CHAPCHĀT 3:53 - Kathara Bible (BSI)

⁵³ chomli kharing eina horsangda iwuitungli lunggui horsanga;

CHAPCHĀT 3:53 Iomraidhean Croise

JEREMIAH 37:16

Jeremiahna tuknar khavaipamli zimiksho kasāngkha pamkahai thili,

JEREMIAH 37:20

Ara nganāmilu, O ishāmei awunga, iwui kapo hi khanganāmilu, Jonathan kapimewui shimli ili machihoungmiluilu, I chili thikachanghaipaishina.”

JEREMIAH 38:6

Chieina athumna Jeremiahli khuilaga awungawui naomayara Malchiahwui paibung mayon khavai yāngkhupli khalei chili horsanghaowa, paibung chili Jeremiahli seipeng eina hoklaga chihosanghaowa. Paibungli tara̱ mazangsāmana, kha leivatmāng leisai, kala Jeremiah leivatlungli ngaphumhaowa.

JEREMIAH 38:9

“Ishamei awunga, mibingna Jeremiah marānli paibungli horsang kahai hi maphāmeikap kaji ot akhana; a chili kathai eina thihaora, kaja keinungli kashakazāla maleilakthura.”

DANIEL 6:17

Chiwui thili akhur chi lungriham akha eina shungphinhaida awungana shoi khutop eina mahor namphina, khikha mangachei khavai wungnaobingwui shoi khutop eina mahor namshānsera.

DANIEL 6:18

Awungana awui dolanli latungda kakhum eina ungpiya; wukkakhanangwui ningkharākna ngayā mapivālakmana.

JONAH 2:1

Chieina Jonahna awui Proho Vareli khaihwukwui eina seihā sāda hānga.

MATTHEW 27:60

kala ana akhalattawui vang lunghārli kashophutlaga ngarān kahai kadhara chikhur chili Jishuwui angun chi chizanhaowa. Chiwui thili ana chikhurwui khamongli lungriham kahaka akha eina shingkhamhailaga zathaowa.

MATTHEW 27:66

Chieina athumna vāda chikhur chiwui lungguitungli mahor namda shantrila hai.