DANIEL 11:16 - Kathara Bible (BSI)

¹⁶ Kha ali rākhangarara china awui sākhangai rāsāra, kala ali khipākha mangasungrarmara; kala ana tekhamatei lam awui sāda pangshap saikora awui pāngli leira.

DANIEL 11:16 Iomraidhean Croise

ISAIAH 8:8

kala china Judahli phongshilongvāra, phongshilongvāda akahung eina tangda kāshungra; kala chiwui angachāng hārkashok china nawui ngalei aret pemra, O Immanu-el.”

JEREMIAH 3:19

“‘Inaomayarabingwui alungli nali kathāda khamathā lam akha milaga chipamsikhala kala, miyur saikorawuili mathāmeikap kaji shimlui nali kathāda haimirakhala da ina machuka. Kala nathumna ili iwui Ava hora; kala ili kashurwui eina mangareithuimara da phaningsai.

DANIEL 11:3

“Chiwui thili pangshap khaleia awunga akhana mungda awui sākhangangai sāra.

DANIEL 11:36

“Kala awungana awui ningkhān eina sāra, akhalatta varebingli pangshap reimei kaji chitheira, kala varebingwui Vareli mahāngkhamararao tui kachungkha hāngra. Malungkhavat makupranglakha eina tangda ana reisangra; kaja ngarān kahai athishurda ungshungphalungra.

DANIEL 11:41

Ana tekhamatei ngaleili rāra. Kala mi thingthing pitāra, kha hibing hili awui pāng eina kanmira: Edom eina Moab kala Ammon ngayarda makhuimara.

DANIEL 11:45

Kala ana awui kachonshim shamadru eina kathara kaphungwui ngachaili sākāra; kha chithālala awui khangachang atam rāra, ngachonmi khavai khipākha maleisāmara.”

DANIEL 5:19

ali chiyākha reikhangasakwui vang mibing, yur saikora, tuiyur kachiva̱ awui mangāli kathira kala ngachee; ana shaothatkhangaili shaothata, huimikhangaili huimi, juingasakhangai chili juingasaka, kala nemngasakhangai chili nemngasaka.

DANIEL 8:4

Yao china zingtunshong, atungshong kala azingshong kharom kazat ina thei; sā khangatei ali mangasungrarmana, kala awui pangshapwui eina khipānakha makankhuirarmana; awui ningkachāng athishurda sākhangai sai kala akhalattawui yāng chithei khavai sai.

DANIEL 8:7

Ana yaovā chili vākhanganai, kala ana malungvātlak eina akathot eina awui angaji khani thottekhaowa, kala yao chi awui mangāli manganingrarthuwa, kha ana ngaleili thotkārsanghailaga naikazama, kala awui pangshapwui eina yaovā chili kanmikashap khipākha maleithuwa.

DANIEL 8:9

Athum ngachaili akhawui eina angaji kateona akha shoklaga haksang khangai haksangda azingshong, zingshoshong kala tekhamatei ram vāshunga.

JOSHUA 1:5

Nawui mirin peida nawui mangāli khipānakha mangasungrarmara; ina Mosesli ngasokhami thāda nalila ngasomira; chieina ina nali machihomara kala mahorhaimara.