CHAPCHĀT 4:11 - Kathara Bible (BSI)

¹¹ Prohona awui malungkhavāt kāshunglak eina sāda, Zionli mei sa̱katā china shimphungabingla chuitup tāhaowa.

CHAPCHĀT 4:11 Iomraidhean Croise

ISAIAH 51:20

Nawui mibing vānhaira, seichui khalenli khaman thāda athum shongfa ngapāk kajida pisanga; athum Prohowui malungkhavāt, nathumwui Varewui kakharar china pemtinghaira.

JEREMIAH 13:14

Kala ina athum akha eina akha ngashao ngasakra, avāva̱ ngarā eina anaomayarabing ngashao ngasakra da Prohona hānga. Ina athumli sākashimān tharan athumli kashākla mashākmimara, lukhamashanla malumashanmimara.”

JEREMIAH 17:27

Kha nathumna sabbath tharda mayon khavai iwui tui manganaakha, kala Jerusalemwui ngaveili sabbaththang ot kharit phungzangakha, ina ngaveili mei thotlaga Jerusalemwui konung saikora chuitā ngasakra kala sāshimitlala makhuimara.’”

JEREMIAH 21:14

Nathumwui kasā athei athishurda, ina nathumli tandi mira da Prohona hānga; awui ngahongli ina mei thotra, kala china kuikhamareili khalalei saikora chuitāserhaora.”

JEREMIAH 36:7

Mi kachiva̱na awui makaphā apongwui eina latungda athumna kapo Prohowui mangāli vāshunglapai, kaja mibingli Prohowui malungkhavāt hakmahālaka.”

JEREMIAH 7:20

Chiwui vang eina Proho VAREna hithāda hānga: Yanglu, iwui malungkhavāt kala malungkathui apam hiwuitungli milila, sālila, luiwui thinglila, ngaleiwui theishirailila heirorra, china chuida khamit mavaimara.”

CHAPCHĀT 2:1

Malungkhavātwui alungli Prohona Zionwui naongalāva̱li muiyāzingli kathāda haihaokhala! Ana Kazingramwui eina okathuili Israelwui tekhamatei hortāhaira; awui malungkhavāt atamli awui pheinai eina tangda maphaningungmana.

CHAPCHĀT 2:17

Prohona kharin chi sākachanghaira, ana ngarān kahai chi sāhaira, mangapatma achā hāngkahai thāda, ana lukhamashan maleila sakhayāngmihaira; ana yangkashibingli nawuitungli mathān ngasaka, kala nawui yangkashewui pangshapli masot mingasaka.

CHAPCHĀT 2:3

Malungvātsir eina Israelwui pangshap saikora sātekmihaira; yangkashebingwui miktāli awui yāpang khuithuihaowa; meiwon thāda Jacobwui kuikhamareili khalei saikora ana thottāhaowa.

CHAPCHĀT 2:4

Yangkashe thāda malā ana hunhaira, yangkashe thāda yapāng khānga; kala Zion naongalāva̱wui kachonshimlungli ana ithumwui mikna yangkhangai saikora sāthatserhaira; awui malungkhavāt chi mei thāda heitāhaira.

CHAPCHĀT 2:8

Zionwui naongalāva̱wui phākho shimān ngasak khavai Prohona machukhaira; ana chiwui leirin khānhaira; shimān khangasakwui eina apāng makhāmmana; ana raipan eina phākholi chapngachā ngasakta athum khanang ngaruma.

CHAPCHĀT 4:22

O Zionwui naongalāva̱, nawui khayonkhamāngwui vang kashong khalāng kuphaira, ana nali maraithāluimara; kha O Edomwui naongalāva̱, nawui khayonkhamāngwui vang kashong lāngra, nawui morei ana phongshokmira.

EZEKIEL 22:31

Chiwui vang ina iwui malungkhavāt athumwuitungli heirorhaira. Iwui malungkhavātwui mei eina ina athumli yumngasakhaira, athumwui otsak athumwuitungli tāra da Proho VAREna hānga.”

EZEKIEL 36:18

Chiwui vang eina athumna ngaleili ashee tākhangasakwui vang kala athum khalatta sākhamāng khavai kasā meoma̱wui vang ina iwui malungkhavāt tāror ngasaka.

EZEKIEL 6:12

Katāli khaleia a china kazātkashi eina thira, kala nganaida kapama a china raighai eina thira; kala mathila taihaikasābing china chāmrei eina thira. Chithāda ina iwui malungkhavāt athumwuitungli chishotta kupra.

DANIEL 9:12

Ithumli kala ithumli khamungbingwuitungli makhamayā hāngkahai hakkhamahā kalāshāt chi ungshung ngasakhaira; kaja okathuili mashoklakrang kaje Jerusalemwuitungli shokhaira.

PĀNGMONSHI 26:28

ila malungvātta nathumwui eina kharāda zatra, kala nathumwui morei chili shini shida hāngmachinra.

ZEPHANIAH 2:2

phanthui kahai māhik thāda nathumli makashamranglakha, Prohowui sākashi malungkhavāt chi nathumwuitungli matāranglakha Prohowui malungkathuiwui zimiksho nathumwuitungli matāranglakha.

ZECHARIAH 1:6

Kha iwui rao marānbingli ina kakaso iwui tui kala iwui shiyan china navāngarāli mayuimala? Chieina athumna ningngateida hānga, ithumwui shongfa kala ithumwui saki kaji chiwui vang saikorawui Prohona ngarān kahai thāda, chi tākam eina ungshung ngasaka.’”

LUKE 21:22

Kaja kathara lairikli kapi kahai tui chi ungshung khavai athut kakhui atamna.