CHAPCHĀT 4:2 - Kathara Bible (BSI)

² Zionwui naomayarabing akachanga sinā thāda aman kasakabing, kathāda ngaleiham kasaawui them thada khuihao!

CHAPCHĀT 4:2 Iomraidhean Croise

ISAIAH 30:14

Chiwui kakai chiya hamkasāwui ham ngapothamkhai kahai thāda; kala akai chiwui eina meiyaikhong sākhavai khāngmei, kala tara̱ sokkhavai kokthikai makhuikapai kathāna.”

ISAIAH 51:18

Ana pharākakhui naomayara saikorawui alungli ali thānmi khavai akhala malei; ana nganaokakhui naongarā saikorawui alungli apāng thara̱zat khavai akhala malei.

JEREMIAH 19:1

Prohona hithāda hānga, ham kasemawui eina ngaleiham akha alokhuilu, kala kha̱wui kathānabing kaikha, pāngmon kaikha da hokhuilaga,

JEREMIAH 19:11

athumli nana hāngra, saikorawui Prohona hithāda hānga: “Ham kasaawui ngaleiham sakakhai thāda mibing hili kala athumwui keinung hi ina sākhaira, kaihaida masākhuiluipaimara. Tophethli chifara, khikhalajila chifa khavai apam katei maleisāmara.

JEREMIAH 22:28

“Coniah kaho mi hi yangkakharinga, hamkai, mi khipākhana mayangsangkhami ham kathāla? Ali, kala awui naomayarali kahaithuihaida athumna makathei ramli khisāda raithāhao?”

CHAPCHĀT 2:21

Khararnaosan mateila chānrei chifatungli pitai; iwui yāron ngalā raighai eina pitāhaira; nana malungvātshunhaithang athumli lukhamashan maleila sāthatserhaira.

CHAPCHĀT 5:12

Wungnaobingli athumwui pāng eina kangyuihai, khararnaobingli khayākashila machitheimana.

HOSEA 8:8

Israelli mayuisanghaira; ara yur khangateiwui ngachaili khikha masā khavai ham kathā ngasāhaira.

ZECHARIAH 9:13

Kaja Judahli ina malā thāda hunhaira; Ephraimli chiwui malāthing sāngasakhaira. Ina nawui naomayarabingli khayitra, O Zion, nanao mayarabingwuitungli O Greece, kala nali raimi akhawui khutlai thāda singtitra.

2 CORINTHNAO 4:7

Tha-ilala manglārinwui lan hi khalei ithum hi ngaleiham kathāna, kaja juikhamataia pangshap chi Varewuina ithumwui maningmana da chithei khavaina.

2 TIMOTHY 2:20

Shim kahaka akhali lupāsā eina sināwui khorkhongmāng maleimana, kha ngaleiwuila, thingwuila lei kala kaikhava saklak eina shichin khavaina, khangatei kaikhava ichamchamlak eina shichinna.