DANIEL 1:7 - Kathara Bible (BSI)

⁷ Kala akhoka ahonga china athumli aming phokmida Danielli Belteshazzar, Hananiahli Shadrach, Michaelli Meshach, kala Azariahli Abednego hoi.

DANIEL 1:7 Iomraidhean Croise

HAOKAPHOK 41:45

Kala Pharaohna Josephwui ming Zaphenath-paneah phokmi; kala Josephli Onwui pāngmon Potipherawui naongalāva̱ Asenathli ngakum ngasaka. Chiwui thili Josephna Egypt ngalei saikora yaovai.

2 WUNGNAOBING 23:34

Pharaoh Necona Josiahwui nao Eliakimli avāva̱wui pamli awunga sanglaga aming Jehoiakim da ngacheimihaowa. Kha Jehoahazli Egyptli tukvāhaida chili athisanghaowa.

2 WUNGNAOBING 24:17

Kala Babylon awungana Jehoiachinwui avāgato Mattaniahli awunga sangasaklaga awui ming Zedekiah phokmi.

DANIEL 1:19

Athum saikorali awungana ngazekyangserlaga, awungawui mangali khanganingbingwui ngachaili athum mati kaja Daniel, Hananiah, Mishael, kala Azariah, athum kathā khipākha mazangmana.

DANIEL 1:3

Chiwui thili awungana awui akhoka ahonga Ashpenazli, Israelwui mibing, chiya wungnao shimkhur eina khayākakā shimkhur khaniniwui eina mi kaikha khuirālu da kasoi,

DANIEL 10:1

Persiawui awunga Cyrusna mungda kakathuma kum, Belteshazzar kaho Danielli tui akha rāphong chithei. Kala tui chi mashunga, chi haklāk kahai raireiwui ponglina. Kala ana tui chi theishingkhui kala khamahā chi theikhuichaowa.

DANIEL 2:26

Awungana Belteshazzar kaho Danielli hānga, “Ili kashimān mang kala chiwui kakhalat nana hāngmishaprala?”

DANIEL 2:49

Danielna kapo athishurda Shadrach, Mishach, kala Abednego athumli Babylon leikhaiwui yangkhame sāngasaka, kha Danielna awungawui hanga̱ shimli pama.

DANIEL 4:5

Ina pilakha mang akha shimana, kala mang china ili ngachee ngasaka; kala khamahā chi theilaga malung tātung ngasaka.

DANIEL 4:8

Naolak eina iwui varewui ming kaphoka Belteshazzar kaho, manglā katharana ngasokhame Daniel rai; kala ina ali,

DANIEL 5:12

khikhalajila mathameikap kaje manglā, kathem kala theithangkhamei, mang kakhalatwui theishingkakhui, chānjam hāngmikashap, kala kasak otla phāshok kashap Belteshazzar, awungana Daniel kaho chi lei. Ali ahokhui ngasaklu, ana hiwui kakhalat hāngmira.”