CHAPCHĀT 2:4 - Kathara Bible (BSI)

⁴ Yangkashe thāda malā ana hunhaira, yangkashe thāda yapāng khānga; kala Zion naongalāva̱wui kachonshimlungli ana ithumwui mikna yangkhangai saikora sāthatserhaira; awui malungkhavāt chi mei thāda heitāhaira.

CHAPCHĀT 2:4 Iomraidhean Croise

2 THOTRINCHĀN 34:21

“Vada, iwui vang kala Judah eina Israelli leida khalei saikorawui vang samkaphang lairik hiwui hāngkahaiwui pongli angahānkhuilu; kaja lairik hili kapi kahai athishurda, ishāvā ngarāna makhamayonwui vang ithumwuitungli Prohowui malungkhavāt hakmahālakhaira.”

2 THOTRINCHĀN 34:25

Kaja athumna ili horhaida yur khangateiwui vareli nganamkaphā riktai; athumwui otsak saikora china ili malungvāt khangasak chiwui vang iwui malungkhavāt apam hili heitāda chi khavān mavaimara.

JOBWUI LAIRIK 19:11

Awui malungkhavāt iwuitungli tāshungda awui yangkashe akha thāda shānkhui.

JOBWUI LAIRIK 6:4

Kaja Pangshapawui malāthingbing ili ngathānda lei, chibingwui kathiri imanglāna manga; Varewui sāshat china ili rānmithaira.

LAA 37:14

Makaphaana raighai sutkhui kala malā huna, kachāmkhangaibingli khuitā khavai, ngarongrik eina kazatbingli sāthat khavai;

LAA 7:13

Khangachee-khangachām khutlai ana ngaranpinghaira, kala malāthingli meiri sanghaira.

ISAIAH 42:25

Chiwui vang eina awui malungkasā kala raiwui pangshap chi awuitungli heirora. China ali kuimareida mei chuingasaka, kha ana matheikhuimana; ali chuilala ningli maza̱mana.

ISAIAH 63:10

Kha athumna ngakaishida, awui kathara Manglāli khanang ngasaka; chiwui vang a athumwui yangkashe sāthuihaowa, kala akhalatta athumli ngarara.

ISAIAH 63:6

Malungkhavātwui lungli yurbingli ina naikazamtai, iwui lungvāt lungli ina athumli marip ngasaka, kala ngaleitungli athumwui kharinga ashee ina heirora.”

JEREMIAH 10:20

Iwui kachonshimla sākachuphaira, iwui khara̱ saikorala sāshathaira; Inaongarā iwui eina thuiserhaida, matheithura; iwui kachonshim hārshoklui khavai, iwui shim sakāmi khavai khipākha maleithura.

JEREMIAH 21:12

O Davidwui shimkhur! Prohona hithāda hānga: Ngathor mashun bichar sāmilu, kala phama̱shaomi kahaipali kashaopāwui pāng eina kankhuimilu, maningkha iwui malungkhavāt mei thāda tāra kala chuida khipānakha masāshimitrarmara, nathumwui makaphā kasāwui vangna’”.

JEREMIAH 21:5

I khalatta pāng katingda pāngthei kharei eina, malungvāt eina, kala sāshāt eina nathumli ngararra.

JEREMIAH 30:14

Nathumli leikashebingna nali malaiserhaira, nathumli yangsangkhami maleilui; morei hakna kahaiwui vang, kashong chungnā kahaiwui vang; yangkashena kashao thāda ina nali tandi khamina.

JEREMIAH 36:7

Mi kachiva̱na awui makaphā apongwui eina latungda athumna kapo Prohowui mangāli vāshunglapai, kaja mibingli Prohowui malungkhavāt hakmahālaka.”

JEREMIAH 4:4

Proho mingli nathum khalatta ahui rimshoklu, kala nathum wuklungwui ahuila rimshoklu, O Judahwui mibing kala Jerusalemnaobing; Iwui malungkathui mei thāda shokpaishina, kala chuida khipānakha mashimitrarpaishina, nathumwui makaphā kasāwui vang.”

JEREMIAH 42:18

“Kaja Israelwui Vare, saikorawui Prohona hithāda hānga: ‘Jerusalemwui mibingli iwui malungkhavāt kala malungkathui heikharor thāda, nathumna Egyptli khavā tharan nathumlila iwui malungkhavāt heirorra. Mina yanglaga ngachee khavai, yangkharing khavai, zeinganao khavai ngasāra; kala nathumwui lam hi maungtheiluilakmara.’”

JEREMIAH 7:20

Chiwui vang eina Proho VAREna hithāda hānga: Yanglu, iwui malungkhavāt kala malungkathui apam hiwuitungli milila, sālila, luiwui thinglila, ngaleiwui theishirailila heirorra, china chuida khamit mavaimara.”

CHAPCHĀT 1:13

“Atungshongwui eina ira̱kuili mei chihotai; ipheiwui vang ana khalen sanga; kala ili konglui ngasaka; ana ili nganingung haimihaira, langpongda vānngasaka.

CHAPCHĀT 2:5

Yangkashe thāda Prohona, Israelli sākazamhaira. Ana konung saikora sākazammihaira, raipanbing sākathānmihaira. Judah naongalāva̱wui sikafa, chapchāt mataisang ngasaka.

CHAPCHĀT 3:3

Kachangkhatta, iwuitungli apāngna langpongda latlui latluida shaopama.

CHAPCHĀT 4:1

Sināna kathāda yumsihao, sinā kachanga kathāda ngacheihao! Kathara ngalungbing chānrei haophok khavai kachida horkathānserhaira.

CHAPCHĀT 4:11

Prohona awui malungkhavāt kāshunglak eina sāda, Zionli mei sa̱katā china shimphungabingla chuitup tāhaowa.

EZEKIEL 13:13

“Chiwui vang Proho VAREna hithāda hānga: Iwui malungkhavāt alungli siphan zingrot ngathung ngasakra; kala iwui malungkhavāt alungli tara̱ phongra, kala hakkhamahā theihla sāshimān khavai tāra.

EZEKIEL 20:34

Ina nathumli mibingwui eina khuishokra kala nathumli chaiyāng kahai kha̱bingwui eina shupkhuira, malungkhavāt eina ngasoda pangshapa ipāng katingshokra;

EZEKIEL 22:22

Lupāsā sharkha̱li mengkhangasak thāda; nathumlila chili mengngasakra; chieina Proho ina nathumwuitungli iwui malungkakang heikharorna da nathumna theikhuira.”

EZEKIEL 24:25

“Kha na, miwui naomayara, athumwui raipan, athumwui khamathān khamareo, mikwui khangayam, athumwui ningwui kakahao, anaongarā sha̱nao mayarnao, ina khuikathui tharan,

EZEKIEL 36:18

Chiwui vang eina athumna ngaleili ashee tākhangasakwui vang kala athum khalatta sākhamāng khavai kasā meoma̱wui vang ina iwui malungkhavāt tāror ngasaka.

EZEKIEL 5:13

“Chithāda sāda iwui malungkhavāt chishotra, kala athumwuitungli iwui malungkhavāt hāngsangda I khalatta ningyāng ungkhuira; kala athumwuitungli iwui malungkhavāt katā tharan Proho ina mikpaishida kahāngna da athumna theira.

EZEKIEL 6:12

Katāli khaleia a china kazātkashi eina thira, kala nganaida kapama a china raighai eina thira; kala mathila taihaikasābing china chāmrei eina thira. Chithāda ina iwui malungkhavāt athumwuitungli chishotta kupra.

EZEKIEL 7:14

Athumna talla̱ khongda ngaranriphaira, kha khipākha rai mavāmana, kaja iwui malungkhavāt saikorawuitungli tāhaira.

PĀNGMONSHI 26:17

Ina nathumli yangngakheihaida nathumli yangkashibingna sāthatra; nathumli ningkakachaibingna mungra, kala khipānakha makharomlala nathumna yāmzatra.

NAHUM 1:2

Proho hiya mikpaishikatha kala athut kakhuiana, Proho hiya athut kakhuia kala lungvātkashena; Proho hiya ali khangasungbingli athut khui, kala awui malungkhavāt yangkashebingli leichinga.

NAHUM 1:6

Awui malungkhavāt chili khipā nganingshapra? Awui malungkakangwui kasā chili khipa khāngshapra? Awui malungkathui mei thāda chuishoka, lunghārla ana kaitham ngasakhaishapa.

KHALATLUI 32:22

Kaja iwui malungkhavāt eina mei chuihaira, kala chi Kathewui ram zangshungda chuiya, okathui kala chiwui thingnā-ra̱hā chuiserhaira, kala phungreipheibing saikora mei chuihaira.

1 SAMUEL 28:16

Chieina Samuelna hānga, “Prohona nali mamayāmada mai ngareithuihaida nawui yangkashe ngasahaiakha, khisāda ili ngahānkhala?