CHAPCHĀT 2:10 - Kathara Bible (BSI)

¹⁰ Zionwui naongalāva̱wui ararbingna akhon akhak mashokla ngaleili pama; athumna bora ngavaida kuili hotla neowa; Jerusalemwui ngalānaobingna kui mashunda ngaleili yangzanga.

CHAPCHĀT 2:10 Iomraidhean Croise

2 SAMUEL 13:19

Kala Tamarna kuili hotla neolaga awui katuma phahon chi serkhakhaida, kala apāng kuili khangkālaga panglāk eina chapmamānda thuihaowa.

ISAIAH 15:3

chānreili athumna bora ngavaizata; kayāngli, shimtungli mi kachiva̱na chapta chāra̱ longtai.

ISAIAH 3:24

Nganamkaphāwui mahutli kashuikhanām; shānneira̱wui mahutli khara̱; sam sekkazak kahaiwui mahutli kui khangai; khamathā kashan-kachonwui mahutli bora; khamathawui mahutli kakhayak ngasāra.

ISAIAH 3:26

Awui ngaveina sifada chapngachāra kala ngachakyānghaora; ana ngaleitungli pamra.

ISAIAH 36:22

Chiwui thili Hilkiahwui naomayara mantri Eliakim, awungawui thuilinga Shebna kala Asaphwui nao kapime Joah athumna kashankachon serkhāklaga Hezekiahwuili vai kala Rabshakehwui tui saikora hāngchithei.

ISAIAH 47:1

Tālu, laga chifali pamlu; O Babylonwui kachingva̱ naongalava̱; wungpamkhong makhalei ngaleili pamlu! O Chaldeanaobingwui naongalava̱, kaja nali anuiya kala khamathava̱ maholuimara.

ISAIAH 47:5

Va̱ri eina pamlu, kala tangkhamangli zanglu, O Chaldeanaobingwui naongalāva̱; kaja nali wungrambingwui akhavaiva̱ maholuimara.

JEREMIAH 8:14

Khiwui vang ithum kasaikha pamhaokhala? Kazipkhuilu, ngaveikharik kahai keinungbing chili zangsa kala chili thisangsa; kaja ithumwui Proho Varena chili thikhavai retsangmihaira, kala ithumli mang khavai hu sangkahai tara̱ mi, khikhalajila ithumna Proholi morei sāhaowa.

CHAPCHĀT 1:1

Kathāda ngachakyāng eina pamli! Mi chiyākha nganotkasā keinung chi! Kathāda ra̱meiva̱ kathā ngasāhao, yurbingwui ngachaili hakmahālak eina leikasāpāva̱ chi! Keinungbingwui alungli philava̱ sākasāva̱ chi shainao sāthuihaira.

CHAPCHĀT 1:4

Zionli vākhavai shongfa sifaya, kaja langchin sākahai phanitli khipākha marāmana; awui ngavei saikora ngachakyānghaira, awui pāngmonbingna sifaya; anao ngalāva̱bingli shimenthuihaira akhalattala khanang kachangkhathaira.

CHAPCHĀT 3:28

Ali kachiphun tharan, kasaikha ja̱pamranu;

CHAPCHĀT 4:16

Proho akhalattana athumli yaokathān kahaina, ana khipālikha matheimiluimara; pāngmonbingli khayākashi maleiluimana; khararnaoli malumluimara.

CHAPCHĀT 4:5

Morchātlak eina zākasābing ara shongfali thingakanda lei; sophayori eina khamathāthā sāri kasābing hotlāli ngaleopida lei.

CHAPCHĀT 5:12

Wungnaobingli athumwui pāng eina kangyuihai, khararnaobingli khayākashila machitheimana.

CHAPCHĀT 5:14

Kasarnaobing keinungwui ngavei eina thuihaira, yaronnaobingna laa masāluimana.

EZEKIEL 27:30

nawui vang sifaya kala kachapla chapa. Athumna kuili hotlā neoda chifali ngakhora;

EZEKIEL 27:31

athumna nawui vang kui sitai, kala bora ngavai, kala malungringlak eina nawui vang chapngachai.

EZEKIEL 7:18

Athum khalattana bora ngavaipama, kala khangacheena athumli farora, mi saikora maishiri; kala kui saikorala ngakokserra.

JOEL 1:8

Mākham kahaiva̱ kachingva̱na mākham kahaiawui vang bora ngavailaga, chapkhangachā thāda.

AMOS 5:13

Chiwui vang thangkhama china atam hitharan kasaikha pamra; kaja hi makaphā atamna.

AMOS 8:13

Chithanghon lāshiyoyo kala yarshoshova̱, ra̱kachangwui vang vānra.

AMOS 8:3

Chitharan Khorumshimwui laakhon chi chapkhangachā khon ngasāhaora,” “kathingun kachungkhara, kapam kachungkhali athumli akhon mashokla horkazam haora” da Vare Prohona hānga.

JONAH 3:6

Pao chi Ninevehwui awungali vāshunga, chieina ana awui pamkhong horhai kala sāri raihaida bora ngavailaga hotlāli ngakhorpama.

JOSHUA 7:6

Chieina Joshuana awui kachon serkhaklaga Israelwui khararnaobingli ngasoda athumwui kuili hotla neolaga Prohowui oko mangāli ngazin eina tangda ngakhumzangda pama.

PHONGKHAMI 18:19

Athumna kuili hotlā parrorda chapsasui hānga, “Iyavo, iyavo, khareia keinung! Shamadruli jahas leida leihkhalonbingna shāngkhui khavaipam! Pung akhawui alungli shimānngalānghaira.”