CHAPCHĀT 2:2 - Kathara Bible (BSI)

² Prohona lukhamashan maleila Jacobwui mi saikora sākazamhaira; awui malungkhavātwui alungli ana Judahwui naongalāva̱wui raipanla sha̱shiruimiserhaira; wungram eina khamungabingli maishi ngasakta, ngaleizingli khuitāmihaira.

CHAPCHĀT 2:2 Iomraidhean Croise

JOBWUI LAIRIK 2:3

Kala Prohona Satanli hānga, “Na iwui rao Jobli machukyanghairala, kaja okathuili shāt makakā kala mashungrik kahai, Vareli ngacheeda makaphāwui eina ngareikathuia mi katha maleimana? Nana ali maram maleila shimān khavai, ili hānglala aruila ana ningsa ngaziplak eina nganingtitta lei.”

LAA 21:9

Nana rākachithei tharan nana athumli meifa thāngasakra, Prohowui malungkhavātna athumli mayuisanghaora; kala meina athumli chuitāhaora.

LAA 74:7

Nawui kathara shim athumna mei sa̱tai, naming sompam khavai sāmakhaomida.

ISAIAH 22:5

Kaja saikorawui Proho Varivarana ngashumkakang, yāmung yāmvāda, pa̱khangapāwui phākho shaokakhai, kala phungreibingli khangavao, zimiksho akha ngarānhaira; khamahāwui tampākli.

ISAIAH 23:9

Tekkhamateiwui langsot sākhamāng khavai, okathuiwui maikhayā saikora maishi khavai, saikorawui Prohona ngarān kahaina.

ISAIAH 25:12

Kala awui kajuiya phaklāng ana sakhaimihaida ngaleili akha̱ sāngasakra.

ISAIAH 26:5

Kaja kajuipamli, khamashona keinungli kapambing, khanem pamli khuitāhaira, chifalungli horsanghaira.

ISAIAH 27:11

Thingphāng thengkahai eina tektāserhaowa; sha̱naobingna rāda chieina mei sai. Kaja hi mashun-makhui makathei miyurna, chiwui vang eina athumli kasāpānala athumli malumashanmara, athumli semkakhuiana athumli ngahankhangaila maleimara.

ISAIAH 43:28

Chiwui vang eina kathara shimwui wungnaobingli ina ningkachaiya, chiwui vang Jacobli ina sipsā ngasakra kala Israelli chotchāng ngasakra.”

ISAIAH 47:6

Iwui miyurli I malungvāthaowa, iwui shimluikatli ina mathar ngasakthuda horhaowa, athumli ina nawui pāngli horsangmi, nana athumli lukhamashan machitheimana; kasarnaoli nana nawui kharit otphun chiphuna.

JEREMIAH 13:14

Kala ina athum akha eina akha ngashao ngasakra, avāva̱ ngarā eina anaomayarabing ngashao ngasakra da Prohona hānga. Ina athumli sākashimān tharan athumli kashākla mashākmimara, lukhamashanla malumashanmimara.”

JEREMIAH 19:15

Saikorawui Proho, Israelwui Varena hithāda hānga, “Yanglu, keinung hiwuitungli, kala kha̱ saikorawuitungli, ina hāngtā kahai makaphā saikora chi tāngasakra; khikhalajila athumna ngakaishitingting iwui tui makhuisangthuwa.”

JEREMIAH 21:7

Chiwui thili Judahwui awunga Zedekiah, kala awui raobing, kala keinung hiwui mibing kazāt, chāmrei, kala raighai eina mathikhangakān athumli Babylonwui awunga Nebuchadrezzarwui pāngli, kala athumwui yangkashebing, manglā khuikida kasā athumwui pāngli horsangmiserhaora. Ana athumli raighai eina sāthatra, athumli malumashanmara, kashākla mashākhaimara, huikhamila mahuimimara.”

JEREMIAH 5:10

Awui ngaherher eina drakhāthei ling kahahai ungshung-vāshungda asākazammihaolu, kha makānmichaohaialu; aphāng thapmiserhaolu, athum chi Prohowui maningmana.

CHAPCHĀT 2:17

Prohona kharin chi sākachanghaira, ana ngarān kahai chi sāhaira, mangapatma achā hāngkahai thāda, ana lukhamashan maleila sakhayāngmihaira; ana yangkashibingli nawuitungli mathān ngasaka, kala nawui yangkashewui pangshapli masot mingasaka.

CHAPCHĀT 2:21

Khararnaosan mateila chānrei chifatungli pitai; iwui yāron ngalā raighai eina pitāhaira; nana malungvātshunhaithang athumli lukhamashan maleila sāthatserhaira.

CHAPCHĀT 2:5

Yangkashe thāda Prohona, Israelli sākazamhaira. Ana konung saikora sākazammihaira, raipanbing sākathānmihaira. Judah naongalāva̱wui sikafa, chapchāt mataisang ngasaka.

CHAPCHĀT 3:43

“Nana malungkhavāt eina shaksāda, ithumli kharomkhuida lukhamashan maleila shaothata;

EZEKIEL 5:11

Chiwui vang eina Proho VARE ina kachangkhat eina kahāng hina, khikhalajila nathumwui masākhangayi ot, ningkakachai ot saikora chi eina iwui kathara shim sākhamāng ngasakhaoda, chiwui vang nathumli ina katathaora, imikna mayangkheilakmara, kala ina malumashanmimara.

EZEKIEL 7:4

Ina mayangkheimilakmara, malumashanmiluimara; kha nathumwui alungli ningkakachai ot sālakha eina tangda ina nathumli tandi mira. Chieina I Prohona da nathumna theira.”

EZEKIEL 7:9

Ina mayangkheimilakmara, lukhamashanla maleimara; ningkakachai ot sālakha eina tangda nathumwui kasākhavā athishurda tandi mira. Chieina tandi khame chi Proho ina da nathumna theikhuira.”

EZEKIEL 8:18

Chiwui vang ina malungkhavāt eina sāra, imikna mayangkheimara, ina lukhamashanla malumashanmiluimara; athumna ikhanāli panglāk eina rāchapsanglala manganāsangluimara.”

EZEKIEL 9:10

Iwui vanga, imikna mayangkheiluilakmara, lukhamashanla maleiluimara, kha athumwui otsak athishurda sāman mira.”

MICAH 5:14

kala nawui Asherimla phurmihaora; kala nawui keinung sākazamserhaora.

MALACHI 1:4

Kalikha Edomna, “Ithumli sākhayānghaira, kha sākhayāng kahai chi ithumna sakāluishitra” da hāngakha, saikorawui Prohona hānga “Athumna sākālapai, kha Prohona katang mavaila malungkhavāta yur, makaphā makhayā ram da mahoranglakha eina tangda ina sākhaira.”

MATTHEW 18:33

ina nali lumashankhami chithada nanala nawui ngasota raopā chili malumashanmipaimala?’

2 CORINTHNAO 10:4

Khangarar hili ithumna kasing khutlai hi okathuiwui khutlai maningmana; kha raipan sakhaishapa Varewui khutlaina.

KHALATLUI 28:52

Athumna nathumwui keinung saikorali kuinamda, nathumna chihānda sākahai kajui kala ngaveitit kahai raipanbing saikora manurkhairanglakha eina tangda athumna keinung saikorali rāzangra, kala chithāda Proho nathumwui Varena nathumli khami nathumwui ngaleili athumna kuinamhaora.

KHALATLUI 32:22

Kaja iwui malungkhavāt eina mei chuihaira, kala chi Kathewui ram zangshungda chuiya, okathui kala chiwui thingnā-ra̱hā chuiserhaira, kala phungreipheibing saikora mei chuihaira.