DANIEL 1:3 - Kathara Bible (BSI)

³ Chiwui thili awungana awui akhoka ahonga Ashpenazli, Israelwui mibing, chiya wungnao shimkhur eina khayākakā shimkhur khaniniwui eina mi kaikha khuirālu da kasoi,

DANIEL 1:3 Iomraidhean Croise

2 WUNGNAOBING 24:15

Ana Babylonli Jehoiachinli tukvāhaowa; awungawui ava̱va̱, awungawui apreiva̱ ngarā, keinungwui akhavābing kala ngalei chiwui kharei mibing saikora Jerusalemwui eina Babylonli khuivāserhaowa;

ISAIAH 39:6

Yanglu, nawui shimli khalalei saikora kala nashāvāwui ot aja eina tangda kaziphaida khalei, Babylonli phungunghaoki kaji atam rārāli; khikha mataimilakmara, da Prohona hānga.

ISAIAH 39:7

Nana pharākakhui naomayarabing ngayarda khuithuihaora; Babylon awungawui konungli ahonga ngasāhaora.”

JEREMIAH 41:1

Kachāng kashineli, Elishamawui naomayara Nethaniahna kapharā Ishmael, wungnaowui shimkhurli kapharā kala awungawui otva̱ khamataiya akha sākasā china mi tharā thānlaga Mizpahli Ahikamwui naomayara Gedaliahwuili vai. Athumna Mizpahli phazāngarumda leilakha,

KHALATLUI 28:41

Nathumna nao sha̱naola mayarnaola pharākhuira, kha nathumwui mangasāmara; kaja mina tukthuiserhaora.