DANIEL 10:16 - Kathara Bible (BSI)

¹⁶ Kha yanglu, miwui naomayara kathā akhana imorchaili rāsāza̱ya; chieina ikhamor makāda matuipaihaowa. Iwui mangāli khanganingpa chili ina hānga, “O iwui amei, khamahā hiwui vang eina ili phasā kachot samphangda I yāng maleithura.

DANIEL 10:16 Iomraidhean Croise

SHONGZĀ 4:10

Kha Mosesna Proholi hānga, “O iwui Proho, iya tuila mamatuitheimana, kharelila kala arui eina tangdala naraoli rākahāng atam hieina tangdala; iva tuimatuila mathākmana chukhamajala huilaka.”

SHONGZĀ 4:13

Kha ana hānga, “O iwui Proho, lumashanmida mi khangatei akhali kachihovāhaolu.”

HĀSHOKME 1:18

Kaja thangmeimei, kakhanang mataimei, kala theimataikhamei mi chi chotmataimei.

ISAIAH 6:7

Kala ana ikhamorli sāza̱da hānga: “Yanglu, hina namorchaili saza̱haira; kala nawui khayon khuithuimihaira, kala nawui morei pheomihaira.”

JEREMIAH 1:9

Chiwui thili Prohona apāng katingrālaga imorchaili saza̱da ana ili hānga, “Yanglu, ina iwui tui nakhamorli sangmihaira.

EZEKIEL 1:26

Athumwui kuishakli khalei sirāram chiwuitungli wungpamkhong khangamāna sapphire thāda thei; kala wungpamkhong khangamān chiwuitungli kapama chi mizak thai.

EZEKIEL 3:27

Kha ina nali khangazek tharan ina nakhamor shomida nana matuipaida athumli, ‘Proho VARE china hithāda hānga’ da hāngra; nganāki kaje china nganākhuiranu, manganāki kaje china manganaaranu; kaja athum ngakaikashe shimkhurna.”

EZEKIEL 33:22

Yāmkashoka mipā chi marāranglakha ayā kathā Prohowui pāngna ili saza̱mida, mipā chi kharā eina ngathorshong, ikhamor makāda tui matuipaihaowa; kala khak mangasha̱luithuwa.

DANIEL 12:8

Ina shai, kha I bhab matārarthuwa. Chieina ina hānga, “O iwui Proho, kathāda shokmameirakhala?” da ngahāna.

DANIEL 4:19

Belteshazzar kaho Daniel chi khananghaida kasha̱khawui vang khituikha mamatuipaithuwa. Chieina awungana hānga, “Belteshazzar, mang kala chiwui kakhalatna nali mangachee ngasakalu.” Belteshazzarna ngahānkai, “Iwui amei, mang chi nali yangkakharingbingwui vang ngasaranu kala chiwui kakhalat chi nawui yangkashebingwui vang ngasāranu!

DANIEL 7:15

Daniel iwui vanga, mang chi theilaga ning chipālakhaowa, kala khi shoknikhala da ningkhariklaka.

DANIEL 7:28

Apong chiwui katanga chi hina. Daniel iwui vanga, ining chipālakhaoda maipanla ngacheihaowa; kha ina tui chi iningli phumhai.

DANIEL 8:15

Daniel ina khamahā chi kathei tharan, khiwui kakhalatkhala da theishingkhui khavai sai; kala yanglu, mi tākam eina iwui mangāli akha nganingsai.

DANIEL 8:17

Chieina ana iwui nganing khavaipamli rānganai, a kharā tharan I ngacheenāhaida ngakhumshām zanghaowa. Kha ana ili hānga, “O miwui naomayara, theilu, khamahā chi khangachang atamwui vangna.”

DANIEL 8:18

Ana hāngmamanda leilakha, I ngakhumshām eina piphupvāhaowa; kha ana khāngkhuida thuinganing ngasaka.

DANIEL 8:27

Kala Daniel I atam kasha̱khawui vang kazāhaowa; chiwui thili ina ngakarthuida awungawuili otram ungngatha̱luiya; kha ili khamahā china ngachee ngasaklakhaowa kala bhab matārarthuwa.

DANIEL 9:21

seihā sāmahunglakha, khare khamahāli ina theikahai mi Gabriel chi, ngazinshongwui pha̱kaphayā atamli thaklāk eina yongrārāsai.

LUKE 1:64

Kala ngalāngda a tui matuipaihaoda ana Vareli masochikata.

LUKE 21:15

kaja ina nathumli matuikatheila, thangkhameila mida nathumwui yangkashe khipānakha nathumna kahāng chili ngateida makhalatkhuirarmara kala mamashungmana dala mahāngrarmara.

JOHN 20:28

Thomasna ngahānkai, “Iwui Proho, iwui Vare!”

JOSHUA 5:14

Chieina ana hānga, “Maningmana; kha I Prohowui raimi akhavā sāda kharāna.” Chieina Joshuana ngakhumshāmhaida khoruma kala ali hānga, “Ameina naraoli khi sālu jikhala?”

PHONGKHAMI 1:13

Thaomeishong chiwui ngachaili miwui naomayara thada, kachon akha phei tumda khangava, kala sināwui shānneira̱ eina mathikli neikahai akha thei.

WUNGVA̱-WUNGVĀ 13:8

Chieina Manoahna Proholi ngakaoda hānga, “O, Proho, nana chihokharā Varewui mi chili chihorāmiluida, nao hi kapharā tharan kathāda sāmameira kaji kharātamchithei ngasaklu.”

WUNGVA̱-WUNGVĀ 6:13

Chieina Gideonna ali hānga, “Amei, malung mavātmialu, kha Prohona ithumli ngasomiya jiakha kathāda hikathā saikora hi ithumwuitungli rāshokhao? Ishāvā ngarāna awui matakhak kahai saikora ithumli hāngkahai, ‘Egyptwui eina ithumli Prohona mathānshokmimala?’ da hāngchithei. Kha ara Prohona ithumli horhaida Midianaobingwui pāngli sangmihaira.”

WUNGVA̱-WUNGVĀ 6:15

Ana ngahānkai, “Proho, ina Israelli kathāda ngatangkhuirakhala? Yanglu, Manasseh shang alungli iwui shangna teomeikapa, kala iwui shimkhurlila ina ngazanmeikapa.”