CHAPCHĀT 5:1 - Kathara Bible (BSI)

¹ O Proho, ithumwuili shokkahai, kaphaningungmilu; yanglu, ithumwui maikashi hi katheimilu.

CHAPCHĀT 5:1 Iomraidhean Croise

NEHEMIAH 1:3

Kala athumna hānga, “Raithā kahaiwui eina ngathikashok ngalei chili ringda khaleibing ringshilāk eina kala simasailak eina okthuida lei; Jerusalemwui phākhola shaokhaitāmiserhaira, kala ngaveila mei sa̱tāmiserhaira” da hānga.

NEHEMIAH 1:8

Kaphaningungmilu, narao Mosesli kasoda hāngmi khangasak, ‘Nathumna ning tongda mashitsangakha, ina mibingwui ngachaili yaoyāngmihaora;

NEHEMIAH 4:4

Nganāmilu, O ithumwui Varivara, kaja ithumli ningkachaihaira; athumwui zeikakharui chi athum khalattawuitungli tāranu, kala athumli tukvā khavaipamli ngaponthui khavai mihaolu.

JOBWUI LAIRIK 10:9

Nana ili leikhon eina sākhui kaji phaningungmilu; laga ili chifa ngasā ngasakluiki kajila?

JOBWUI LAIRIK 7:7

Phaningyanglu, iwui mirin khaksuikha kathāna; imikna khamathā matheiluimara.

LAA 119:153

Iwui kakhanang hi yangmida kakanshokmilu, kaja nawui ain ina mamalaimana.

LAA 74:18

O Proho, hi phaningungmilu, yangkashena kathāda mana̱shili, mashitkasanga mina namingli mashāta.

LAA 79:12

O Proho, khongnainaobingna nali zeikakharui chi shini shida athut hāngsangmilu!

LAA 79:4

Ithum khongnainaowui zeikhavai ngasāhaira, ithumli kuimareida khaleibingna zeikharuida mana̱shiya.

ISAIAH 62:6

O Jerusalem, nawui phākho tungli ina khamayonbing haimira; ngashun ngayā pongda, athum kasaikha mapammara. Nathumna phaningung khangasaka Proho chi khangasām mavaimana,

JEREMIAH 15:15

“O Proho, nana katheina; ili phaningungda ngachonmilu, kala ili rekakharekbingli iwui vang athut khuimilu. Nana khāngkatheiwui alungli ili makhuithuimilu; namingwui vang ina miwui malungkhavāt samkaphangna kaji katheimilu.

JEREMIAH 51:51

‘Ithumli khayak ngasakhaira, kaja khamachin chi ithumna shai; maikashina ithumwui mai farorhaira, kaja yur khangateibingna Prohowui katharapamli rāzanghaira.’

CHAPCHĀT 1:11

Awui mibingna kashakazā ngahuilaga phāzata; athumwui yāng samphanglui khavai athumwui lan kashakazāwui vang yorzai. “Yanglu, O Proho, yangtāmilu, kaja ili ningkachaihaira.”

CHAPCHĀT 1:20

“Yanglu, O Proho, kaja I kachotlungli lei, imanglā kakhananglungli lei, iwuklungli ining shireikazamhaira, kaja ina ngakaishishunhaowa, chānreilungli raighai eina thingasaka, shimlungli kathi kathāna.

CHAPCHĀT 1:9

Awui makathar chi awui kashanli kāsai, awui kathi ana maphaningmana; chiwui vang eina awui kongkhalui zakshilāka, ali ninglum khavai khipākha maleimana. O Proho, iwui kakhanang khayangmilu, kaja yangkashebingna yuihaira!

CHAPCHĀT 2:15

Shongfa rākhamakān saikorana nali athumwui pāng kapherora; athumna kasida kala kui khayitta, Jerusalemwui naongalāva̱li, “Okathuiwui khamathā kākashungva saikorawui mathān khavai keinung chi hila?” da athumna zei.

CHAPCHĀT 2:20

Yanglu, O Proho, kala theimilu! Khipāli nana hithāda sāyanghaira? Ava̱ ngarāna athumwui khaluma naongarāli shairala? Pāngmon kala marānli kathara shimli shaothatrala?

CHAPCHĀT 3:19

Iwui kachot, iwui mirin-kashi, thingkhā eina athi kathā phaningungmilu.

CHAPCHĀT 3:50

Prohona kazing eina yangtāda matheimiranglakha eina tangda;

CHAPCHĀT 3:61

“O Proho, athumna khamashāt saikora nana shāhaira, ili thikhavai kasā saikora nana theihaira.

HABAKKUK 3:2

O Proho, ina nawui pao shāhaira, kala O Proho, nawui otsakli ngachee. Zingkumbingwui alungli shokngasakmiluishitlu; zingkumbingwui alungli chitheimiluishitlu, malungkhavāt tharan khalumashanmilu.

LUKE 23:42

Kala ana hānga, “Jishu, nana nawui wungramli kazang tharan ili kaphaningungmilu.”