CHAPCHĀT 2:12 - Kathara Bible (BSI)

¹² Athumna ava̱va̱ ngarāli, “Zāt kala drakhāra̱ kali leili?” da keinungwui chānreili khamā kaza̱ mi thāda athumna vānda pikatā tharan, kala ava̱ ngarāna avam eina thihaowa.

CHAPCHĀT 2:12 Iomraidhean Croise

JOBWUI LAIRIK 30:16

Ara iwui ningli khalei imanglā yurhaira; kakhanang atamna ili singtithaira.

LAA 42:4

Ina iwui ning kakhalā tharan, hibing hi phaningunga: yarui ashangvana phanit salakha ringkaphawui khavao kala ningkashiwui laasak eina ngasoda ina yaruili kathada ngayurzatsā, athumli kathada khorumshimli thānvāsā khala kaji.

LAA 62:8

O mibing, ali atam kachida shitsangchinglu; nathumwui ning ali milu; Vare hi ithum ngayin khavaina.

ISAIAH 51:20

Nawui mibing vānhaira, seichui khalenli khaman thāda athum shongfa ngapāk kajida pisanga; athum Prohowui malungkhavāt, nathumwui Varewui kakharar china pemtinghaira.

ISAIAH 53:12

Chiwui vang eina ina ali khareiabingli ngasoda awui yar ngayarmira, kala ana kapingabingli ngasoda khangapon chi ngayarra, kaja ana kathi eina tangda manglā chihomi, kala khayonbingwui mishānli shānruma; chithālala ana kachungkhawui morei phungmi, kala khayonkhamāngbingwui vang pomi.

JEREMIAH 5:17

Athumna nathumwui heiun rāzā-rāshaimihaora; nathumwui naongalāva̱ kala naomayarabing, seila, yaola, drakhātheila, khaorātheila, kānmihaora. Nathumwui ning horsangda ngaziplak eina sakā kahai keinungbing chi athumwui raighai eina sākazammihaora.”

CHAPCHĀT 1:11

Awui mibingna kashakazā ngahuilaga phāzata; athumwui yāng samphanglui khavai athumwui lan kashakazāwui vang yorzai. “Yanglu, O Proho, yangtāmilu, kaja ili ningkachaihaira.”

CHAPCHĀT 4:4

Na̱ mangda khalei naobingla ra̱kachangna akārakli male napshānhaira; naoshinaobingna zāt poi, kha khipākhana mamizāmana.

EZEKIEL 30:24

Kala ina Babylon awungawui pāng pangsang ngasakra kala iwui raighai apāngli sangmira; kha ina Pharaohwui pāng sātekmira, kala ana khamā maphungkhararra miwui ringkhangā thāda ringāra.