DANIEL 11:34 - Kathara Bible (BSI)

³⁴ Athumna tākazang tharan, athum khangachon teomeikha samphangra. Kala kachungana athum khalatta sotmasaoda chibingli zangrumra;

DANIEL 11:34 Iomraidhean Croise

DANIEL 11:21

“Awui thili wungnao makhaning shāt kakā awunga akha rāra; yansāngsa̱ eina khalei atamli kashuirak phāreksek eina rāra.

DANIEL 11:32

Tuingashit chi kaida ot kasābingli ana sotkhamasao tui eina suikhuira; kha Vareli katheia athumna nganingtitta ngararra.

MATTHEW 7:15

“Minama marānbingli ngasharlu, athumna yaohui ngavaikhaninglaga rai, kha alungle athum sākakathān ramfa kathāna.

ROMNAO 16:18

Kaja hithada kasā athum chiya Khristawui otram khangatha̱ maningla paiphonwui vang ot kasāna, athumwui kashim tui kala sotkhamasao akhon eina matheithangkhameibingli yonngasaka.

GALATIANAO 2:4

Ithumna Jishu Khristali khangashikwui eina ningkhān samphang kahaiwui apongli ngathum sāda rāra̱yangkhui khavai mi kaikhana shitkasang khangarumbingna da sāreklaga ithumwui kānglupli rāngathisanga. Athumna ithumli makaphā rao salui ngasakngaiya.

2 TIMOTHY 4:3

Mibingna khamashung tamkachitheili mahengsangla athum khalattawui ningkachāngli kashur kala nganākhangai hāngkachithei ojābing kachungkha chili kharomkazat atam rāra.

TITUS 1:11

Athumna tongzā khavai hokhamahā matamchitheikhangayi chi tamchitheida shimkhur katongali pa̱ngapā ngasaka. Chikathā chi khāmphalungra.

1 JOHN 4:1

Leikashebing, Manglā kachiva̱li mashitsangalu: kha Varewui eina samkaphang manglākā maningkhala kaji chāng yanglu, kaja mikhanama marān kachungkha okathuili shokhaira.

1 JOHN 4:5

Athuma okathuiwuina, chieina athumna khamatui chi okathuiwuina kala okathuina athumwui tui khui.

2 JOHN 1:7

Jishu Khristana mikumo thada rai kaji makhuikasang mi kachungkha okathuili leihaira. Hikathā mi hi mashongachei khangasak Khristali Makhamayāna.

JUDE 1:4

Ithumwui Akhavā Proho Jishu Khristali makhamayā kala athumwui morei thumkhavai Varewui lukhamashan otli nguida tamkachithei ithumwui alungli rāngathizanghaira. Athumwui khayon otsak hi achālakha kathara tuili kapihaisai.

PHONGKHAMI 12:13

Okathuili hortā kahai chi theilaga dragon china naomayara pharākakhui preiva̱ chili suiphokuwa.

PHONGKHAMI 2:20

Kha nali mamayākhangai hi lei: Jezebel, khalatta marān kahova̱ chili nana mayai. Awui tamkachitheina iwui raobingli yonngasaka, khamathang-khamarang meoma̱li pha̱kahai sā chi ana shaingasaka.