CHAPCHĀT 3:25 - Kathara Bible (BSI)

²⁵ Proholi khangaraibing, ali kaphā manglābingwui vang a hi phālaka.

CHAPCHĀT 3:25 Iomraidhean Croise

HAOKAPHOK 49:18

Ina nawui ngatangkhami hondalei, O Proho.

1 THOTRINCHĀN 28:9

“Inaomayara Solomon, navāwui Vare chili theilu, kala ningtongda kala sangairereo ningtongda otram ngatha̱lu, kaja Prohona wuklung saikora theisera, kala kaphaning khangarān kachiva̱ theishapa. Nana ali phaakha, nana ali samphangra; kha nana malaihaiakha katang mavaila katāvali horhaora.

2 THOTRINCHĀN 15:2

ana Asali angaroklaga hānga, “Ili nganālu, Asa, kala Judah eina Benjaminshila: Nathumna Proholi ngasolakha eina tangda anala nathumli ngasomira. Nathumna ali phaakha ali samphangra; kha nathumna ali malaihaiakha anala nathumli malaihaora.

2 THOTRINCHĀN 19:3

Chithālala nawuili kaphā leidalei, kaja nana Asherahbing chi sākhayāngmiserhaida nawui wuklungna Vareli phai.”

2 THOTRINCHĀN 30:19

kathara shimwui ain athishurda mangaranglala avāva̱ ngarāwui Proho Vareli kaphā mi kachiva̱li pheomiranu.”

2 THOTRINCHĀN 31:21

Varewui shimli otram khangatha̱ ain eina ningkhami athishurda khamayon, Vareli kaphā, saikora hi ana wuklung tongda kasāwui vang mataisanga.

EZRA 8:22

Kaja yangkashebingwui eina ithumli ngakuimi khavai awungali shipai, kala sigui katonga raimi milu da kapo vaishihaowa. Kaja “Ali kapha mili Varena kaphā sāmi kala ali makhangavapa mili awui malung kakangwui pangshap chi lei” da awungali hanghaira̱sai.

LAA 105:3

Awui katharamingli tekmateiranu, Proholi kaphābingwui ning mathānranu!

LAA 119:2

Awui ningkhamili kashurabing; ali ningtongda kaphābing sokhamina,

LAA 22:26

Chotchāng kahaibingna zāda thora; ali kaphābingna Proholi sochikatra! Nathumwui ning katang mavaila ringranu!

LAA 25:8

Kaphā kala mashungrik kahai chi Prohona, chiwui vang eina morei kaphungbingli ana apong chi tamchitheimi.

LAA 27:14

Proholi ngarailu; kaping eina ngasoda malung zanglu; mah Proholi ngarailu!

LAA 27:8

“Ili phalu” da nana hānga. Iningna, “Proho, ina phali” da nali hānga.

LAA 37:34

Proholi ngarailu, kala awui apongli zatlu, chithākha ana ram chi samphang khavai nali sochikatra; nana makaphaawui kashimān chi theira.

LAA 37:7

Prohowui mangāli chingrihailu, kala ali ning nganungkhun ngaraipamlu; mina awui apongli reikasang eina, makaphā arah kasābingwui vang makhanangalu!

LAA 39:7

Ara Proho, ina khili khangaraikhala? Iwui kachihān nawuili lei.

LAA 61:1

O Varivara, iwui khavao shāmilu, iwui seihā kasā nganāmilu;

LAA 61:5

Kaja O Vare, nana iwui khangashitbing shāhaira, namingli khangachee athumwui shimlui nana ili mihaira.

LAA 69:32

Rekkakharek samkaphanga china theida mathānranu; Vareli kaphā nathum, nathumwui wuklung china ning mathukranu.

LAA 71:14

Kha ina katang mavaila chihānchingra, kala nali chungmeikhangai chungmeida sochikatra.

ISAIAH 25:9

Chithanghon hithāda hāngra, “Yanglu, hi ithumwui Varena; ana ithumli kanmirada ithumna ali ngarai. Hi ithumna khangarai Prohochina; ithumna awui huikhamili ringphāsa kala mathānsa.”

ISAIAH 26:9

Imanglāna nali ngayā phai; kaja okathuili nawui bichar theilaga apuk-apagawui mibingna nawui khangarong theikhui.

ISAIAH 30:18

Chiwui vang eina Prohona nathumli lumashanmi khavai ngaraida lei; chiwui vang eina lukhamashan chithei khavai akhalatta khāngchikata. Kaja Vare hiya mashunwui Varena; ali khangaraibing kalā mahai.

ISAIAH 40:31

Kha Proholi kachihānabingna, pangshap samphangluira; athumna khalang thāda angachāng eina yongkāra, athumna yonglala makhanangmara, athumna zatlala mavānlak mara.

ISAIAH 55:6

Samphangpailakha Proholi phālu, nganailakha ali ngakaolu;

ISAIAH 64:4

Achalakha eina thuida, khipākha khanā einala mashālakmana, na maningla mik eina Vare khangatei matheiranga; ali ngaraida khalei athumli otram khangatha̱bing.

CHAPCHĀT 3:26

Prohowui huikhamili ning nganungda kahon hi phālaka.

HOSEA 10:12

Nathum khalattawui vang khamashung khangarong yaolu, makhangachei leikashi athei chi hātkhuilu; rampho kahai ngalei chi marākkhuilu, kaja hi Proholi phākazat atamna, chieina ana rāda huikhami chi nathumwuitungli rotāmira.

ZEPHANIAH 3:8

“Chiwui vang eina ili ngarailu, ina shākhi akha sāda nganingkāthang zimiksho chi” da Prohona hānga, Kaja iwui tuitakva yurbing kazipkhuiki kajina, wungrambing kharupkhuiki kajina, iwui ningyāng makhaungwui mei thāda kasā, iwui malungkhavāt katonga athumwuitungli heiror khavaina; kaja iwui yuikashe malungvāt alungli okathui hupta shimānra.

1 THESSALONICANAO 1:10

Ithumli rāki kaji malungkhavāt chiwui eina kanshokkhame, kathiwui eina Varena ringkhangasaka Anaomayara Jishuwui pongli athumna ngazeksera.

JAMES 5:7

Ivānaongarā, Prohona marāranglakha eina tangda khāngtheilu. Lui khavā mina ngaleiwui heithei samphang khavai zur, kān mateila zingrotra̱ ngaraipama.