CHAPCHĀT 3:32 - Kathara Bible (BSI)

³² kha, ana khanang ngasaklala, awui makhavāta makhangachei leikashi chiwui athishurda ana lumashanmira;

CHAPCHĀT 3:32 Iomraidhean Croise

2 WUNGNAOBING 13:23

Kha Prohona athumli lumashanmi kala phaningmi; khikhalajila Abrahamli, Isaacli, kala Jacobli tuingashit sākahai chi phaningunglaga athumli shimān khavai masāmana, kala aja rāshungda awui eina horhaichao majimana.

LAA 103:11

Kaja kazingna okathuili juimeikharda khalei thāda, ali khangacheebingli awui makhangachei leikashi hakmahālaka;

LAA 30:5

Kaja awui malungkhavāt hunkhamānga, kala awui ngahānkhangai mithot pei. Thangngayākhawui vang chapngachālapai, kha zingthan ngasha̱da khamathān ngasorai.

LAA 78:38

Chithālala ava lumashanhaoda athumwui khayon pheomi, kala athumli masāshimānmana; kasangkharei malungkathui khāmhaiya, kala awui malungkhavāt saikora mamathuk ngasakmana.

SHONGZĀ 2:23

Atam kasāngkhawui thili Egyptwui awunga thihaowa. Kala Israelnaobingna raopamwui lungli khanangda ringkhangā khangahui, kala ngachonmi khavai khangakao chi Varewuili shākai.

SHONGZĀ 3:7

Chieina Prohona hānga, “Egyptli khalei iwui mibingwui kachotkachāng ina theihaira, kala kashinabingwui vang eina ringkhangā ina shāhaira, ina athumwui kakhanang saikora theihaira.

ISAIAH 27:8

Kateteo eina nana athumli loi thai; zingshoshongwui masi thāda, awui khangachee khaksui eina kathangthui ngasaka.

ISAIAH 54:7

Kasha̱khawui vang ina nali horhaowa, kha lumashanlāk eina ina ngakuikhuira.

JEREMIAH 31:20

Ephraim iwui leikashia naomayarala? A iwui khaluma naola? Kaja ina ali makhamayā tui hangchinglala ali ina phaningungchinga. Chiwui vang iningna ali honchinga, kachangkhatta ina ali lumashanmira da Prohona hānga.

CHAPCHĀT 3:22

Prohowui makhangachei leikashi katang mavaimana, awui lukhamashan katang mavaimana;

HOSEA 11:8

Kathāda ina nali chihohaipaira, O Ephraim! kathāda ina nali kateili horsangmipaira, O Israel! Kathāda ina nali Admah thāngasakpaira! Kathāda ina nali Zeboiimli kasā thāda sāpaira! Iningna chi mamayāmana, iwui lukhamashan mataisangmān kala nimamāna.

NAHUM 1:12

Prohona hithāda hānga, “Athum pangda kachungkhalala, athumli katathaora kala kānthuihaora. Ina nali sipsā ngasakhailala, ina nali masipsā ngasakluimara.

LUKE 15:20

Chieina ana ngakarthuida avāva̱li unga. “Kha ana katāva̱li zatta khalei chi avāva̱na kathei tharan awui wuklungli lukhamashana pemtinghaoda ngasamvālaga angavamkhuida ali maya̱ya.

WUNGVA̱-WUNGVĀ 10:16

Kala athumna yurbingwui varebing horserhaida Proholi otram ngatha̱luishita; kala Israelwui kakhanang chi ana theilaga makhāngrarthuwa.