DANIEL 1:17 - Kathara Bible (BSI)

¹⁷ Athum mayar mati chili Varena lairik kathemla aworla kachungkha ngarumsangmi; kala Danielna mang kala khamahā saikora theishingkhuikashap lei.

DANIEL 1:17 Iomraidhean Croise

1 WUNGNAOBING 3:12

yanglu, nawui kapo chiwui thishurda ina sāmira. Yanglu, kashi-kaphā theishap khavai theithangkhamei ning ina nali mihaira; nawui thangkhamei thāda khipākha mashoklakranga, kashokla khipākha nawui thili na thāda mashokluimara.

1 WUNGNAOBING 3:28

Awungana bichar sākhami chi Israelnao saikorana shālaga matakhak eina nganingsera; kala mashun bichar sāmi khavai Varewui thangkhamei awungali sangmihaira da theikhui.

2 THOTRINCHĀN 1:10

Mibing hiwui mangāli khangashok khangakhang theishapa ili thangkhamei kala kathem milu, kaja hiyākha hakkhamahā nawui mibingli khipāna mungrarrakhala?”

2 THOTRINCHĀN 1:12

nali thangkhamei eina kathem mihaira. Chili lāngda ina nali kashāngla, lanla, khangamkhareila ina ngarumsangmira; nawui mangāli leikasā awungabing hithāda khipākha maleiranga, kala nawui thilila hithāda akhala maleimara.”

2 THOTRINCHĀN 26:5

Vareli khangachee tamkachitheia Zechariahwui atamli ana Vareli phai; kala ana Proholi ngavaplakha eina tangda Varena ali mataisang ngasakchinga.

JOBWUI LAIRIK 32:8

Kha Sashap-pangshapawui khaksui mi akhawuili kazang manglā china ali theishingkhui khangasakna.

CHĀNSAM 2:6

Kaja Prohona thangkhamei chi mi; akhamorwui eina awor kala theishingkakhui shoka;

HĀSHOKME 2:26

Kaja ali ningyāng ungkhangasak mi chili Varena thangkhamei, awor kala khamathān mi; kha morei kaphungbingli kazipkhui khavai khami hiya, Vareli ningyāng ungkhangasaka chili mikhavaina. Hila aremana, kala khamasaili kasāna.

ISAIAH 28:26

Kaja ali tamchitheitit kahaina; awui Varena tamchithei kahaina.

EZEKIEL 28:3

Mha, Danielli na thangmeimei; nawui eina ngathum kahai khikha maleimana,

DANIEL 1:18

Atam ungkashung eina awungana kakaso athishurda akhoka ahonga china athumli Nebuchadnezzarwui mangāli khuivai.

DANIEL 1:20

Awor ayāyāva̱ ngahānlaga wungramli khalei mahei kathembing, laivā kathembing, khanong sākatheibingli athumna tharā shida themmeihaowa.

DANIEL 1:4

athumwui ngachaili, kanghāngri kahai, mayar khamathā otsak saikorali thangkhamei, awor kathema, mashunmakhui theithangkhama, kala awungawui keinungli otram ngatha̱kashapa mibingli Chaldeanaowui tui kala mayek tamchithei khavai kasoi.

DANIEL 10:1

Persiawui awunga Cyrusna mungda kakathuma kum, Belteshazzar kaho Danielli tui akha rāphong chithei. Kala tui chi mashunga, chi haklāk kahai raireiwui ponglina. Kala ana tui chi theishingkhui kala khamahā chi theikhuichaowa.

DANIEL 2:19

Kala Danielli māngli rāmahāmida khangathuma tui chi chitheimi. Chieina Danielna atungshongwui Vareli ningkashi mi.

DANIEL 2:21

Atam, zur-kan ana ngachei ngasaka, ana wungnaobingli khuishok khuizang sai; thangkhamabingli awor mi, kala theishingkakhuibingli kathem mi.

DANIEL 2:23

O Ishāvā ngarāwui Vare! Ina ningshida masot chigatli; kaja awor kala yāng nana ili mi, kala ithumna nali kapo chi nana ili theingasakhaira, kaja awungana ningkachāng chi nana ithumli chitheimihaira.”

DANIEL 2:30

Kha iwui vanga, mi khangateili ina thangmeikhameiwui vang kathuka tui hi ili phongkhami maningmana, kha nawui mangwui kakhalat chi theikhavai kala nawui ningli kaphaning chi chitheimi khavaina.

DANIEL 4:6

Chiwui vang eina Babylonli khalei thangkhama saikora hokhuida mang chiwui kakhalat hāngmi khavai hukhum akha miya.

DANIEL 5:14

Kathara chiwui manglā nali ngasomi, kala theikashap, theishingkakhui, kala hakmahālak kahai awor nawuili lei da ina shāhaira.

DANIEL 7:1

Babylonwui awunga Belshazzarna mungkhare kum, Danielna pilakha mang akha shimana. Mang chi ana kapikhui, kala chiwui kasha̱a ara̱tui ana hāngmi.

DANIEL 8:1

Belshazzar awungana mungda kakathuma kum, Daniel ili, kharewui mang thāda rāmahāluishita.

MISHĀN 12:6

Ana hānga, “Iwui tuibing nganālu: nathumwui alungli marānkhame leiakha Proho I khalattana ali mahāmi kala ina mang eina ngazeka.

LUKE 21:15

kaja ina nathumli matuikatheila, thangkhameila mida nathumwui yangkashe khipānakha nathumna kahāng chili ngateida makhalatkhuirarmara kala mamashungmana dala mahāngrarmara.

OTSAK 6:10

Kha Stephenli Manglāna thangkhamei sangmida khamatui chitharan, athumna mangasungrarthuwa.

OTSAK 7:10

kala awui kakhanang ringkashi saikorawui eina ali kanmi, Egypt awunga Pharaohwui lumkakā samphangpai khavai Josephli Varena thangkhamei mi, chieina awungana ali Egypt katonga kala Pharaohwui shimkhurwuitungli mungkhavai governor sāngasaka.

OTSAK 7:22

Mosesli Egyptnaobingwui wortam saikora tamchitheisera, chieina tuimatuilila, otsaklila pangshap khalei mi akha ngasāhaowa.

COLOSSIANAO 1:9

Chiwui vang eina nathumwui pao shāthang eina thuilaga atam kachida manglāna khami thangkhamei kala theishingkakhuilungli Varewui awor china nathumli chipemmi khavai sāmichinga.

JAMES 1:17

Kaphā lemmet kala thada khami saikora hi atungshongwui eina katāsera. Hi aka̱lā thada ngacheiung ngachei khavā makhalei kazingramwui kahor Avāva̱wui eina kharāna.

JAMES 1:5

Kha nathumwui ngachaili kachikathā theithangkhamei vatta leiakha, kakharar maleila mingairareo eina mi saikorali khame Vareli seihā sāranu. Chieina ana mira.