DANIEL 11:11 - Kathara Bible (BSI)

¹¹ Chieina azingwui awungana malungvātta atungshongwui awungali ngararra, ana mi sorkhangasai kazipkhuida ngararra, kha mayuimara.

DANIEL 11:11 Iomraidhean Croise

1 WUNGNAOBING 20:13

Kala yanglu, Israelwui awunga Ahabwui ngalemli marān akhana rāhānga, “Prohona hānga, ‘Nana mi sorngasaida khalei saikora hi theihairala? Yanglu, aja ina athumli nawui pāngli horsangmira, chieina I Prohona kaji nana theikhuira.’”

1 WUNGNAOBING 20:28

Varewui mi akhana Israelwui awungali rāhānga, “Prohona hithāda hānga; ‘Khikhalajila Syrianaobingna hānga, “Proho hiya kaphungwui varena, tampākwui vare maningmana.” Chiwui vang sorkhangasai mi hi ina nawui pāngli horsangmida I Prohona kaji nana theikhuira.’”

LAA 76:10

Kachangkhatta, mibingwui malung kakangna nali sochikatra; malung kakangwui taikashokbing nali shaksāmira.

JEREMIAH 27:6

Ara ngalei saikora hi iwui rao Babylonwui awunga Nebuchadrezzarli mihaira, kala ramsāla ali otram ngatha̱mi khavai ina mihaira.

DANIEL 11:12

Kala mi sorkhangasai khuikahaiwui thili awui ning mathānra, kala ana mi thingthing chihorāra, kha mayuimara.

DANIEL 11:40

“Khangachanga atamli azingwui awungana ali rai tāluira; kha atungshongwui awungana siguigari, sigui raimi, kala jahas kachungkha eina siphan thāda rāra, kongra̱ kathui thāda ana ngalei kachungkhali rai tāra.

DANIEL 11:44

Kha zingshoshong eina atungshongwui pao shālaga a ngacheehaora, kala malungvavāt eina kachungkha shimān khavai sākathāna.

DANIEL 11:5

“Chiwui thili azingwui awunga pangshunhaora, kha awui wungnao akha ali pangmeida shokra kala awui wungram hakshunra.

DANIEL 2:38

chili lāngda apam kachida khalei mila, ramsāla, yongkazat vānaola, saikorali khamunga sākhangasaka, na sināwui akui china.

DANIEL 8:7

Ana yaovā chili vākhanganai, kala ana malungvātlak eina akathot eina awui angaji khani thottekhaowa, kala yao chi awui mangāli manganingrarthuwa, kha ana ngaleili thotkārsanghailaga naikazama, kala awui pangshapwui eina yaovā chili kanmikashap khipākha maleithuwa.