CHAPCHĀT 5:16 - Kathara Bible (BSI)

¹⁶ Kuihon ithumwui kuiwui eina tātunghaira; kakhanang ithumwui ngasāranu, kaja ithumna morei sāhaira!

CHAPCHĀT 5:16 Iomraidhean Croise

JOBWUI LAIRIK 19:9

Ana iwui tekhamatei iwui eina raimihaira, kala ikuiwui eina kuihon khuithuihaira.

LAA 89:39

Naraoli tuingashit kasā chi nana makhuimithura; nana awui wungkuihon chifali sākhamāng ngasaka.

CHĀNSAM 14:34

Khamashung khangarongna yurli mai kāngasaka, kha moreina miyur saikorali maishi ngasaka.

CHĀNSAM 27:24

kaja kashāng chi chithāching majimana; kala kuihon thot saikorali rungchingla?

ISAIAH 3:8

Kaja Jerusalem phei ngaphokhaira, kala Judah kongluihaira; khikhalajila athumwui tuimatui, kala otsak Proholi mamayāmana, ana tekmateida khaleipam chili athumna ngaruka.

JEREMIAH 13:18

Awunga kala awungva̱li hānglu: “Khanempamli pamlu, kaja nathumwui khamathā kuihon nathum kuiwui eina tātunghaira.

JEREMIAH 2:17

Ana nali apong chili thānkazat tharan, nawui Vare Proholi malaihaida nathum khalattawuitungli hi khuikharā maningmala?

JEREMIAH 2:19

Nathumwui makhayāna nali machinra; kala nawui shitkasang kahat china nali machinra. Nawui Vare Proholi horkahai hi nawui vang makaphā kala kakhā otna kaji yangda theikhuilu; ili khangachee nathumwui alungli maleimana,” da saikorawui Proho VAREna hānga.

JEREMIAH 32:23

kala athumna zangda ngalei chi samphanga. Kha athumna nawui tui manganāmana kala nawui ainwui athishurdala mazatmana; nana athumli sālu kaji akhala masāmana. Chiwui vang eina, kalākashi saikora hi nana athumwuitungli tā khangasakna.

JEREMIAH 4:18

Nathumwui apongna kala kasākhavāna nathumwuitungli hikathā rākhangasakna. Hi nathumwui ngachang khavaina, kala hi khāshuna; hina nathumwui wuklung vāshunglakhaira.”

CHAPCHĀT 1:1

Kathāda ngachakyāng eina pamli! Mi chiyākha nganotkasā keinung chi! Kathāda ra̱meiva̱ kathā ngasāhao, yurbingwui ngachaili hakmahālak eina leikasāpāva̱ chi! Keinungbingwui alungli philava̱ sākasāva̱ chi shainao sāthuihaira.

CHAPCHĀT 1:18

“Prohova khamashung pamli lei, kaja ina awui tuili ngakaishihaowa, kha nathum saikora, nganālu, kala yanglu iwui kachotkachāng yanglu; iwui ngalānaobing eina iwui yaronnaobing tukthuiserhaira.

CHAPCHĀT 1:20

“Yanglu, O Proho, kaja I kachotlungli lei, imanglā kakhananglungli lei, iwuklungli ining shireikazamhaira, kaja ina ngakaishishunhaowa, chānreilungli raighai eina thingasaka, shimlungli kathi kathāna.

CHAPCHĀT 1:8

Jerusalemna zakshilāk eina morei sai, chiwui vang a khamakhao ngasā kahaina; ali khayāshikasā saikorana ali ningkachaiya, kaja awui khamahong athumna theihaira; mha, akhalattana ngahuiya kala amai ngareithuihaowa.

CHAPCHĀT 2:1

Malungkhavātwui alungli Prohona Zionwui naongalāva̱li muiyāzingli kathāda haihaokhala! Ana Kazingramwui eina okathuili Israelwui tekhamatei hortāhaira; awui malungkhavāt atamli awui pheinai eina tangda maphaningungmana.

CHAPCHĀT 4:13

Awui alungli khangarongwui ashee tākhangasaka marānbingwui morei, pāngmonbingwui khayonkhamāngwui vangna.

EZEKIEL 21:26

Proho VAREna hānga: Nawui kuitei kala wungkuihon khuihaolu; khalei chi maleichingmara; khangazanali sochikatra, khangamali nemngasakra.

MICAH 6:13

Chieina ina nali pāng parhaira, kala nawui moreiwui vang ramcho sāngasaka.

PHONGKHAMI 2:10

Nathum khanangki kaji khikhikhawui vang mangangalu. Yanglu nathumli chāng tamyang khavai chipeena kaikhali phātop sangra; kala tharāthangwui vang kakhanang samphangra. Kathi eina tangda ili shitsangmalu; Ina kharingawui kuihon mira.

PHONGKHAMI 3:11

Yanglu, I thākta rāra; nawui khalei chi singtitlu, chithākha nawui kuihon kateina makhuithuimara.

1 SAMUEL 7:6

Chiwui vang athumna Mizpahli akazipsera kala tara̱ asoklaga Prohowui mangāli heishokta, chithang kakhum eina pamda hānga, “Prohowui mangāli ithum morei sāhaira.” Kala Mizpahli Samuelna Israelwui mibingli bichar sāmi.