CHAPCHĀT 4:13 - Kathara Bible (BSI)

¹³ Awui alungli khangarongwui ashee tākhangasaka marānbingwui morei, pāngmonbingwui khayonkhamāngwui vangna.

CHAPCHĀT 4:13 Iomraidhean Croise

JEREMIAH 14:14

Chieina Prohona ili hānga, “Marānbingna iwui ming singlaga kapikta marānphāphā kajina. Athumli ina machihomana, athumli kakasola makasomana, kahāngla mahāngmana. Athumna kakapika khamahā, masā khavai khanong, kala athum khalattawui ningli phaningphāphā kaji tui kahāngna.

JEREMIAH 2:20

“Kaja nathumna nathumwui langkon sāshatta, nar kahaiwui eina shok kahai atam kasāngkhahaira; kala nathumna, ‘I otram mangatha̱luimara’ da hānga. Mha, kaphung kajuitung kachiva̱li, khamatek thingrongphei kachiva̱li khayorva̱ thāda khoruma.

JEREMIAH 2:30

Nanao ngarāli aremali ina shaowa, athumna mashungkakhui malei; kazingkha̱ sākashi thāda, nathum khalattawui raighaina nathumwui marnbingli mayuisanga.

JEREMIAH 5:31

marānbingna yonda marānmi, kala pāngmonbingna athum ningsasak eina munga; laga iwui mibingna chi ningchangmeihao! Kha khanaowa kharā tharan nathum khisara̱?”

JEREMIAH 6:13

Kaja teomeithui kaje eina thuida reimeithui kaje eina tangda athumna makhamashunga tongzā khavai kāramsera; marān eina thuida pāngmon kāshungda, mamashungla sai.

CHAPCHĀT 2:14

Kaja nawui marānbingna nawui vang khangui, kala kakapik mahāmi; nawui shimlui hanshok khavai athumna nawui khayonkhamāng machitheimana, kha nawui vang khamarān tui chi kachipat kala thānkhanguina.

EZEKIEL 11:6

Kala keinung hiwui alungli nathumna shaokathat mataisang ngasaka, kala chiwui chānreili minguna chipema.

EZEKIEL 22:25

Awui wungnaobinga, kazingkha̱na nirmamānda sā kashai thāda, athumwui mibingwui manglā shaimihaira; athumna aman kasasaka otla lanla ngapaikhuihaira; athumna kachungkhali ra̱mei ngasakhaira.

MATTHEW 23:31

Chithada sāda nathum marānbingli sākathata mibingwui naongarāna kaji hi nathum khalatta kahāng china shākhi khamina.

OTSAK 7:52

Navā wongarāna marekakharek marān khaleisāla? Khamashunga rao rāki kajiwui tui hāngkhame Varewui paophungabinglila athumna sāthata. Khamashunga rao chili nathumna yansaida shaothathaira.