CHAPCHĀT 2:18 - Kathara Bible (BSI)

¹⁸ Proholi panglāk eina vaolu! O Zionwui naongalāva̱! Nawui chāra̱ kong khalong thāda ngathor ngazin longshon longthairanu! Na khalatta mangasāmkhui ngasakalu namikla mangasāmkhuiaranu!

CHAPCHĀT 2:18 Iomraidhean Croise

LAA 119:136

Imikna chāra̱ kong thāda longa, khikhalajila mibingna nawui ain mamayonmana.

LAA 119:145

Wuklung tongtingda ina ngakaoli; khangahānkāmilu! O Proho! Nawui shiyan ina mayonra.

JEREMIAH 13:17

Kha nathumna manganāsangakha, nathumwui lāngsotwui vang imanglāna ngathumda chapra; imikna chapchapta chara̱ pemda longtāra. Khikhalajila Prohowui yaoshang tukthuihaowa.

JEREMIAH 14:17

“Athumli tui hi nana ahāngra: ‘Ngashun ngayā mateila imikli chāra̱ tāshon tāthairanu; kala athum mangasāmaranu, kaja iwui mibingwui kachingva̱ naongalāva̱li marlak eina shaomida khamā haklak eina za̱haira.

JEREMIAH 4:31

Kaja naokhara̱va̱na khangahui thāda ina ringkhangā shai, naochizai kapharāva̱wui ringkhangā thāda, Zionwui naongalāva̱na khaksui khavai katinga, pāng tarāmlaga ngahuida lei; “I kalākashi! mi khayumbingwui mangāli ning shimānhaira!”

JEREMIAH 9:1

O, ikui tara̱si kaje, imikna chāra̱wui ura̱si kaje sāthat kahai iwui mibingwui naongalava̱wui vang chapshon chapthaira!

CHAPCHĀT 1:16

“Hibingwui vang ina chapta imikli chāra̱ longtai; kaja yangdhar chishotmi khavai, ninglumi khavai iwui eina katāva̱ thuihaowa, iwui naomayarabing ngachakyānghaira, kaja yangkashena yuihaowa.

CHAPCHĀT 1:2

Ana ngayā pongda soso chapa, maisor chāra̱na pemda; awui leishikasābing ngachaiwui eina ali ninglum khavai khipākha maleimana; awui ngasotnao saikorana ali yomshināmhaira, athum awui yangkashe sāthuiserhaira.

CHAPCHĀT 2:8

Zionwui naongalāva̱wui phākho shimān ngasak khavai Prohona machukhaira; ana chiwui leirin khānhaira; shimān khangasakwui eina apāng makhāmmana; ana raipan eina phākholi chapngachā ngasakta athum khanang ngaruma.

HOSEA 7:14

Athumna ili wuklung eina mangakaomana, kha athumwui pettungli chapama; kashakazā eina zamwui vang athum khalatta rimkazama, athumna ili ngakaishi.

HABAKKUK 2:11

Kaja lungguina shimrāpwui eina vaoshokra, kala khāngena shimtungwui eina ngahānkāra.