CHAPCHĀT 3:8 - Kathara Bible (BSI)

⁸ Ngachonmi khavai ina ngakaolala, iwui seihā kasā ana makhuisangmimana;

CHAPCHĀT 3:8 Iomraidhean Croise

JOBWUI LAIRIK 19:7

Yanglu, ina ‘khangashao!’ da vaoshoka kha ili mangahānkāmimana; ina pangda vaowa, kha chili mashun bichar sākhami maleimimana.

JOBWUI LAIRIK 30:20

Ina nali ngakaowa kha nana mangahānkāmimana; ina nganingkālala matheimimana.

LAA 22:2

O iwui Vare, ina ngashun ngakaowa, kha nana mangahānkāmimana, ngayā jiakha khangasām masamphangmana.

LAA 80:4

O Proho ashangva̱wui Varivara, nawui mibingwui seihā kasāli karankha malungvātfarakhala?

CHAPCHĀT 3:43

“Nana malungkhavāt eina shaksāda, ithumli kharomkhuida lukhamashan maleila shaothata;

CHAPCHĀT 3:44

nana muiyā eina shaksāda ithumwui seihā kasā makāshung khavai sai.

HABAKKUK 1:2

O Proho, ngachonmi khavai ina karankha sāngda polaga, nana mashāmimarakhala? “Khangashao” da nali vaolaga nana mahuimimarakhala?

MATTHEW 27:46

kala pung kachikomaikhali Jishuna panglāk eina vaoda hānga, “Eli, Eli, lama sabachthani” kaja “Iwui Vare, iwui Vare, nana ili khisāda horhaokhala?”

LUKE 11:10

Kaja kapo mi kachiva̱li mira, kaphā mi kachiva̱na samphangra kala kashao mi chili shomira.