CHAPCHĀT 2:16 - Kathara Bible (BSI)

¹⁶ Nawui yangkashebingna ngashānyangda mana̱shi, athumna kasiya, ahā kachat-kachipa, athumna, “Ithumna ali sākhayāngmihaira! Iya, zimiksho hi ithumna honkasāna; ara ithumna hi samphangda; theihaira!” da athumna vaowa.

CHAPCHĀT 2:16 Iomraidhean Croise

LAA 109:2

Kaja makaphā kala kachipat khamorbing ili mamayāla makāda lei, kakapik male eina ili mamayāla matuili.

LAA 112:10

Makhayā mina theida malungvāta, ahā kachāta kala shimānhaowa, makhayā miwui ningkachāng khikha makhaning ngasahaowa.

LAA 124:3

ithumli athumna kharing eina mayuitāhairara; athumna ithumli malungkhavāt tharan;

LAA 22:13

Kathai kala khangang kapama kazingkha̱ thāda athumna ili khamor makāchithei.

LAA 35:16

Athumna ahā tarilaga ili marmei khangai marmeida mana̱shipama.

LAA 35:21

Ili mamayāmada athum khamor makāchitheida, “Ahay, ahay, ithumwui mikna chi theihaira” da hānga.

LAA 35:25

“Ahay, ithumwui kaphaning ungshunghaira.” da athum khalatta mahāngranu, “Ali ithumna mayuisanghaira” majiranu.

LAA 37:12

Khangarongali makaphaana shimān khavai sai, kala awui ahā ali tarichithei;

LAA 41:8

Athumna, “Thikapai otna ali katanshānhaira, a pida khalei chiwui eina mangakarthuiluimara” da hānga.

LAA 56:2

langpongda ili yangkashebingna naikazampama; kaja kachungkhana langsolak eina ili ngararpama.

LAA 57:3

Ana kazingram eina chihorāda chieina ili huimira, ili naikakazambingli ana maishi ngasakra. Varena awui makhangachei leikashi kala ningtongda shitkasang chitheira!

ISAIAH 49:19

“Kachangkhat eina nawui sākazam kahai, kala nawui chokahaipambing, kala nawui sākhayāng kahai lam — kachangkhat eina ara na nawui mibingwui vang teonahaora, kala nali mayuisang kahaibing katāva̱ thuihaira̱sāra.

JEREMIAH 26:6

chieina shimkhur hi Shilohli kasā thāda sāmira, kala okathuili khalei saikorawui mangāli keinung hi khonkashi sāngasakra.”

JEREMIAH 29:18

Ina raighai, chāmrei, kazātkashi eina kharom ngasakra, kala okathuiwui wungram saikorali kasham khavāvā papamli athum hi ngacheekapaia, khonkashi, ngashimkashi kala ningkakachaiya ngasā ngasakra,

JEREMIAH 50:17

“Israel hiya kazingkha̱na kharomkazat yaonaona. Khareli Assyriawui awungana shai, ara naomeikapta Babylonwui awunga Nebuchadnezzarna ara̱kui maziya.

JEREMIAH 50:7

Athumli samkaphangbingna tukshaiya, kala athumwui yangkashebingna hānga, ‘Ithum mayonmana, kha athumna athumwui akachangaram Proho, avāva̱ ngarāwui kachihāna Proholi mamayāmada morei kasāwui vangna.’”

JEREMIAH 51:34

Babylonwui awunga Nebuchadnezzarna ili mayuisanghaira, ana ili sākazammihaira; ana ili khamasai ham sāngasakhaira, khangayei thāda ana ili mayuisanghaira, iwui zākaphā, mangkaphā eina ana wuk chipemhaira, ana ili pheoshokhaira.

CHAPCHĀT 1:21

“Nganālu, ina kathāda ngahuili; ili ninglum khangasak khipākha maleimana. Iwui yangkashe saikorana iwui kakhanang shāhaira; hi nana kasāna da athumna ringphai. Nana chishāt kahai zimiksho chi khuirālu athumla iwui hitharanu.

CHAPCHĀT 3:46

“Ithumwui yangkashe saikorana mana̱shida zei,

EZEKIEL 23:32

Chiwui vang Proho VAREna hānga: “Nachinava̱wui khorām nana mangra, chi haklaka, kapemla pemtinghai; nali mibingna theida mana̱shira, kazeila zeira, kaja chili kachungkha zanga;

EZEKIEL 25:15

“Proho VAREna hithāda hānga: Khikhalajila Philistinenaobingna athut khuingairareo kala ningkhāchir eina yangkashi katang mavaila athut kakhuiwui vang;

EZEKIEL 25:3

Ammonnaobingli hānglu, Proho VAREwui tui nganālu: Proho VAREna hānga, Khikhalajila nathumna iwui kathara shim sakhamakhao tharan, Israelwui ngalei ramcho kahai tharan, kala Judahwui shimkhur raithā kahai tharan ‘Aha!’ da kahāngwui vang;

EZEKIEL 25:6

“Kaja Proho VAREna hithāda hānga: Khikhalajila Israelwui ngaleili mamayāmada nathumna pāng kakaphewui vang kala phei kakathangwui vang,

EZEKIEL 36:3

“Chiwui vang marānlu, kala hānglu, Proho VAREna kahāngna: Mha, apam kachiva̱wui eina nathumli rasākazammihaida nathum hi yur saikorana ngapaithui kahaia ngasā kahaiwui vang, kala miyurbingna meisumshimli zakshilāk eina chān sākhanganaowui vang,

EZEKIEL 5:15

“Prohona nathumwuitungli malungvātta malungkakang eina khamachin chitharan, nathumwui kuikhamareili khalei yurbingwui vang nathum khangachee otsak, hāngkhamathin, kala mana̱shi khavai ngasāra; hi Proho ina hāngkahaina—

HOSEA 8:8

Israelli mayuisanghaira; ara yur khangateiwui ngachaili khikha masā khavai ham kathā ngasāhaira.

MICAH 4:11

Arui nali makhamayā yur kachungkha kaziplaga hānga, “A makhaohaoranu, kala Zionli ithumwui mikna ngashānranu.”

OTSAK 7:54

Hangva̱naobing china Stephenwui tui chi nganālaga malungvātlakhaoda ahā kachetlaga yanga.