CHAPCHĀT 2:3 - Kathara Bible (BSI)

³ Malungvātsir eina Israelwui pangshap saikora sātekmihaira; yangkashebingwui miktāli awui yāpang khuithuihaowa; meiwon thāda Jacobwui kuikhamareili khalei saikora ana thottāhaowa.

CHAPCHĀT 2:3 Iomraidhean Croise

2 THOTRINCHĀN 34:25

Kaja athumna ili horhaida yur khangateiwui vareli nganamkaphā riktai; athumwui otsak saikora china ili malungvāt khangasak chiwui vang iwui malungkhavāt apam hili heitāda chi khavān mavaimara.

JOBWUI LAIRIK 16:15

Ina iwui ahuitungli bora khoprora, kala iwui yāng chifali heitai.

LAA 132:17

Chili ina Davidwui vang angaji akha shokngasakra; iwui thao neomi kahaiawui vang thaomei akha ngarānmihaira.

LAA 74:11

Khisāda napāng kasaikha haihaokhala? khisāthuda nawui yāpang namathik tungli haipamkhala?

LAA 75:10

Makhayābingwui pangshap ana katathaora, kha khangarongabingwui pangshap khāngchikatra.

LAA 75:5

nawui talla̱ kajuili makhāngkālu, lah kahungla kharekta mamatuilu.”

LAA 79:5

O Proho, na karankha malungvātfarakhala? Nawui yuikashiwui lungvat mei thāda chuirala?

LAA 89:24

Iwui ningkatong kala iwui makhangachei leikashi ali ngasomira; kala imingli awui pangshap wui vang ali khayā kāngasakra.

LAA 89:46

O Proho karankharali? Nakhalatta ngathumchinghaorala? Nawui malungkhavāt mei thāda karankha chuifara?

ISAIAH 1:31

Kala kapanga chi khara̱rong ngasāhaora, awui otsak meipā thāra; kala khanini chuirumda sāshimitmi khavai khipakha maleisamara.

ISAIAH 42:25

Chiwui vang eina awui malungkasā kala raiwui pangshap chi awuitungli heirora. China ali kuimareida mei chuingasaka, kha ana matheikhuimana; ali chuilala ningli maza̱mana.

JEREMIAH 21:14

Nathumwui kasā athei athishurda, ina nathumli tandi mira da Prohona hānga; awui ngahongli ina mei thotra, kala china kuikhamareili khalalei saikora chuitāserhaora.”

JEREMIAH 4:4

Proho mingli nathum khalatta ahui rimshoklu, kala nathum wuklungwui ahuila rimshoklu, O Judahwui mibing kala Jerusalemnaobing; Iwui malungkathui mei thāda shokpaishina, kala chuida khipānakha mashimitrarpaishina, nathumwui makaphā kasāwui vang.”

JEREMIAH 48:25

Moabwui angaji katatmihaira, pāngthei sātekmihaira da Prohona hānga.”

JEREMIAH 7:20

Chiwui vang eina Proho VAREna hithāda hānga: Yanglu, iwui malungkhavāt kala malungkathui apam hiwuitungli milila, sālila, luiwui thinglila, ngaleiwui theishirailila heirorra, china chuida khamit mavaimara.”

CHAPCHĀT 1:13

“Atungshongwui eina ira̱kuili mei chihotai; ipheiwui vang ana khalen sanga; kala ili konglui ngasaka; ana ili nganingung haimihaira, langpongda vānngasaka.

CHAPCHĀT 4:11

Prohona awui malungkhavāt kāshunglak eina sāda, Zionli mei sa̱katā china shimphungabingla chuitup tāhaowa.

EZEKIEL 13:13

“Chiwui vang Proho VAREna hithāda hānga: Iwui malungkhavāt alungli siphan zingrot ngathung ngasakra; kala iwui malungkhavāt alungli tara̱ phongra, kala hakkhamahā theihla sāshimān khavai tāra.

EZEKIEL 7:14

Athumna talla̱ khongda ngaranriphaira, kha khipākha rai mavāmana, kaja iwui malungkhavāt saikorawuitungli tāhaira.

NAHUM 1:6

Awui malungkhavāt chili khipā nganingshapra? Awui malungkakangwui kasā chili khipa khāngshapra? Awui malungkathui mei thāda chuishoka, lunghārla ana kaitham ngasakhaishapa.

MALACHI 4:1

“Kaja yanglu, sharkha̱ thāda kachuiya zimiksho akha rāra; chithang lāngkaso kala makaphā kasābing lanji thāhaora; rārāda khalei zimiksho china chibing chuikhuphaida angayungla, aphāngla mashākmimara da saikorawui Prohona hānga.

LUKE 1:69

Awui rao David shimkhurwui eina ana ithumwui vang pangshap khaleia Huikhame akha shokngasakhaira;

LUKE 3:17

Lanpumwui mā chi heikhui khavai kala kapanga mā chi kazipkhuida chumli haikhavai yāmkok chi awui pāngli lei, kha ana ahikbing chi masāshimitkapai meilungli chithothaora.”

KHALATLUI 32:22

Kaja iwui malungkhavāt eina mei chuihaira, kala chi Kathewui ram zangshungda chuiya, okathui kala chiwui thingnā-ra̱hā chuiserhaira, kala phungreipheibing saikora mei chuihaira.