MARK 4:11

Jishuna athumli hānga, “Nathumli Vare wungramwui khangathuma tui chi mikahaina, kha chili makazangbingli chānjam tui eina shākhui khangasakna.

LUKE 24:25

Chieina Jishuna anili hānga, “O mangkhama̱ khani! Marānbingna hāngkahai saikora chili mashitkasang!

JOHN 18:37

Pilatena ali hānga, “Thakha na awunga akharali!” Jishuna ngahānkai, “I awungana kaji hi nana hāngda lei. Ili hiwui vang kapharāna, kala hiwui vang khamashung chili shākhi mikhavai I apuk-apagva̱li kharāna. Khamashunga mi kachivana iwui tui khuisanga.”

JOHN 7:17

Kachikathāna Varewui ningkachāng chi sāngaida leiakha, ina tamkachithei hi Varewui eina kharākā, I khalattawui sāshap eina khamatuikhala kaji theira.

JOHN 8:47

Varewui mi china Varewui tui nganai; nathum Varewui mi maningthuda awui tui makhanganāna.”

1 CORINTHNAO 6:11

Nathumwui ngachaili mi kaikhava hikathā sāsai, kha Varewui Manglā kala Proho Jishu Khristawui mingli nathumli pheomihaira, tharngasakhaira kala mashung ngasakhaira.

2 CORINTHNAO 7:1

Leikashebing ot saikora hi ithumli ngashitmihaira. Chiwui vang eina phasālila, manglālila mamakhao ngasakla Vareli khangachee eina ngasoda tharlak eina okthuisa.

TITUS 2:14

makaphā makhayāwui eina ngatangkhuida awui kathara kala khamareka mi sākhavai a khalatta ithumwui vang chigatmi.

HEBREWNAO 12:10

Phasāwui avāva̱ ngarāna athumwui ningkachāng athishurda kasha̱khawui vang ithumli machina. Kha Varena awui kathar chili zangkhavai ithumwui kaphāwui vang machinmi.

1 PETER 1:22

Achinā ngarāli ningtharda leishi khavai khamashung chili kahāng khanganāwui vang nathum khalatta tharhaogada, nathum akha eina akha ningtongda wuklung eina leishi ngaroklu.

1 PETER 1:7

Hiwui khangarān hiya nathumwui shitkasang akachanga chi phongshok khavaina. Shimankapai sinā meili ruikhayang thada sakmeikhar kaja nathumwui shitkasangla chāng yangphalungra, chi nathumwui shitkasang ngatarmei khavaina. Chiwui thili Jishu Khristali rāchitheithanghon nathumna masot, tekhamatei kala maikhayā samphangra.

1 JOHN 5:20

Varewui Naomayara rāhaira kala ithumli theishingkhui ngasakhaira kaji ithumna thei. Ithum khamashunga Vare, Anaomayara Jishu Khristali ringrumda lei. Hi khamashunga Vare kala makashimān Kharing china.

PHONGKHAMI 16:11

kha kakazā kachot chiwui vang Vareli khonshi, athumna sākahai chiwui vang ning mangateingaimana.

PHONGKHAMI 19:14

Kazingramwui raimibingna kachara sigui tongda tāngpat hānshi kahai khamenga sāri shaksāda awui thi shurzata.

PHONGKHAMI 19:8

khamenga, kahora, kathara kachon ngavai khavai mayāmihaira, kaja khamenga sāri kachon hi katharabingwui khamashung khangarong otsakna.”

PHONGKHAMI 22:11

Makaphā kasaa china makaphā sāsāranu, khamakhaoa china awui khamakhaoa chili ngaphumsāranu, khangaronga china mashun chi sāsāranu, kala kathara china tharda leisāranu”

PHONGKHAMI 3:18

Meili lāngkahaiya sinā iwui eina lokhuida shāngchang khavai kala kachon kachara iwui eina lokhuida ngavailaga, mahonghat kahaiwui kakhayak malei khavai, kala mikli ari neolaga theikhavai nali hāngkachitheina.

1 SAMUEL 24:13

Kharar chānjam kahāng thāda, ‘Makhayāwui eina makhayā shoka’; kha ipāng eina nali makaphā masāmara.