CHAPCHĀT 4:17 - Kathara Bible (BSI)

¹⁷ Aremali ngachonmi khavai yangpamshonda ithumwui mik ngazanhaira; ithumna yangkapamli mangachonmikharar yur akhali yangpama.

CHAPCHĀT 4:17 Iomraidhean Croise

2 WUNGNAOBING 24:7

Egypt awungana awui ngaleiwui eina maraluithuwa; kaja Egypt awungawui ngasa kasā Egyptkong eina thuida Euphrateskong vākashung lam saikora Babylon awungana khuithuiserhaowa.

ISAIAH 20:5

Chitharan athumwui kachihāna Ethiopia eina athumna langkaso Egyptwui vang eina athum ning suitāhaora.

ISAIAH 28:18

Chitharan katheli tuingashit sākahai chi makānāmara; kazeiramli ngasoda mayā khangarok chi manganingrarmara; hāngkhavai makhalei rekakharek kharā tharan nali ngaphittāhaora.

JEREMIAH 2:18

Nathum Egyptli khavāwui tongkazā khi lei, Nilewui tara̱ amang khavaila? Assyriali khavāwui tongkazā khi lei, Euphrateswui tara̱ amang khavaila?

JEREMIAH 2:36

Nawui apong ngacheilaga nana kayākha paida zatnganaoli! Assyriana nali maishi khangasak thāda, nali Egyptna maishi ngasakra.

JEREMIAH 2:37

Hiwui einala nathum pāng kuitungli parda nathum zatthuihaora, kaja, nathumna ning horkasangabing chili, Prohona mamayāmana. kala athumwui eina nathum mamataisangmara.”

JEREMIAH 8:20

“Mahā kānthuihaira, lumkachāng peihaira; kha ithumli mahuimithura!”

CHAPCHĀT 1:19

“Iwui leikashebingli ina ngakaowa, kha athumna ili minamhaowa, iwui pāngmonbing kala khararnaobingla pangshap samphang khavai kashakazā phāzatlakha, keinunglungli shimānhaowa.

CHAPCHĀT 1:7

Kakhanang ringkashi atamli achālakha awui aman kasak otyur chi Jerusalemna phaningunga. Awui mibingna yangkashebingwui pāngli tākazang tharan, kala ali ngachonmi khavai khipākha maleikasā tharan, yangkashebingna zeikharuida awui kongkhaluili mana̱rora.

CHAPCHĀT 5:6

Zāshap samphang khavai Egyptli kala Assyriali ithumwui pāngli mihaira.

EZEKIEL 29:16

Kala Israelwui shimkhurna, rida athumli ngasoda morei kasāsā chi phaningunglaga athumli machihānluimara. Chieina I Prohona da athumna theikhuira.”