CHAPCHĀT 2:19 - Kathara Bible (BSI)

¹⁹ Ngakarthuilu, ngayāshong ngakaolu, ngayā khamayon haokaphok tharan; Prohowui mangāli naning tara̱ thāda heishoklu, chānrei haokaphokpam kachida kathaiwui eina vānda khalei nanao ngarāwui mirinwui vang napāng katingshoklu.

CHAPCHĀT 2:19 Iomraidhean Croise

JOBWUI LAIRIK 3:24

Kaja iwui ningrei khāsut kahaina kashakazā sai, kala iwui khangahui tara̱ thāda heishoka.

LAA 119:55

O Proho, ina ngayā naming phaningpiya, kala nawui ain mayona.

LAA 134:2

Katharapamli nathumwui pāng khāngkālu, kala Proholi solu!

LAA 141:2

Iwui seihā kasā nganamkaphā ot thāda namangāli shānkhuimilu, kala ngazinshongwui pha̱kaphayā thāda ipāng khāngkakā!

LAA 142:2

Iwui maringkaphā awui mangāli phongshoka, Iwui kakhanang ali hānga.

LAA 142:3

Imanglā vānkahai tharan, iwui apong nana thei! Ina kazata shongfali athumna iwui vang khalen ngathumda sanga.

LAA 28:2

Ngachonmi khavaiwui vang ina nali polakha, nawui katharapamli, ipāng khāngkāda leilakha; iwui kapokhon shāmilu.

LAA 42:3

Ngashun ngayā iwui chara̱na kashakazā sai, mibingna ili ngahānchinga, “Nawui Vare kali leikhala?”

LAA 42:4

Ina iwui ning kakhalā tharan, hibing hi phaningunga: yarui ashangvana phanit salakha ringkaphawui khavao kala ningkashiwui laasak eina ngasoda ina yaruili kathada ngayurzatsā, athumli kathada khorumshimli thānvāsā khala kaji.

LAA 42:8

Awui makhangachei leikashi chili Prohona ngashun kasoi; ngayā peida awui laana ili ngasomi, iwui ringkhavai Vareli seihā kasā eina ngasoda.

LAA 62:8

O mibing, ali atam kachida shitsangchinglu; nathumwui ning ali milu; Vare hi ithum ngayin khavaina.

LAA 63:4

Chiwui vang ina ringlakha eina tangda nali sora; ina ipāng khāngkāda namingli ngakaora.

ISAIAH 26:9

Imanglāna nali ngayā phai; kaja okathuili nawui bichar theilaga apuk-apagawui mibingna nawui khangarong theikhui.

ISAIAH 51:20

Nawui mibing vānhaira, seichui khalenli khaman thāda athum shongfa ngapāk kajida pisanga; athum Prohowui malungkhavāt, nathumwui Varewui kakharar china pemtinghaira.

JEREMIAH 14:18

Luili ayang, raighai eina kathibingwui angun thei! Keinungli zang chāmrei kazāt eina kathi pemting! Kaja marān eina pāngmonbingna theithangkhamei maleila ngalei chili athumwui ot sāzata.’”

JEREMIAH 9:20

“Nganāmilu, O sha̱naobing, Prohowui tui, akhamor eina kahāng tui nathumwui khanāna shākhuiranu; naongalāva̱ ngarāli chapchāt laa tamchitheilu, mi ava̱va̱na khongnainaoli sikafa laa tamchitheilu.

EZEKIEL 5:10

Chiwui vang eina nathumwui alungli avāva̱ ngarāna naongarābingli shaira; kala naongarābingna avāva̱ ngarāli shaira; kala nathumli ina bichar sāra, kala nathum kachikathāna kanshokakha ina kharingbing chi masili chiphanhaora.

EZEKIEL 5:16

nathum shimān khavai chāmreiwui malā ina kachiho tharan, ina nathumli chāmrei chungmeikhangai chungmei ngasakra, kashakazā akhala mangaphangzāmara.

MICAH 1:16

Nathum khalatta kui sikokhaolu, nathumwui leikashiya naomayarabingwui vang; khalāng sāsha thāda kui sikokhailu, kaja athum nathumwui eina raithāhaora.

NAHUM 3:10

Chithālala ali khuithuihaida, raikathāli vai; awui naomayarali chānrei pamngaretli ngapokazamthatserhaowa. Kaja awui khayākakā mibingwui vang kalā yanga; kala awui khangambing saikorali mari khānghui eina khalaphaowa.

MATTHEW 14:25

Ngayawui pung matimaikhali Jishuna shamadrutungli zatta athumwuivāk rārāsai.

MARK 1:35

Akhama kathā ngathorthakva̱, kazing mahorranglakha ana ngakarthuida ngachakyāng kahai apam akhali seihā asāpama.

MARK 13:35

Chiwui vang eina mayonkhariklu, kala shimva̱ china ngazinnika, ngayasailunglinikā, harvā kakhonglinika, ngathorshongnika, katharan ungnikhala kaji nathumna matheimana.

LUKE 6:12

Chitharan Jishuna seihā sākhavai kaphungli vāda ngayā pongda Vareli seihā sāpama.

1 TIMOTHY 2:8

Chiwui vang eina mayarnaobingna kakhararla, malungkhavātla maleila apam kachiva̱li pāng khangkāda seihā sāmi ngasakngai.

WUNGVA̱-WUNGVĀ 7:19

Chieina Gideonli ngasoda athum shākha china ngayāsailung rairum ayārli vāda hāngkahai atam ungkhaleoda talla̱ khonglaga athumwui pāngli kasing ham chi shaokazama.

1 SAMUEL 1:15

Kha Hannahna ngahānkai, “Khamarip maningmana amei; kha I ningkachotva sha̱naona. Zam lah zamsheila mamangmana, kha Proho mangāli ining phongkashokna.

1 SAMUEL 7:6

Chiwui vang athumna Mizpahli akazipsera kala tara̱ asoklaga Prohowui mangāli heishokta, chithang kakhum eina pamda hānga, “Prohowui mangāli ithum morei sāhaira.” Kala Mizpahli Samuelna Israelwui mibingli bichar sāmi.