CHAPCHĀT 4:22 - Kathara Bible (BSI)

²² O Zionwui naongalāva̱, nawui khayonkhamāngwui vang kashong khalāng kuphaira, ana nali maraithāluimara; kha O Edomwui naongalāva̱, nawui khayonkhamāngwui vang kashong lāngra, nawui morei ana phongshokmira.

CHAPCHĀT 4:22 Iomraidhean Croise

LAA 137:7

O Proho, Edomnaobingna sākahai, mathāhaila phaningungmilu; Jerusalem khuithang athumna, “Chi shaokhaitālu, chi shaokhaitālu! apam tāshungngasaklu!” da kahāng chi.

ISAIAH 40:2

Jerusalemli khanim eina hāngmilu kaja awui rai kasā ngachanghaira, awui kashong pheomihaira; awui morei sākahaikha mataida Prohowui pāngwui eina samphanghaira.

ISAIAH 52:1

Thuilu, thuilu, nawui yāng shirinkhuilu O Zion; nawui khamathā sāri ngavaikhuilu, O Jerusalem, kathara keinung; kaja ahui marim kashoka kala makathar mi nathumwuili marāluimara.

ISAIAH 60:18

Nawui ngaleili khonkazār, sākakathān, kala sākakazamla nawui tharilungli mashāluimara; nana nawui phākhobingli Huikhami, kala nawui Ngaveili Masot da hora.

JEREMIAH 32:40

Athumli ina kaphā sāmi khavaiwui eina mangareithui khavai, athumli makhangachei tuingashit akha sāmira; kala athum iwui eina mangareithui khavai ili khangacheewui ning ina athumli sangmira.

JEREMIAH 33:7

Judah eina Israelwui shimluila hanmiluida kharewui tākam eina sakāluira.

JEREMIAH 33:8

Athumna iwuitungli sāyon kahai saikora tharngasakra, kala ili ngakaishida morei sākahai saikora chi pheomira.

JEREMIAH 49:10

Kha Esauli ina mahongmihaira, awui ngathum khavai apambingla phākhuiserhaida ngazing khavai maleithura. Anaongarā, achināngarā, khongnaibing sākhayānghaoda ala maleithura.

JEREMIAH 50:20

Chitharan, atam chili, Israelwui alungli khayon phāra, kala khikhala masamphangmara; Judahwui alungli morei phāra kala akhala masamphangmara; kaja shāk kahai sāda ina haikahaibing chili pheomiserra da Prohona hānga.”

CHAPCHĀT 4:21

Mathānlu, kala ringphalu, O Edomwui naongalāva̱, Uz ngaleili somkapama; kha nalila tengkot chi kānrāra; maripreihaida nakhalatta raihailaga mahonghat eina zatra.

CHAPCHĀT 4:6

Sodomli kashong kharāng pāng masāza̱la mikkhayipkhalungli kashimānli lāngmeida iwui mibingwui naongalāva̱li khamachinna hakmei.

EZEKIEL 37:28

Iwui kathara shim athumwui alungli haimiching kaji chi theilaga, Israelli ina tharkhangasakna kaji miyurbingna theikhuira.”

EZEKIEL 6:12

Katāli khaleia a china kazātkashi eina thira, kala nganaida kapama a china raighai eina thira; kala mathila taihaikasābing china chāmrei eina thira. Chithāda ina iwui malungkhavāt athumwuitungli chishotta kupra.

OBADIAH 1:10

Nagato Jacobli shaokathatwui vang, na maishiphalungra kala katatchaohaora.

MALACHI 1:3

kha ina Esauli ningkachai; ina awui shimlui chi khikha masākhavai kaphung sāngasakmi kala awui shimlui chi lamhāngli kazata ramfali mihaowa.”

MALACHI 1:4

Kalikha Edomna, “Ithumli sākhayānghaira, kha sākhayāng kahai chi ithumna sakāluishitra” da hāngakha, saikorawui Prohona hānga “Athumna sākālapai, kha Prohona katang mavaila malungkhavāta yur, makaphā makhayā ram da mahoranglakha eina tangda ina sākhaira.”