CHAPCHĀT 3:2 - Kathara Bible (BSI)

² kahor makhaleipam, tangkhamangli kashamvāda ili chizata.

CHAPCHĀT 3:2 Iomraidhean Croise

JOBWUI LAIRIK 18:18

Kahorwui eina tangkhamangli hersangda, ali apuk-apagwui eina kashamhaowa.

JOBWUI LAIRIK 30:26

Kha ina kaphā phākazat tharan makaphā rai; kala ina kahor honakha tangkhamang rai.

ISAIAH 59:9

Chiwui vang mashun ithumwui eina katāva̱li lei, khangarongna ithumli marāshungthuwa; ithumna kahorwui vang ngashāna, kha tangkhamang thei; kahānwui vang yangakha ngamiting kahaili zata.

JEREMIAH 13:16

Nathumwui Proho Vareli sochikatlu; ana tangkhamang makhuirāranglakha, māmāchākahai phungreibingli phei mangaphokranglakha; nathumna kahor phāzatlakha ana chi tangmang ngasakra kala tangmangting ngasakhaora.

JEREMIAH 4:23

Ina okathuili yanga, kala yanglu, amei amā maleimana; kazingramla kahor maleimana.

CHAPCHĀT 2:1

Malungkhavātwui alungli Prohona Zionwui naongalāva̱li muiyāzingli kathāda haihaokhala! Ana Kazingramwui eina okathuili Israelwui tekhamatei hortāhaira; awui malungkhavāt atamli awui pheinai eina tangda maphaningungmana.

KHALATLUI 28:29

kala khangapeo mina tangkhamangli kachupkazat thāda, ngashunshong nathumla kachupzatra; kala nathumwui ot saikorali nathum mataikasang masamphangmara, kha nathumwui eina ngapaikhuida rekharekchingra, kala chili nathumli ngachonmi khavai mi khipākha maleisāmara.

JUDE 1:13

Athuma shamadruwui sākashe ra̱ngaphao thada athumwui khayākhamala otsak chi amalao kashok thada phongshoka. Athum hi sirāpai kathāna, athumwui vang Varena makashimān tangkhamang chi ngarānmihaida lei.

JUDE 1:6

Kazingraobingna athumwui pangshap chi shichinnguihaida athumwui pam chiho kahaiwui vang, khanaowa zimiksho chi marāranglakha eina tangda Varena katang makhavai marikhānghui eina khalaplaga tangkhamangli haira, chi phaningung ngasakngai.