CHAPCHĀT 2:7 - Kathara Bible (BSI)

⁷ Prohona awui hanphutpamli yangkharinghaira, kala katharapam nothāhaira; awui konungwui phākhobing yangkashibingli horsangmihaira; Prohowui shimli langchin kahai phanit kasā thāda athumna maphākakhuikhon vaowa.

CHAPCHĀT 2:7 Iomraidhean Croise

2 WUNGNAOBING 25:9

Kala Prohowui shim, awungawui shim, kala Jerusalemli khalei shim kahahak kachiva̱ mei thottāmiserhaowa.

2 THOTRINCHĀN 36:19

Kala athumna Varewui shimla mei sa̱tāmihaowa, Jerusalemwui phākhola shaokhaimiserhaowa; kala konungla mei sa̱tāmihaida aman kasasaka khorkhong chuitāserhaowa.

LAA 89:39

Naraoli tuingashit kasā chi nana makhuimithura; nana awui wungkuihon chifali sākhamāng ngasaka.

ISAIAH 64:9

O Proho, malungvātshun kahai masāmialu, kala khayonkhamāng phaningching majimialu. Yanglu, machukmilu, ithum nawui misera.

JEREMIAH 21:4

“Israelwui Proho Varena hithāda hānga: ‘Zedekiahli nathumna hithāda unghānglu: Yanglu, nathumna Babylon awungali, kala nathumwui phākho ayar rākuinam kahaia Chaldeanaobingli ngarar khavai nathumwui pāngli singda khalei zeighai chi ina masho-ngacheimihaora; kala athumli ina kazemkhuida nathumwui keinung alungli rākazip ngasakra.

JEREMIAH 26:18

“Moreshethwui Micahna Judahwui awunga Hezekiahwui atamli Judah mi saikorali marānmi: ‘Saikorawui Prohona hānga, Zionli seiot kakhui thāda khuira, Jerusalem ngayānghaida khorkazam kahai ngasāra, Khorumshim sāhaida khalei phungrei hi ngahong ngasāhaora.’

JEREMIAH 26:6

chieina shimkhur hi Shilohli kasā thāda sāmira, kala okathuili khalei saikorawui mangāli keinung hi khonkashi sāngasakra.”

JEREMIAH 32:29

Ngararda khalei Chaldeanaobingna keinung hili rāda ili malungvāt khavai, Baalwui vang athumwui shimtungli nganamkaphā otyur rikkatā, vare khangateili ra̱shakchigat heishokta kapha̱ shim saikora mei sa̱da chui ngasakhaora.

JEREMIAH 39:8

Chaldeanaobingna awungawui shim kala mibingwui shim mei thottāmiserhaowa, Jerusalemwui phākhola pheimiserhaowa.

JEREMIAH 4:26

Ina yanga, kala yanglu, ngalei katuma lam saikora siwuk ngasāsai; kala chiwui keinung saikorala Prohowui malungkhavātwui mangāli sākathānserhairasai.

JEREMIAH 4:27

Kaja Prohona hithāda hānga, “Ngalei katonga ngachakyānghaora, chithālala ina chi matangchao ngasakmara.

JEREMIAH 50:28

Nganālu! ithumwui Proho Varena awui Khorumshimwui vang athut khuikhavai kasā hi Zionli phongkhavai athumna Babylonwui eina yāmhaira.

JEREMIAH 52:13

Ana Prohowui shim thottāmihaowa, awungawui shimla, kala Jerusalemwui shim saikora; shim kahahak kachiva̱ ana thottāmiserhaowa.

CHAPCHĀT 1:4

Zionli vākhavai shongfa sifaya, kaja langchin sākahai phanitli khipākha marāmana; awui ngavei saikora ngachakyānghaira, awui pāngmonbingna sifaya; anao ngalāva̱bingli shimenthuihaira akhalattala khanang kachangkhathaira.

CHAPCHĀT 2:1

Malungkhavātwui alungli Prohona Zionwui naongalāva̱li muiyāzingli kathāda haihaokhala! Ana Kazingramwui eina okathuili Israelwui tekhamatei hortāhaira; awui malungkhavāt atamli awui pheinai eina tangda maphaningungmana.

CHAPCHĀT 2:5

Yangkashe thāda Prohona, Israelli sākazamhaira. Ana konung saikora sākazammihaira, raipanbing sākathānmihaira. Judah naongalāva̱wui sikafa, chapchāt mataisang ngasaka.

EZEKIEL 24:21

Israel shimkhurli ahānglu: Proho VAREna hithāda hānga: Yanglu, nathumwui lāngso khavai pangshap, mikwui khangayam kala nathumwui manglāna kakahao iwui kathara shim chi ina makhao ngasakta, nanao ngarā sha̱naola mayarnaola nothā kahaibing chi raighai eina chithitra.

EZEKIEL 7:24

Yurbingwui ngachaili zakshimeikap kaje yurbingli athumwui shim khuikhavai ina khuirāra; athumwui langkaso pangshap chi ina ngachang ngasakhaora kala katharapam chi sāmakhaomi ngasakra.

PĀNGMONSHI 26:31

Kala nathumwui keinung sakathānhaida, kala katharapam ngachakyanghai ngasakta, nathumwui ningyāngkhaung nganamkaphā chi manganamluimara.

PĀNGMONSHI 26:44

Chithālala athumna yangkashibingwui ngaleili leilakha ina mahorhaimara, shimānchao khavai maningkachaimara kala iwui tuingashit makai khavai kachinla machinmara; kaja I Proho athumwui Varena.

AMOS 2:5

Chieina Judahli ina mei chihotāra, kala china Jerusalemwui raipan chuitup tāmira.”

MICAH 3:12

Chiwui vang eina, nathumwui vang eina Zionli lui kasao thāda saora; Jerusalem katek-kakai khorkahai thāra, kala khorumshimwui kaphung chila ngahong kashā ngasāhaora.

MATTHEW 24:2

Kha Jishuna athumli ngahānkai, “Nathumna saikora hi katheina, maningmala? Ina kachangkhat nathumli kahāngna, mahorkathānhaila ngalung akhawuitungli ngalung akha leiki kaji akhala maleimara.”