DANIEL 11:7 - Kathara Bible (BSI)

⁷ Chiwui thichangli ngalāva̱shi shimkhurwui theisā akhana awunga phungra. Ana atungshongwui awungawui raimili rai tāra, raipan shangkaida ana yuira.

DANIEL 11:7 Iomraidhean Croise

JOBWUI LAIRIK 14:7

Thingrongwui vānga chihān khavai lei, kalikhada katatshathailala shonshoklui shitra, kala anao china mathiluimara.

LAA 109:8

Awui atam kasha̱khamāngmaranu; awui otpam katei akhana khuithuihaoranu.

LAA 55:23

Kha, O Vare, nana athumli thukmeikap kaji chomli horsanghaora; ashee ningkachāngbing kala kachipatabing, athumwui mirin tangkhaila maokthuimara. Kha iva nali shitsangtha̱ra.

ISAIAH 11:1

Jessewui angunrumwui eina ashon akha shonshokra, kala angayungbingwui eina aphāng akha shokra.

ISAIAH 9:14

Chiwui vang Prohona Israelwui eina akui eina akhamei, khaneirong eina titi thangkhali katatshata—

JEREMIAH 12:2

Athumli nana lingsangda angayung sa̱khui; athumna reisang mamānda atheila mathei; nana athumli nganailak eina ngazeka, chithālala athumwui ninga katāva̱li lei.

EZEKIEL 17:18

Khikhalajila, ana shākhi sākahai kala tuingashit kaikahaiwui vang, apāng katatsanghailaga hikathāthā kasāwui vang, a mayāmshokpaimara.”

DANIEL 11:40

“Khangachanga atamli azingwui awungana ali rai tāluira; kha atungshongwui awungana siguigari, sigui raimi, kala jahas kachungkha eina siphan thāda rāra, kongra̱ kathui thāda ana ngalei kachungkhali rai tāra.

DANIEL 11:6

Zingkum kasha̱khawui thili athum mashit ngarokta azingwui awungawui naongalāva̱na atungshongwui awungali chingrihai khavai favāra, kha athumwui khamashit mapongmara. Ala, gaharala, awui naola, kala ali ngasokhavā raobing saikorala sāthatserhaora.

MALACHI 4:1

“Kaja yanglu, sharkha̱ thāda kachuiya zimiksho akha rāra; chithang lāngkaso kala makaphā kasābing lanji thāhaora; rārāda khalei zimiksho china chibing chuikhuphaida angayungla, aphāngla mashākmimara da saikorawui Prohona hānga.

LUKE 12:20

Kha Varena ali hānga, ‘Mangkhama̱a! Arui ngayā nawui manglā khuithuihaora’ chithākha ana kazip kahai lan saikora chi khipāwui ngasārakhala?”