CHAPCHĀT 2:1 - Kathara Bible (BSI)

¹ Malungkhavātwui alungli Prohona Zionwui naongalāva̱li muiyāzingli kathāda haihaokhala! Ana Kazingramwui eina okathuili Israelwui tekhamatei hortāhaira; awui malungkhavāt atamli awui pheinai eina tangda maphaningungmana.

CHAPCHĀT 2:1 Iomraidhean Croise

2 SAMUEL 1:19

“Nawui tekhamatei, O Israel! Nawui kajujui apambingli pitā ngasakhaira! Pangshapa chi kathāda pitāhaokhala!

1 THOTRINCHĀN 28:2

Chiwui thili Awunga Davidna yarui mangāli ngakarthuida hānga, “Ichināngarā kala iwui mibing, ili nganālu. Prohowui tuingashit oko hi haikhavai kala Prohowui phei naikhavai ina shim akha sākhuira da machuksai; kala chi sākhavai ngarānhaira.

LAA 132:7

“Ithum awui pamkhavaili vausa; apheizingli ithum akhorumsa!”

LAA 89:45

Mirin malingshap nana katatmihaowa; nana ali maikashina pemngasaka.

LAA 99:5

Ithumwui Proho Vareli solu; awui pheizingli khorumlu! Kathara chi ana!

ISAIAH 64:11

Iwui kathara kala khamathā shim, ishāvā ngarāna nali masotkhami apam chi meina chuitāserhaira; ithumwui yirkhamayei apam saikora ngayāng kahai ngasāserhaira.

JEREMIAH 30:14

Nathumli leikashebingna nali malaiserhaira, nathumli yangsangkhami maleilui; morei hakna kahaiwui vang, kashong chungnā kahaiwui vang; yangkashena kashao thāda ina nali tandi khamina.

CHAPCHĀT 1:1

Kathāda ngachakyāng eina pamli! Mi chiyākha nganotkasā keinung chi! Kathāda ra̱meiva̱ kathā ngasāhao, yurbingwui ngachaili hakmahālak eina leikasāpāva̱ chi! Keinungbingwui alungli philava̱ sākasāva̱ chi shainao sāthuihaira.

CHAPCHĀT 1:12

“Rākhamakān nathum saikora, nathumwui vang chi khikha maningthula? Prohona malungvātlākhaithang, ana iwuitungli kakhanang khuirākhami thāda kakhanang katheihairala?

CHAPCHĀT 2:17

Prohona kharin chi sākachanghaira, ana ngarān kahai chi sāhaira, mangapatma achā hāngkahai thāda, ana lukhamashan maleila sakhayāngmihaira; ana yangkashibingli nawuitungli mathān ngasaka, kala nawui yangkashewui pangshapli masot mingasaka.

CHAPCHĀT 4:1

Sināna kathāda yumsihao, sinā kachanga kathāda ngacheihao! Kathara ngalungbing chānrei haophok khavai kachida horkathānserhaira.

CHAPCHĀT 4:11

Prohona awui malungkhavāt kāshunglak eina sāda, Zionli mei sa̱katā china shimphungabingla chuitup tāhaowa.

EZEKIEL 13:13

“Chiwui vang Proho VAREna hithāda hānga: Iwui malungkhavāt alungli siphan zingrot ngathung ngasakra; kala iwui malungkhavāt alungli tara̱ phongra, kala hakkhamahā theihla sāshimān khavai tāra.

EZEKIEL 19:12

Kha malungvavāt eina arong phurshokta ngaleili horsanghaowa; zingshoshongwui masina thengmihaida atheila pa̱tāserhao. khamakanga akungla ngahuihaida meina chuitāhaowa.

EZEKIEL 24:21

Israel shimkhurli ahānglu: Proho VAREna hithāda hānga: Yanglu, nathumwui lāngso khavai pangshap, mikwui khangayam kala nathumwui manglāna kakahao iwui kathara shim chi ina makhao ngasakta, nanao ngarā sha̱naola mayarnaola nothā kahaibing chi raighai eina chithitra.

EZEKIEL 30:18

Tehaphnehesli ngashun tangmanghaora, Egypt wungram ina sakakhai tharan; awui langkaso pangshap ngalathaora, ali muiyāna ngachuiphinhaora; kala awui naongalāva̱bing tukthuiserhaora.

JOEL 2:2

tangkhamang khangami thangkha, muiyāna tangmangting kahai thangkha, chiyākha matheilakrang kaje, naodala matheiluilaki kaje, kapanga yur akhawui mi kachungkha kaphung pemluishitra.

MATTHEW 11:23

Kala He Capernaum, nali kazing kāzokta masot mimaraola? Naliva kazeiram tāshungda ngakhuntāra. Kaja nali hakkhamahā ot sāmi kahai chi Sodomli sāsāsi kaje keinung chi aja rāshungda leisāra.

LUKE 10:15

Kala Capernaum, naliva kazing kāzokta masot mimaraolā? Nali kazeiram tāshungda khuitāra.

LUKE 10:18

Chieina athumli hānga, “Ina kazingramwui eina rikhān khangashei thada Satan tākatung thei.

1 SAMUEL 4:21

Kha ana naoming Ichabod phokmida hānga, “Tekhamatei chi Israelwui eina pākthuihaira!” kaja Varewui okola ngapaithuihaowa kala awova̱la agaharala thihaowa.

1 SAMUEL 4:22

Ana hānga, “Tekhamatei chi Israelwui eina pākthuihaira kaja Varewui oko ngapaithuira.”