CHAPCHĀT 4:19 - Kathara Bible (BSI)

¹⁹ Kazingramli yongkazata khalāng sāshaili ithumli kakharombingna thākmei; athumna ithumli phungreili kharomkai, athumna lamhānglila ithumli rimpama.

CHAPCHĀT 4:19 Iomraidhean Croise

JEREMIAH 16:16

“Yanglu, ina khai kaphā mi kachungkha hohaira, da Prohona hānga, kala athumna phākhuira; chiwui thili ina sākharenga kachungkha chihora, kala athumna phungrei-phungrā pam kachida kala lungkai kachida athumli rengzatra.

JEREMIAH 4:13

Yanglu, ana muiyā khangakhui thāda rārāli, awui siguigāri surkakhaning thai; awui siguibingna khalāngli thākmei; ithum kalākashi, kaja ithum kuphaira!

CHAPCHĀT 1:13

“Atungshongwui eina ira̱kuili mei chihotai; ipheiwui vang ana khalen sanga; kala ili konglui ngasaka; ana ili nganingung haimihaira, langpongda vānngasaka.

HOSEA 8:1

Talla̱ chi namorchaili khāngkālu, kaja khalāngsāsha akha Prohowui shimtungli pa̱da lei. kaja athumna iwui tuingashit sākhaihaira, kala iwui ain kaihaira.

HOSEA 8:3

Kaphā kaho Israelna khalanhaira; yangkashena ali kharomra.

PĀNGMONSHI 26:36

“Kala nathumwui ngachaili notha kahaibingli athumwui yangkashebing ramli malung kashamkhai ngasakra, thingnākao phankazatkhon shālaga yāmngasakra kala raighaili khangachee thāda yāmra, khipānakha makharomlala yāmda kongluisangra.

AMOS 2:14

Kathākabingla mayāmthukmara, kapanga mina yāng tekhaora; pangshapa chinala khalatta mahuirarmara;

HABAKKUK 1:8

Athumwui sigui kuirāngli thākmei, zingyinlamwui ramfali sāshimei; athumwui sigui raimi hiksor eina muivai. Mha, athumwui sigui raimi katāva̱wui eina rai; tukshai khavai athumna khalāng thāda yonga.

KHALATLUI 28:49

Nathumna atui-arā makashā, okathui akhangalatwui eina yur akha Prohona khuirāda nathumli ngarar ngasakra; khalāngwui khayong kathāk thāda rāra.