DANIEL 10:1 - Kathara Bible (BSI)

¹ Persiawui awunga Cyrusna mungda kakathuma kum, Belteshazzar kaho Danielli tui akha rāphong chithei. Kala tui chi mashunga, chi haklāk kahai raireiwui ponglina. Kala ana tui chi theishingkhui kala khamahā chi theikhuichaowa.

DANIEL 10:1 Iomraidhean Croise

HAOKAPHOK 41:32

Pharaohli mang khani ngashomda kashiman hi Varena sālakra kaji kala thaklāk eina rāngasakhaora kajina.

2 THOTRINCHĀN 36:22

Prohowui tui Jeremiahna hāngkahai chi ungshung ngasak khavai, Persiawui awunga Cyrusna pankhare kum, Prohona Persiawui awunga Cyruswui manglā mathuk ngasakta, chiwui vang ana awui wungram saikora vāpeida kachishāt sāda kakapila kapida hānga,

EZRA 3:7

Chieina athumna ngalung mistri eina thing mistribingli pheisā mi, kala Persiawui awunga Cyrusna athumli mayākhami athishurda, Sidon eina Tyrewui mibingli Lebanonwui eina Joppali cedarthing shamadrutungli khuiung khavai ra̱shakshirei kala thao mi.

EZRA 4:3

Kha Zerubbabel, Jeshua, kala Israelwui shimkhurwui avāva̱ ngarāwui akuibingna athumli hānga, “Ithum Varewui vang shim kasāli nathum khikha zangkhavai maleilakmana; kha Persiawui awunga Cyrusna kaso kahai thāda Israelwui Vare Prohowui shim ithummāngna sāra.”

EZRA 4:5

kala Persiawui awunga Cyrusna munglakha eina thuilaga Persiawui awunga Dariuswui khamung eina tangda athumwui kharin chi maungshung khavai thangkhamei mi phāsanglaga hapkhano ngasaka.

EZRA 6:14

Kala marān Haggai eina Iddowui naomayara Zechariahwui khamarān athishurda Jehudi ararnaobingna shim chi sākāda mangāvalakhaowa. Kala Israelwui Varena kakaso athishurda kala Persiawui awungabing Cyrus, Darius kala Ar-ta-xerxeswui kakaso athishurda shim chi sākuphaowa;

EZRA 6:3

Cyrus awungawui khare kum, awunga Cyrusna kakaso akha mishoka: Jerusalemli khalei Khorumshimwui pongli, pha̱kaphayā kachigat, rikkatā kachigat khuirā khavai shim chi apam chili sākāluiranu; kajui khuining hangtharuk, kapāk khuining hangtharuk,

ISAIAH 44:28

Cypruswui pongli, ‘A iwui yaokahomana, kala ana iwui kharin ungshungmisera’ da hānga; Jerusalemwui pongli, ‘Ali sakāluira’ kala Khorumshimwui pongli ‘Nawui shimphunga sakāluira’ da kahānga Proho chi ina.”

DANIEL 1:17

Athum mayar mati chili Varena lairik kathemla aworla kachungkha ngarumsangmi; kala Danielna mang kala khamahā saikora theishingkhuikashap lei.

DANIEL 1:21

Kala chithāda Danielna awunga Cyruswui mungkhare kum eina tangda pamsai.

DANIEL 1:7

Kala akhoka ahonga china athumli aming phokmida Danielli Belteshazzar, Hananiahli Shadrach, Michaelli Meshach, kala Azariahli Abednego hoi.

DANIEL 10:14

Kala naoda nawui mibingli khi shokra̱khala kaji nali hāngchithei khavai kharāna. Kaja khamahā hi rārāda khalei atamwui vāngna.”

DANIEL 11:2

Ara ina nali mashun tui chi chitheira. Yanglu, “Persiali awunga kathum shokluira, kala khamate chi athumli shāngmeikharra; ana shānghaoda pangshap leikahai tharan Greece wungram sheikhayāngra.

DANIEL 12:4

Kha na, Daniel, lairik hi mahor namhailaga, tui hi, atam maungshungranglakha thumhaisalu. Kachungkhana theishingkhui khavai phāshang phātāra, kala awor mataisangra.”

DANIEL 12:9

Ana hānga, “Daniel, ungulu, atam maungranglakha eina tangda saikora hi mahor namlaga haikahaina.

DANIEL 2:21

Atam, zur-kan ana ngachei ngasaka, ana wungnaobingli khuishok khuizang sai; thangkhamabingli awor mi, kala theishingkakhuibingli kathem mi.

DANIEL 4:8

Naolak eina iwui varewui ming kaphoka Belteshazzar kaho, manglā katharana ngasokhame Daniel rai; kala ina ali,

DANIEL 5:12

khikhalajila mathameikap kaje manglā, kathem kala theithangkhamei, mang kakhalatwui theishingkakhui, chānjam hāngmikashap, kala kasak otla phāshok kashap Belteshazzar, awungana Daniel kaho chi lei. Ali ahokhui ngasaklu, ana hiwui kakhalat hāngmira.”

DANIEL 5:17

Chieina Danielna awungawui mangāli ngahānkai, “Nawui lemmet na khalattawui vang ngasāranu, kala nawui sāman khangateiwui sāhaoranu; chithālala rākapi kahai chi ina pāmira, kala chiwui kakhalat awungali chitheimira.

DANIEL 6:28

Chithāda sāda Dariusna munglakha kala Persiawui awunga Cyrusna munglakha Daniel reisanglak eina okthuisai.

DANIEL 8:16

Kala Ulai kongphei ngachaiwui eina mikhon akha khavao ina shai, “Gabriel, mipa hili khamahā hiwui kakhalat hāngmilu.”

DANIEL 8:26

Hāngkahai ngathor eina ngazinwui khamahā hi khamashungna; kha khamahā hi phārihaisalu, kaja hi naolak eina shokki kajina.”

LUKE 1:20

Yanglu, na khak mashokmara kala shokki kaji mashokranglakha eina tangda khak ngasha̱ra; khiwui vangkhala kaja ngashitmi kahai atamli ungshungki kaji iwui tuili nana mashitsangthuwa.”

PHONGKHAMI 19:9

Kala kazingraona ili hānga, “Hi kapikhuilu: Yaonaowui shakazā zātkhānli kahobing chi sokhami ngasāranu” kala ana ili hānga, “Hi Varewui tuilaka.”