CHAPCHĀT 3:58 - Kathara Bible (BSI)

⁵⁸ “O Proho, nana iwui angalang theimi, nana imirin ngatangmihaira.

CHAPCHĀT 3:58 Iomraidhean Croise

HAOKAPHOK 48:16

Ili makaphā saikorawui eina ngatangkhame, kazingrao china nao khanili somilu; kala aniwuitungli iwui, kala ishāvā ngarā Abraham, Isaacwui ming leichingranu; kala okathuili mataisangda, kachungkha ngasāranu.”

JOBWUI LAIRIK 35:14

Chithākha, nana ali namik eina matheimana da hāngda leilaga nali kayakha suitāda nganāmira, kaja tuingaphun chi awui pāngli lei, kala na ali ngaraida lei!

LAA 103:4

Chomwui eina namanglā ngatangkhuime, makhangachei leikashili lukhamashan eina nali ngarormi,

LAA 34:22

Prohona awui raobingwui mirin ngatangkhui; ali ngayinkakhui khipālikha kashong malāngmara.

LAA 71:23

Ina nali masotlaa kasā tharan, imorchaina khamathānwui vang ngatangkhuimi kahai imanglānala vaora.

LAA 9:5

Nana yurbingli hāngmachinhaira, makhayābingli sāshimānmihaira, katang mavaila athumwui ming nana shimitmihaira.

ISAIAH 51:22

Proho, nathumwui Proho, nathumwui Vare, awui mibingwui vang phayetkhame china hithāda hānga: “Yanglu, nathum pāngwui eina yuichachang kahaiwui khorām; iwui malungkhavātwui khoklui ina khuithuimihaira; nathum mamangluimara;

JEREMIAH 11:20

Kha “O saikorawui Proho, miwui ning eina wuklung tamkhayang kala mashun eina bichar sakhame, athumwuitungli nawui angathut hāngkasang ili kathei ngasakmilu, kaja ina iwui ngalang nali mikahaina.”

JEREMIAH 31:11

Kaja Prohona Jacobli ngatangkhuihaira, ali pangmeikhar kaji khayuia chiwui eina ana ngatangkhuihaira.

JEREMIAH 38:13

Chieina athumna Jeremiahli seipeng chieina paibungwui eina ngakhunshokhaowa. Kala Jeremiahna raikānwui yāngkhupli pamhaowa.

JEREMIAH 50:34

Athumli Ngatangkhame pangshap khaleia, saikorawui Proho hi awui mingna. Ana mashoila athumwui vang nganingmida okathuili chingrihai ngasakra, kha Babylonwui mibingli chingri mahai ngasakmara.”

JEREMIAH 51:36

Chiwui vang Prohona hithāda hānga: “Yanglu, ina nawui vang phayatmira kala athut hāngsangmira. Awui shamadru ina chithenmira kala ura̱la chithenhaora.

1 SAMUEL 25:39

Nabal thihaira kaji Davidna kashā eina, ana hānga, “Ili zeikakharuia Naballi athut hāngsangkhame, kala makaphā otsakwui eina ipāng thummi kahaia Proho chili masot chigatli! Nabalwui makaphā chi awuitungli khalatta Prohona tāngasakmihaira.” Chiwui thili Davidna Abigailli apreiva̱ sākhavai akhui ngasaka.