DANIEL 12:1 - Kathara Bible (BSI)

¹ “Atam chitharan nawui mibingli yangkhame khareia wungnao Michael rārāsāra. Kala kachotkachāng atam rāra, yur leikaphok eina thuida atam chi eina tangda, chikathā mashoklakranga. Kha lairikli aming kazanga nawui mibing kachivali kanmira:

DANIEL 12:1 Iomraidhean Croise

LAA 56:8

Ina ngareishok ngareizang kasā nana shānkhuihaira; iwui chāra̱ nawui liklili thaimihailu! Chi nawui lairikli mazangmala?

LAA 69:28

Athumli kharinga lairikwui eina ming sāshimithaoranu; athum khamashungabingwui alungli aming machanaranu.

ISAIAH 4:3

Kala Zionli nothāhaida Jerusalemli pamkahaibing, Jerusalemli mirin peidawui ming chankahaibing;

ISAIAH 9:7

Awui shorkar mataikasang, kala chingri kahai katang maleimara, Davidwui wungpamkhongtungli kala awui wungramtungli, chi semkā khavai, kala chi mashun eina ngasoda kala khangarong eina ngasoda arui atam eina thuida katang mavaila leichingra. Saikorawui Prohona sāmikhangai china hi ungshungra.

JEREMIAH 30:10

“Chieina mangacheealu, O iwui rao Jacob, wukla makhananglu, O Israel, da Prohona hānga. Kaja yanglu, nathumli katāva̱wui eina kanmira, tuknar kahaipamwui eina nathumwui naongarāli ina huimira. Jacobna latungda chingri va̱ri eina ungpamra, kala khipānakha mangachee ngasakluimara.

JEREMIAH 30:7

Iyavo! zimiksho chi hakkhamahā, chithāda maleilakranga; Jacobwui vang kakhanangwui atamna; chithalala ali chiwui eina kanshokra.”

EZEKIEL 13:9

Minamda khamahā kala kakapik khanong kasā marānbing chili ipāngna mamayāmara, athum iwui hangva̱ masāpaimara, kala Israelwui mishānlila mazangpaimara, chili lāngda Israelwui ngaleilila mazangpaimara, kala nathumna I Proho VAREna da theira.

EZEKIEL 34:24

Kala Proho ina athumwui Vare sāra; kala iwui rao Davidna athumwui ngachaili wungnao sāra; Proho ina hāngkahaina.

EZEKIEL 5:9

Kala nathumwui ningkakachai otsak saikorawui vang, ina masālakrang kaji kala naodala masāluilaki kaje ot chi sāra.

DANIEL 10:13

Persia wungramwui wungnaona ili maga̱da akhathangwui vang nganingphinmihaowa, kha wungnaobingwui khareia Michaelna ili rāngachonmida, Persia wungramwui wungnaoli ngasoda chili nothāhaida kharāna.

DANIEL 10:21

Kha khamashunga lairikli khi kapisanghailikhala kaji ina nali hāngra: nawui wungnao Michael maningla, ili khangashika wungnaobing khipākha maleimana.”

DANIEL 11:45

Kala ana awui kachonshim shamadru eina kathara kaphungwui ngachaili sākāra; kha chithālala awui khangachang atam rāra, ngachonmi khavai khipākha maleisāmara.”

DANIEL 7:10

Awui ngalemwui eina meiwui kong akha longshoka; thing-thingna ali otram ngatha̱mi, thingtharā shidawui thingtharāna awui mangāli nganinga: chiwui thili bichar sāphoka, kala lairikla hārserhai.

DANIEL 9:12

Ithumli kala ithumli khamungbingwuitungli makhamayā hāngkahai hakkhamahā kalāshāt chi ungshung ngasakhaira; kaja okathuili mashoklakrang kaje Jerusalemwuitungli shokhaira.

JOEL 2:2

tangkhamang khangami thangkha, muiyāna tangmangting kahai thangkha, chiyākha matheilakrang kaje, naodala matheiluilaki kaje, kapanga yur akhawui mi kachungkha kaphung pemluishitra.

MALACHI 3:16

Chiwui thili Proholi khangacheebing akha eina akha hāngngaroka; Prohona athumwui tui khuisangmi kala shāmi, Proholi khangacheea kala awui mingli kaphaningabingli phaning ungkhavai awui mangāli lairik akha kapi.

MATTHEW 24:21

Kaja chitharan shokki kaji kakhanang kachot chi haokaphokwui eina thuilaga aja rāshungda mashoklakranga, kala mashokluilakmara.

MARK 13:19

Kaja chitharan atamli Varena okathui kasāwui eina thuilaga aja rāshungda mashoklakrang kaji kala mashokluilaki kaji kakhanang kachot shokra.

LUKE 10:20

Chitha-ilala nathumna kameobingli yuihaowa kajiwui vang mamathānhailu, kha nathumwui ming kazingramli kapihaili kajiwui vang mathānlu.”

ROMNAO 11:15

Athumli horkahai tharan Varewui yangkashe sākasā Gentilebingna awui khamashita ngasāhaowa, chithākha Varena athumli khuikasang tharan khi ngasāra! Kathebingna ringkhaluiwui ringkaphā thāhaora.

ROMNAO 11:26

Hithada sāda Israel katongali huikhuihaora. Hithada kapihaida lei: “Huikhame chi Zionwui eina shokra. Kala Jacobwui ara̱-azāwui eina makaphā-makhayā saikora khuishokmihaora.

EPHESIANAO 1:21

Kazingramli khalei akhavā kasābing pangshap khalei, khangam-kharei saikorawuitungli Khristana munga; kala aruihon khalei, naoda rāki kaji okathuiwui mingpho saikorawuitungli reikhamei mingpho chi awuili lei.

PHILIPPINAO 4:3

Ili ningtongda otsakruma nathumla sha̱nao khani hili khangachonmilu da poli. Khikhalajila ani khani hi pao hākashokli, Varewui kharinga lairikli aming yikahai Clement inili ngasoda panglāk eina ot sārumsai.

JUDE 1:9

Kathāna kazingrao Michael eina tangda chithada masāmana. Moseswui phasā khipāna khuirakhala da khangaphat tharan Michaelna chipeeli kazei tui eina makaharmana; kha hithada hānga, “Prohona nali hāngmachinra.”

PHONGKHAMI 1:5

kala ningtongda shākhi sākhame Jishu Khrista, kathiwui eina pharākhare kala okathuili awungabingli khamungawui eina lukhamashan kala chingri kahai ngasāranu. Ana ithumli leishi kala awui thikhamiwui pha̱kaphayā eina ana ithumli moreiwui eina ningkhān ngasakhaira.

PHONGKHAMI 12:7

Chiwui thili kazingramli rai shoka. Michael eina awui kazingraobingna dragon chili rai ngararra. Dragon china awui raobingli ngasoda ngararra.

PHONGKHAMI 13:8

Okathui masāranglakha shaothat kahaia Yaonaowui kharinga lairikli kapisang kahaibing chi maningla okathui katongana ali khorumra.

PHONGKHAMI 17:14

Athumna Yaonaoli rai ngararra, kha Yaonao china ana hokhui kahaibing kapangkakhuibing kala ningtongda kashurabingli ngasoda athumli maikashi mira, khikhalajila a prohobingwui Proho, awungabingwui Awungana.”

PHONGKHAMI 20:12

Kathebing khareila kateola wungpamkong mangāli khanganing kala lairikbing harkahai chi ina thei. Khangatei lairik akhala harluihaowa, chiya kharingawui lairikna. Lairik hili kapi kahai tākam eina kathebingli athum kachichāna sākahai athishurda bichar sai.

PHONGKHAMI 20:15

kala kachikathāwui aming kharingawui lairikli mazangthura̱-akha chikathā mili meiwui ngayi hili horsanghaowa.

PHONGKHAMI 3:5

Khayuiapa chili chithada kachara sāri ngavaimira kala ina awui ming kharinga lairikwui eina mashimitmimara; kaja iwui Avāwui kala awui raobingwui miktāli athum iwuina da tharlāk eina phongmira.

PHONGKHAMI 7:14

Chieina ina ali ngahānkai, “Amei, nana katheina,” Chieina ana ili hānga, “Athum hiya kachotkachāngwui eina shokkahaibingna kala athumwui sāri Yaonaowui ashee eina ngasa̱hailaga charshi eina sākhui kahaibingna.