CHAPCHĀT 4:21 - Kathara Bible (BSI)

²¹ Mathānlu, kala ringphalu, O Edomwui naongalāva̱, Uz ngaleili somkapama; kha nalila tengkot chi kānrāra; maripreihaida nakhalatta raihailaga mahonghat eina zatra.

CHAPCHĀT 4:21 Iomraidhean Croise

HAOKAPHOK 36:28

Hi Dishonwui naomayarabingna: Uz eina Aran.

2 THOTRINCHĀN 28:19

Kaja Israelwui awunga Ahazna shuikhangarui ot sāda Proholi mashitkasangwui vang Judahli maishi ngasakhaowa.

JOBWUI LAIRIK 1:1

Uz ngaleili Job hoda mi akha leisai, ava shāt makālak kaja mashungrik kahai, kala Vareli ngacheeda makaphāli makazanga mi akhana.

LAA 137:7

O Proho, Edomnaobingna sākahai, mathāhaila phaningungmilu; Jerusalem khuithang athumna, “Chi shaokhaitālu, chi shaokhaitālu! apam tāshungngasaklu!” da kahāng chi.

HĀSHOKME 11:9

Mathānlu, O Yaronnao, na yaronshaplakha, yaronshaplakha ningngasa̱ta eina, nawui ningwui kala nawui mikwui apongli zatlu; kha ot saikora hiwui vang Varena nali bicharpamli khuirāra kaji theilu.

JEREMIAH 49:12

Kaja Prohona hithāda hānga: “Mamangkharānbingna khorām chi mangphalungra jiakha, nathumna tandi masamphangla thuihaipairala? Nathum tandi masamphangla machihohaipaimana, kha nathum mangphalungra.

JEREMIAH 49:7

Edomwui pongli saikorawui Prohona hithāda hānga: “Temanli thangkhamei maleithula? Ningkazanwui eina machinkathei shimānhaola? Athumwui thangmei shimān kahaila?

EZEKIEL 25:6

“Kaja Proho VAREna hithāda hānga: Khikhalajila Israelwui ngaleili mamayāmada nathumna pāng kakaphewui vang kala phei kakathangwui vang,

EZEKIEL 25:8

“Proho VAREna hithāda hānga: Khikhalajila Moabna, Yanglu, Judah yurla khangatei yur thāserpapama da hānghaoda,

EZEKIEL 26:2

“Miwui naomayara, khikhalajila Jerusalemwui pongli Tyrena, ‘Aha, mibingwui ngavei kaihaira, iwui vang shomihaira, ā ara sāshimānhaoda I mathun khavai sāra,’ da kahāngwui vang,

AMOS 1:11

Prohona hithāda hānga: “Edomwui chonkhamakān kathumwui vang, kala matiwui vang, shongrān chi ina mayangmimara. khikhalajila lukhamashan katāva̱li horhaida, raighai singda achināli kharomzata; kala awui malungkhavāt mamalailakmana, kala awui khonkashi katang mavaimana.

OBADIAH 1:1

Obadiahli rāmahākhami. Edomwui pongli Proho VAREna hithāda hānga. Ithumna Prohowui eina pao shāhaira, kala yurbingwui ngachaili paome akha chihovāda hānghaira: “Ngakarthuilu, ithum Edomli vāda rai atausa!”

MICAH 1:11

Nathumwui shongfali zatlu, Saphirli kapamabing, mahonghat eina, maishiri eina; Zaananli kapamabing mashokalu; Bethezelwui khanangda kachap china nganing khavaipam chi nathumwui eina khuithuihaora.

HABAKKUK 2:16

Nali tekhamateiwui mahutli maikashina pemhaora, manglu, manglaga ngayitzatlu, Prohowui yāshong kasing tengkot chi nali rāza̱ra, kala kakhayak chi nawui tekhamatei tungli tāra.

PHONGKHAMI 16:15

“Yanglu ina khale thada rāki kaji chi chithangna. Chithang kashankachon ngavaipamkasāpā chi sokhami ngasāranu, kaja ana yaruiwui miktāli mahongda mazatmara kala kakhayak masamphangmara.”