CHAPCHĀT 4:9 - Kathara Bible (BSI)

⁹ Chāmthit eina kathibingle raighai eina kathibing ringphāmei, luiwui athei-arai ningchāngchāngda khanangda ngairon eina khumthathaira.

CHAPCHĀT 4:9 Iomraidhean Croise

2 WUNGNAOBING 25:3

Kachāng khamatewui kachikothang keinung chili kashakazā kasak marnāhaoda mibingna zākhavai akhala masamphangthuwa.

SHONGZĀ 16:3

“Egypt ngaleili khaih, sāmāng shaida kashakazā mavātlakla thoting eina pamda Prohowui pāngli thihaisasi kaje phāra; khikhala jila mi hiyākha lamhāngli kathai eina thikhavai nanina ithumli thānkashokna.”

ISAIAH 22:2

khonkazār, ngaunlop kahai maikakā keinung nathumna jila? Nathumna sāthat kahaibing chi raighai eina mathimana kala raipamli mathimana.

JEREMIAH 16:4

Athum zakkashi kazāt eina thira. Athumwui vang chapkhangachāla machapngachāmara, kachifala machifamara; athum paih thāhaora. Athum raighai kala chāmrei eina thira, athumwui angun khamasaili yongkazat vānaobingwui kala ramsāwui kashakazā ngasāhaora.

EZEKIEL 24:23

Nathumna kuiteila teira, pheihopla sangra; nathumna masifa lah kachapla machapngachāmara, kha nathum khayonkhamāngwui alungli akha eina akha ngahui ngarokra.

EZEKIEL 33:10

“Miwui naomayara, Israelwui shimkhurli hānglu, nathumna, ithumwui morei kala khayonkhamāngwui vang hiyākha ngazan kahaina, ara kathāda ringluipairakhala? da nathumna hānga.

EZEKIEL 4:16

Chili lāngda ana ili hithāda hānga, “Miwui naomayara, yanglu, Jerusalemwui kashakazā ina ngarakmihaora; ngacheerang eina zāt onzāra, kala tara̱la shivamri eina tammangra.

EZEKIEL 7:15

Ayarli raighai, alungli kazātkashi kala chāmrei, luili khalei mina raighai eina thi; keinungli khalei china chāmrei kala kazātkashi eina thira.

PĀNGMONSHI 26:39

Kala nathumwui ngachaili notha kahaibing chi, athum moreiwui vang yangkashibingwui ngaleili chāngkharenglak eina thira, kala avāva̱ ngarāwui moreiwui vang athumwui thāda chāngkharenglak eina thira.

KHALATLUI 28:51

kala nathumli masāshimānranglakha eina tangda nathumwui seinao kala ngaleiwui theishirai shaimiserhaora; nathumwui māngum, drakhāra̱, lah thao, nathumwui seinao pharākasangla, maningakha yaonaola athumna mataimilakmara.