CHAPCHĀT 3:37 - Kathara Bible (BSI)

³⁷ Prohowui sākahai maningla khipāna ngateida sāshapkhala?

CHAPCHĀT 3:37 Iomraidhean Croise

2 SAMUEL 16:10

Kha awungana, “Zeruiahwui naomayarabing iwui pongli khi hāngsang khavai leikhala? Prohona, ‘Davidli khonshilu’ da hāngakha, ‘Khisāda khonshikhala?’ da khipa hāngpaira?”

1 WUNGNAOBING 22:34

Kha mi akhana malāthing kapphāphā kaji eina Israel awungawui chāngvei eina thikom ngachaili zanghaowa; chieina awui siguigari kathaowa chili, “Ili za̱haira, ngareikhuilaga raipamwui eina ili phungunghaolu.” da kasoi.

2 WUNGNAOBING 6:33

Ana athumli hāngmahungda leilakha awungana rāhānga, “Kachotkachāng hi Prohowui einasera, ina ali khi chihamlui khavai leikhala?”

JOBWUI LAIRIK 10:13

Chithālala hibing hi nawui ningli ngathumhai, hi nawui sākhangaina da ina thei.

JOBWUI LAIRIK 2:10

Kha ana apreiva̱li hānga, “Nala mangkhama̱ sha̱nao akha thāda matuili. Ithumna Varewui eina khamathāva samphanglaga makaphāva masamphangsila?” Saikora hilila Jobna amorchai eina morei masāmana.

SHONGZĀ 10:10

Chieina ana anili hānga, “Ina nathumli kala nathumwui ayaonaosan eina tangda nathumli ngasovā ngasakakha Prohona ngasomiranu! Nathumwui ningli makaphā akha lei.

CHĀNSAM 16:9

Miwui ningna awui apong ngarāna, kha Prohona awui pheikār chiza̱mi.

CHĀNSAM 19:21

Miwui ningli khangarān kachungkha lei, kha sākashok chi Prohowui ning eina vaira.

CHĀNSAM 21:30

Thangkhamei, theishingkakhui, hāngkachithei, Prohona mamayākha masamphangrarmana.

ISAIAH 46:10

haokaphokwui eina akatang, kala achālakha atamwui eina thuida mashokrang kaji otbing lānmida hānga, ‘Iwui hāngkachithei leichingra, kala iwui kharin saikora ungshung ngasakra,’

JEREMIAH 23:32

Yanglu, kakapika mang khamarānbingli ina mamayāmana da Prohona hānga, ina kasoda makachiho athumna iwui mibingli athumwui kakapik-kakhayāng eina thankhanguia athumli ina mamayālakmara” da Prohona hānga.

DANIEL 4:35

okathuiwui mi awui mangāli khikha maningmana; kazinglila okathuilila awui kaphaning athishurda sai; khipānakha mangakaishirarmana, Khi kasākhala? da khipākha mangahānrarmana.

ROMNAO 9:15

Kaja ana Mosesli hānga, “Ina lumashankhangai chili lumashanra, leishikhangai chili leishira.”

EPHESIANAO 1:11

Ot saikora Varewui khangarān kala kaphaning athishurda kashokna, kala awui kharin haokaphokwui eina ana ngarānping kahai chili pheisin sāda ithum Khristali khangashiklungli awui mibing sākhavai Varena kapangkhui kahaina.