CHAPCHĀT 3:64 - Kathara Bible (BSI)

⁶⁴ “O Proho, athumna kasāwui athishurda tandi khamilu.

CHAPCHĀT 3:64 Iomraidhean Croise

LAA 28:4

Athumwui otsak thāda makaphā chiwui athishurda, athut hāngsangmilu; athumwui pāng eina kasā athishurda, athumwui sāman milu.

JEREMIAH 11:20

Kha “O saikorawui Proho, miwui ning eina wuklung tamkhayang kala mashun eina bichar sakhame, athumwuitungli nawui angathut hāngkasang ili kathei ngasakmilu, kaja ina iwui ngalang nali mikahaina.”

JEREMIAH 15:15

“O Proho, nana katheina; ili phaningungda ngachonmilu, kala ili rekakharekbingli iwui vang athut khuimilu. Nana khāngkatheiwui alungli ili makhuithuimilu; namingwui vang ina miwui malungkhavāt samkaphangna kaji katheimilu.

JEREMIAH 50:29

“Babylonli ngasung khavai malā singkathei, malā kahun saikorali hokhuilu. Kuimareida ali rairui sālu, akhala machakshokaranu. Ana sākahai athishurda athut hāngsanglu, ana kasā thāda alila sāmilu; kaja ana Israelwui Kathara Proho chili nganura.

JEREMIAH 51:24

“Babylon kala Chaldeanaobing, athumna Zionli makaphā ot kasāsā saikora chiwui vang nathumwui miktāli ina athut khuimira da Prohona hānga.”

JEREMIAH 51:56

Kaja sākashimāna china Babylonwuitungli rāhaira; awui rai kapingabingli khuithuihaira, awui malāthing akha̱ sāda sātekmiserhaira; kaja, Proho hi hankhamiya Varena, ana kachangkhatta hanmiluira.

JEREMIAH 51:6

“Babylonwui eina yāmulu, mi kachiva̱ ichichāwui manglā huikhuiranu! Ali tandi khamilungli mazangrumalu, kaja Prohowui athut hāngkasang atamna, ali mikhangayi tandi khami tharan.

2 TIMOTHY 4:14

Mari kasā Alexanderna ili zakshilāk eina sai. Awui otsak chiwui vang Prohona sāman miranu.

PHONGKHAMI 18:6

Ana sākahai tākam eina alila sāmilu, ana sākahai chili khumkha mataida runkālu, ana khamanāta tengkotli khumkha mataida chipemmilu.

PHONGKHAMI 6:10

Athumna panglāk eina vaowa: “O Proho, kathara, khamashunga, okathuili khalei mibingna ithumli shaokathatwui bichar kala tandi miki kaji atam chi leifala?”