CHAPCHĀT 5:6 - Kathara Bible (BSI)

⁶ Zāshap samphang khavai Egyptli kala Assyriali ithumwui pāngli mihaira.

CHAPCHĀT 5:6 Iomraidhean Croise

HAOKAPHOK 24:2

Kala Abrahamna awui raobingwui ngachaili rarmeithui kaje awui khalalei khayanga rao chili hānga, “Ikhaishāngli napāng hailu,

2 WUNGNAOBING 10:15

Ana apam chiwui eina kānkathui tharan Rechabwui nao Jehonadab ali rangarokrārāsai, kala shālam kasā eina, ali hānga, “Ina nali shitkasang thāda nanala ili shitsangla?” Jehonadabna, “Mha.” da ngahānkai. Jehuna hānga, “Chithakha, napāng ngarānkālu.” Ana pāng ngarānkakā eina Jehuna yonkhuilaga awui siguigarili kātong ngasaka.

ISAIAH 57:9

Nathumna Molechli thao khuivāda nathumwui anganam mataisang ngasaka; nathumwui paophungmebing katāva̱li chihovai, Kathewui ram eina tangda chihotai.

JEREMIAH 2:18

Nathum Egyptli khavāwui tongkazā khi lei, Nilewui tara̱ amang khavaila? Assyriali khavāwui tongkazā khi lei, Euphrateswui tara̱ amang khavaila?

JEREMIAH 2:36

Nawui apong ngacheilaga nana kayākha paida zatnganaoli! Assyriana nali maishi khangasak thāda, nali Egyptna maishi ngasakra.

JEREMIAH 50:15

Ali kuimareida makhamayā vaolu, a hamsanghaira; awui raipan kongluihaira, awui phākhola minhaira. Kaja hi Prohowui athut kakhuina, ali athut khuilu, ana sākahai thāda alila sāmilu.

CHAPCHĀT 4:17

Aremali ngachonmi khavai yangpamshonda ithumwui mik ngazanhaira; ithumna yangkapamli mangachonmikharar yur akhali yangpama.

EZEKIEL 17:18

Khikhalajila, ana shākhi sākahai kala tuingashit kaikahaiwui vang, apāng katatsanghailaga hikathāthā kasāwui vang, a mayāmshokpaimara.”

HOSEA 12:1

Ephraimna masi homa, kala zingshoshongwui masili langpongda kharoma; athumna khangui kala khangashao chungsang ngasaka; athumna Assyriali ngasoda tongzā khavai sai, kala Egyptli thao khuivai.

HOSEA 5:13

Ephraimna awui kazāt kathei tharan, kala Judahna awui khamā kathei tharan, Ephraimna Assyriali vai, kala kahaka awungali chihovai. Kha ana nali maraimirarmana kala nawui khamā maphāmirarmana.

HOSEA 7:11

Ephraim hiya mangkhama̱, ning makhalei nāsha̱ kathāna, ana Egyptli hoi, Assyrialila vai.

HOSEA 9:3

Athum Prohowui ngaleili maleimara; kha Ephraimna Egyptli latungra, kala athumna Assyriali makathar kashakazā zāra.