CHAPCHĀT 2:15 - Kathara Bible (BSI)

¹⁵ Shongfa rākhamakān saikorana nali athumwui pāng kapherora; athumna kasida kala kui khayitta, Jerusalemwui naongalāva̱li, “Okathuiwui khamathā kākashungva saikorawui mathān khavai keinung chi hila?” da athumna zei.

CHAPCHĀT 2:15 Iomraidhean Croise

2 WUNGNAOBING 19:21

Awui pongli Prohona kahāng tui chi hina: “Zionwui kachinga naongalāva̱ nali ningkachaida mana̱shiya; Jerusalemwui naongalāva̱na nakhanukli kuikhayita.

2 THOTRINCHĀN 7:21

“Kala hiyākha khayākakā shim hi rākhamakān kachiva̱na kashuirakhaida hāngra, ‘Khiwui 8vang Prohona ngalei hili kala shim hili hithāda shok khangasakkhala?’ jira.

LAA 109:25

I hi ili kaphenabingna mana̱shinganao khavai ngasāhaira; ili athumna kathei tharan athum kui khayita.

LAA 22:7

Ili kathei saikorana ili mana̱shi; athumna ili khamor chipitta kui khanuka;

LAA 48:2

Juikhamatai khamathā awui kathara kaphung, okathui saikorawui mathān khavaina, atungshong katāva̱li khalei, khareia Awungawui keinung Zion kaphung.

LAA 48:3

Chiwui raipanbingwui alungli Vare akhalattana makhangapat nganingme sāda chitheimihaira.

LAA 50:2

Khamathā kākashunga Zionwui eina, Varena horshoka.

LAA 64:8

Athumwui malewui vang eina ana shimān ngasakra; athumli katheibingna kui khayitra.

ISAIAH 28:21

Perazim kaphungli kasā thāda, Gibeonwui tampākli kasā thāda Prohona malungvātra; Awui sāki kaji ot chi—ngakheikhang kahai otna.

ISAIAH 37:22

awui pongli Proho na hithāda hānga: “'Ana nali chipata kala mana̱shiya— Zionwui kachingva̱ naongalava̱; ana nakhanukli kui khayita— Jerusalemwui naongalava̱.

ISAIAH 64:11

Iwui kathara kala khamathā shim, ishāvā ngarāna nali masotkhami apam chi meina chuitāserhaira; ithumwui yirkhamayei apam saikora ngayāng kahai ngasāserhaira.

JEREMIAH 18:16

Athumwui ngalei khangacheena pem ngasaka, katang mavaila kasiror khavai ngasāhaowa. Chili khamakāna kachiva̱na ngacheenāhaida kui khayita.

JEREMIAH 19:8

Kala ina keinung hi khangachee ngasā ngasakra, kasirorki kaji ot, rākakān kachiva̱na ngacheera kala kasirorra khikalajila kalāshāt shokkahai saikora chiwui vāngna.

JEREMIAH 25:18

Jerusalem eina Judahwui keinung saikorali, chiwui awungabing eina wungnaobingli, aja thāda ngachakyāng kala horyāng kahai, khonkashi ngasākhavai;

JEREMIAH 25:9

yanglu, ‘Ina ngalei kala hili kapamabing, kala hili kuimareida khalei yurbing hili makhamayāwui vang atungshongwui yur saikora, kala Babylonwui awunga iwui rao Nebuchadrezzarli ina chihorālaga athumli zakshilāk eina shimān ngasakra, khangachee-khangachā, kasiror khavai, kala katang makhavai maikashi ngasā ngasakra.

JEREMIAH 26:6

chieina shimkhur hi Shilohli kasā thāda sāmira, kala okathuili khalei saikorawui mangāli keinung hi khonkashi sāngasakra.”

JEREMIAH 29:18

Ina raighai, chāmrei, kazātkashi eina kharom ngasakra, kala okathuiwui wungram saikorali kasham khavāvā papamli athum hi ngacheekapaia, khonkashi, ngashimkashi kala ningkakachaiya ngasā ngasakra,

JEREMIAH 48:27

Israelli na maningkachaimala? Ali khaleebingwui alungli samphangda awui pongli khangazek tharan nakui kakhayit maningmala?

JEREMIAH 51:37

Babylon sākathānmihaida ja̱tāda khorkazam kahaipam sāra, ramfapam, khipākha maokthuimada khangachee kala kakasipam ngasāra.

CHAPCHĀT 1:21

“Nganālu, ina kathāda ngahuili; ili ninglum khangasak khipākha maleimana. Iwui yangkashe saikorana iwui kakhanang shāhaira; hi nana kasāna da athumna ringphai. Nana chishāt kahai zimiksho chi khuirālu athumla iwui hitharanu.

CHAPCHĀT 1:8

Jerusalemna zakshilāk eina morei sai, chiwui vang a khamakhao ngasā kahaina; ali khayāshikasā saikorana ali ningkachaiya, kaja awui khamahong athumna theihaira; mha, akhalattana ngahuiya kala amai ngareithuihaowa.

CHAPCHĀT 2:16

Nawui yangkashebingna ngashānyangda mana̱shi, athumna kasiya, ahā kachat-kachipa, athumna, “Ithumna ali sākhayāngmihaira! Iya, zimiksho hi ithumna honkasāna; ara ithumna hi samphangda; theihaira!” da athumna vaowa.

CHAPCHĀT 2:6

Awui langchin sākahai phanitshim; yāmguiwui rām thāda pheimihaira, Zionli Prohona langchin sākahai phanit eina sabbath, kala lungvāt eina awunga kala pāngmonbingli chinserhaira.

EZEKIEL 16:13

Chithāda nali sinā lupā eina sāri sāmi; kala nawui kashankachon khamanak kala silk kachon, aphor phorkasanga kachonmānga; nana khamanaka mathir kala khuira̱ eina thaomāng zai. Na ngalā mathākachangkhata rarkai kala awungawui shimlui samphanga.

EZEKIEL 16:14

Kala nawui azak khamathāwui vang naming yurbingwui alungli ngachāna, kaja nali mathā khangasaka chi ina. Hi Khamunga Prohona kahānga.

EZEKIEL 23:32

Chiwui vang Proho VAREna hānga: “Nachinava̱wui khorām nana mangra, chi haklaka, kapemla pemtinghai; nali mibingna theida mana̱shira, kazeila zeira, kaja chili kachungkha zanga;

EZEKIEL 25:6

“Kaja Proho VAREna hithāda hānga: Khikhalajila Israelwui ngaleili mamayāmada nathumna pāng kakaphewui vang kala phei kakathangwui vang,

EZEKIEL 5:15

“Prohona nathumwuitungli malungvātta malungkakang eina khamachin chitharan, nathumwui kuikhamareili khalei yurbingwui vang nathum khangachee otsak, hāngkhamathin, kala mana̱shi khavai ngasāra; hi Proho ina hāngkahaina—

DANIEL 9:16

O Proho, nawui khamashung otsak saikorawui athishurda nawui kathara kaphung, Jerusalemwui eina nawui malungkhavāt chi ngareithuihaoranu; khikhalajila ithumwui morei kala ishāvā ngarāwui moreiwui vang Jerusalem kala nawui mibing hi kuikhamarei khongnainaobingwui meisum tantak chānjam ngasāhaira.

MICAH 6:16

Kaja nana Omriwui shiyan-chikan, kala Ahab shimkhurwui shiyan-chikan mayonhaira; kala athumwui khamachin athishurda zatra; chieina ina nali macho ngasakra, kala nawui ramli kasikharora ngasāra, chithāda sāda mibingwui khamashāt nana phungra.”

NAHUM 3:19

Nawui sākaza̱ chi suikatā maleimana, nawui khamā chi marlakhaira, nawui pao kashā saikorana nali pāng kapherorra. Kaja nawui katang makhavai makaphā otsak chi khipāli maza̱rangkhala?

ZEPHANIAH 2:15

Hi nganongrei kahai leikhayā keinung akhana, akhalatta, “Ilaka, ili lāngda khangatei maleiluimana” da kahānga china. Ramcho kathāda ngasāhao, sāyurbingwui pikhavai ngasāhaira! Ali rākhamakāna mi kachiva̱na kasirora, kala pangkhum heimachita.

MATTHEW 27:39

Chiwui ngalemli kānung kānkhavābing china kuikhayitta Jishuli zeida hānga:

MARK 15:29

Apam chili rākakānbingna kui khayitlaga “Kathumthangwui thili sākāra kaje,