CHAPCHĀT 2:14 - Kathara Bible (BSI)

¹⁴ Kaja nawui marānbingna nawui vang khangui, kala kakapik mahāmi; nawui shimlui hanshok khavai athumna nawui khayonkhamāng machitheimana, kha nawui vang khamarān tui chi kachipat kala thānkhanguina.

CHAPCHĀT 2:14 Iomraidhean Croise

ISAIAH 58:1

“Pangda vaolu, nakhon talla̱ kakhong thāda vaolu; iwui mibingwui khayon phongmilu, athumwui morei, Jacobshi shimkhurli.

JEREMIAH 2:8

Pāngmonbingna, ‘Proho kali leili?’ da mangathingmana. ain kasingbingna ili matheimana; khamungbingna ili ngakaishi, marānbingna Baalwui ming eina hāngmarāna, kala makānkhanā ot chi phāzata.”

JEREMIAH 20:6

Pashhur nala, nashi shimli khalei saikora tukthuihaora, Babylonli khuivāserhaora, chili nathum thisangra; nala, kala nana minamda marānkhame ngasotabinglila chili chifaserra.”

JEREMIAH 23:22

Kha athumna iwui tui khuisāsi kaje, athumna iwui mibingli iwui tui vaomalānhairara, kala athumna athumwui makaphā apongwui eina, kala athumwui makaphā otsakwui einala ngareiunghairara.

JEREMIAH 23:36

Kha ‘Prohowui kharitphun’ kaji hi nana mahangluimara, kaja kharit otphun hi mi khalattawui tuina, kala nana kharinga Vare saikorawui Proho, ithumwui Varewui tui mashongachei ngasakhaowa.

JEREMIAH 28:15

Chieina marān Jeremiahna marān Hananiahli hānga, “Nganālu, Hananiah, nali Prohona machihomana; kala nana mibing hili kakapikli shitsang ngasakhaowa.

JEREMIAH 29:21

“Israelwui Vare, saikorawui Prohona hithāda hānga, Kolaiahwui naomayara Ahab eina Ma-aseiahwui naomayara Zedekiahwui pongli kahāngna, anina iwui ming singda kakapik tui marānmi: Yanglu, anili ina Babylonwui awunga Nebuchadnezzarwui pāngli horsangmida nathumwui miktāli shaothatra.

JEREMIAH 37:19

‘Babylon awungana rai marāngararlakmara’ da phongkhame nawui marānbing kali vāhaokhala?

JEREMIAH 5:31

marānbingna yonda marānmi, kala pāngmonbingna athum ningsasak eina munga; laga iwui mibingna chi ningchangmeihao! Kha khanaowa kharā tharan nathum khisara̱?”

CHAPCHĀT 4:13

Awui alungli khangarongwui ashee tākhangasaka marānbingwui morei, pāngmonbingwui khayonkhamāngwui vangna.

EZEKIEL 13:22

“Khikhalajila ina ali ning masuitā ngasaklala, nana khangarongbingli ning suitā ngasakta kala makhayā mili athumwui makhayā apong eina ngareiungda athumwui manglā mangatangkhui khavai kakatomwui vang,

EZEKIEL 22:25

Awui wungnaobinga, kazingkha̱na nirmamānda sā kashai thāda, athumwui mibingwui manglā shaimihaira; athumna aman kasasaka otla lanla ngapaikhuihaira; athumna kachungkhali ra̱mei ngasakhaira.

EZEKIEL 22:28

Kala pāngmonbingna ayarli shunu kachar teikhaningda mang machutkhaninga kala khanong sākhaninglaga Prohona makahahāngla, ‘Proho VAREna kahāngna’ da kakapik tui matui.

EZEKIEL 23:36

Prohona ili hānga: “Miwui naomayara, na Oholah eina Oholibahwuitungli bichar masārakhala? Chithākha aniwui ningkakachai ot sākahai chi phongmiserlu.

HOSEA 9:7

Tandi khamiwui atam rāhaira, athut kakhuiwui atam unghaira; Israelna chi theira. Marān hi mangkhama̱na, manglākazanga mi chi kapāna, nawui hakkhamahā khayonkhamāng kala ningkakachaiwui vang eina kharāna.

MICAH 2:11

Mi akhana masitui kala kakapik tui matuida, “Ina nathumli drakhāra̱ eina zamwui pao hashokra” da hāngshang hangtāakha, a miyur hiwui pao hākashokana.

MICAH 3:8

Kha ichanga pangshapna pemtinghai, Prohowui Manglā eina, kala mashun eina kala yāng eina, Jacobli awui khayonkhamāng kala Israelli awui morei phongmi khavai.

ZEPHANIAH 3:4

Awui marānbinga ningkhān sāngailaka, shitkasang makhaleiamānga; awui pāngmonbingna kathara ot sāmakhaowa, athumna ainla sakhai.