CHAPCHĀT 3:26 - Kathara Bible (BSI)

²⁶ Prohowui huikhamili ning nganungda kahon hi phālaka.

CHAPCHĀT 3:26 Iomraidhean Croise

HAOKAPHOK 49:18

Ina nawui ngatangkhami hondalei, O Proho.

2 THOTRINCHĀN 20:17

Nathumna rai hili ngarar khavai maleimana; nathumwui pam khuida nganingpamlaga nathumwui vang Prohona yuikhami chi yanglu. O Judah eina Jerusalem! Mangachee kala mangangalu; akhama athumli vāngararlu, kala Prohona nathumli ngasomira.”

LAA 119:166

O Proho, ina nawui huikhamili chihāna, kala ina nawui ningkhami chi sai.

LAA 119:174

O Proho, nawui huikhami chili ina ngaraili; kala nawui ain iwui ringkaphāna.

LAA 130:5

Ina Proholi hona, imanglāna hona; kala awui tuili ina chihāna;

LAA 37:34

Proholi ngarailu, kala awui apongli zatlu, chithākha ana ram chi samphang khavai nali sochikatra; nana makaphaawui kashimān chi theira.

LAA 37:7

Prohowui mangāli chingrihailu, kala ali ning nganungkhun ngaraipamlu; mina awui apongli reikasang eina, makaphā arah kasābingwui vang makhanangalu!

LAA 52:9

Ina nali ningshichingra, nana sāmi kahai chiwui vang. Naming ina vaora, kaja hi kaphā otna.

LAA 54:6

Mingairareo kachigat eina ina nali pha̱phayāra; namingli ningkashi ina mira, O Proho, kaja hi kaphaana.

LAA 62:2

Amāngna iwui lunghārna kala huikhamena, iwui raipanna; I mangatha̱lakmara.

LAA 73:28

Kha iwui vanga Vareli khanganai phāshuna, Proho VAREli iwui ngayin khavai sāhaira, chiya ina nawui otsak saikorawui pongli hāngra.

LAA 92:1

Proholi ningkashi khami kaphāna, namingli masotlaa kasā, O Juikhamataia;

SHONGZĀ 14:13

Kha Mosesna mibingli hānga, “Mangacheealu, nganingshinglu, laga aja Prohona nathumli kanmiki kaji chi yanglu; kaja aja nathumna kathei Egyptnaobing hi nathum matheiluilakmara.

SHONGZĀ 14:14

Prohona nathumwui vang ngararmira, nathum kasaikha pammalu.”

ISAIAH 30:15

Kaja Israelwui Katharapa, Proho VAREna hithāda hānga, “Latungda khangasāma nathumli huimira; va̱ri kahai kala shitkasang chi nathumwui yāng ngasāra”.

ISAIAH 30:7

Kaja Egyptwui khangachon che aman makhavai khamasaina; chiwui vang ina ali “Makhangatha̱va̱ Rahab” hoi.

ISAIAH 7:4

kala ali hānglu, kahāng nganālu, kasaikha pamlu, mangacheealu, kala Rezinwui, Syriawui kala Remaliah naomayarawui malungkhavāt, meira̱hun kachui khani chiwui vang ning mashimānhaialu.

JEREMIAH 14:22

Yurbingwui makhamashunga varebingwui ngachaili kazing romishapa khipā lei? Lha kazingramna zingrot romishapla? A chi na maningmalā, O Proho ithumwui Vare? Ithumna nali chihāna, kaja ot saikora hi nana sai.

CHAPCHĀT 3:27

Nganuilakha mi akhana kharit otphun kaphung awui vang phālaka.

HABAKKUK 2:3

Arui eina tangda mahākhami chiwui atam ngaraichingdalei; atam chi thākta rāra—makapikmara. makahatlakla rāra, mahuinganong mara.

GALATIANAO 4:18

Kharin chi mathada leiakha hikathā ngahānkhangai hi phālaka— ina nathumli ngasopamda leilakhawui atammāngli maningla kha atam kachida hi mashungchinga.

HEBREWNAO 10:35

Chiwui vang eina nathumwui ning khanganung masuitāhaialu, khamataia sāman samphangra.

HEBREWNAO 3:14

Kharewui eina ithumna shitkasang khalei chi khangachang eina tangda singtitakha ithum Khristawui otsakrumasera.

1 PETER 1:13

Chiwui vang eina nathumwui ning ngazipmeilu. Ningkhariklu kala sokhami chiwui vang nathumwui kachihān leichingda Jishu Khristali theithang nathumli sokhami mira.